“Emigrantët” në parlament, PS dhe PD me qëndrime të ndryshme

Pasi qeveria i dha dritën jeshile, marrëveshja e emigrantëve tashmë ndodhet në parlament, ku fillimisht do të diskutohet në komisionet parlamentare e më pas do të miratohet në seancë plenare.

Deputeti i shumicës qeverisëse, Denis Deliu e konsideron pozitive këtë marrëveshje.

“Unë mendoj që Shqipëria ka bërë gjënë e duhur. Shqipëria e mbështet Italinë por edhe Bashkimin Europian dhe besoj që është gjë e mirë, ne duhet t’i gjendemi vendeve mik ashtu sic vendet mike na janë gjendur ne shqiptarëve,” – u shpreh ai.

Por opozita nuk mendon kështu, ndaj dhe ka lajmëruar që cështjen do e dërgojë në gjykatën kushtetutese. Deputeti Ferdinand Xhaferaj flet për mungesë transparence.

“Mungesa e transparencës ka ardhur sepse Rama nuk është nisur për të bërë këtë marrëveshje për ato që do përfitojë Shqipëria, thjesht është nisur për të bërë këtë marrëveshje për të munduar të balancojë opinionin shumë negativ që ka për problematikat e brendshme mundohet ta rregullojë me qoka të tilla ndërkombëtare,” – tha Xhaferaj.

Pedagogia Iris Luarasi shikon dy anë të kësaj marrëveshje.

“Unë mendoj që cdo marrëveshje që firmoset në një lloj mënyre në fshehtësi, pa u diskutuar më përpara me publikun gjithmonë mbart një hije shumë të madhe dyshimi. Kjo është njëra anë e medaljes. Ana tjetër pastaj mendoj që për të gjithë shqiptarët edhe për njerëzit që vecanërisht merren me të drejtat e njeriut, me shoqërinë civile, kur ti ndihmon emigrantët është gjithmonë një akt i mirë,” – u shpreh Luarasi.

Dy deputetët ndajnë qëndrime të ndryshime sa i takon votës më 21 dhjetor, ditë kur kjo marrëveshje do të finalizohet në parlament e cila kërkon 71 vota.

“Patjetër që do të jetë votë pro në bashkëpunim dhe me kolegët e partisë socialiste,” – tha Deliu.

“Marrëveshja si nga pikëpamja e parimeve ashtu edhe nga pikëpamja e ligjit lëvizin në një bazament shumë të lëkundshëm. Në këtë konceptim nuk mund të votohet,” – shtoi ai.

Në bazë të marrëveshjes së firmosur më 6 nëntor në Romë mes kryeministrave Rama dhe Meloni, pritet që në pranverën e vitit të ardhshëm të mbërrijnë emigrantët e parë. Parashikohet që brenda një muaj të vijnë në Shqipëri, 3000 emigrantë, të cilët pasi të përfundojnë procedurat e azilit do të largohen nga vendi.

Kushtetuta, dokumenti që i hoqi Sali Berishës kurorën e liderit të së djathtës

19:41 Politika 14 komente

“Nisën sms-të anonime” - Rama: S’duhet të mërziteni pse merren në punë demokratët. Jemi partia e të gjitha anëve

17:53 Politika 22 komente

Rama: Drejtësia për 21 janarin mund të vonojë, por nuk ka për t’u harruar

17:35 Politika 3 komente

Albin Kurti vjen në Shqipëri për Pavarësinë, por nuk konfirmon nëse do takojë Ramën

17:27 Politika 8 komente

Rama nga Vlora: Brenda disa ditësh nis shpërndarja e bonusit të pensionistëve për festat e fundvitit

17:03 Politika 3 komente

''Zihen në parlament dhe flasin me mesazhe'', Kadilli: Shqiptarët e rrëzuan njëherë Berishën, duan dikë tjetër

16:46 Politika 5 komente

“25 vite Kushtetutë”, Begaj: Kemi bërë hapa përpara në reformën në drejtësi

16:14 Politika 2 komente

''Kush është personi prapa jush?'' Batuta e Ramës për Ismail Qemalin: Gjyshi im, nuk e shikoni ngjashmërinë?!

16:08 Politika 45 komente

Çështja “Beleri”, Gjermania “rrëzon” Greqinë: Rruga e integrimit të Shqipërisë nuk duhet të ndërpritet

15:59 Politika 9 komente

Marrëveshja me Italinë për emigrantët, Rama: Gjithë zhurma erdhi sepse Shqipëria nuk është në BE, jemi më solidarë se vendet anëtare

15:42 Politika 8 komente