Te fundit
'Flamur Noka është gomari i Saliut', Alesia Balliu flet pas përjashtimit nga PD: Berisha ka frikë garën, më renditi krah Azem Hajdarit!
30 Mars 2026, 18:53Politika
TEMA
Juristja Alesia Balliu, e cila u përjashtua ditën e djeshme nga PD e Elbasanit, tha sot në një intervistë televizive se me këtë vendim, Sali Berisha e renditi krah Azem Hajdarit (i cili po ashtu ishte përjashtuar nga PD).
“Jam lartësuar pasi Sali Berisha më ka privilegjuar duke më vënë në krah të demokratëve, në krah të individëve që guxojnë e luftojnë, në krah të individëve që ngrenë zërin. Më ka renditur në krah të Azem Hajdarit. Për mua është privilegj të renditem në krah të Azem Hajdarit. Ky përjashtim është bërë sepse unë hodha kandidaturën për kryetare të PD-së. Berisha e merr këtë vendim sepse ka frikë garën dhe mendimin ndryshe”, tha Balliu.
Ajo shtoi më tej se Berisha është shkaku kryesor që PD sot është në opozitë. Sipas saj, eksponentë të lartë të PD-së janë të lidhur me qeverinë e kryeministrit Edi Rama.
“Nuk e lejon askënd që mendon ndryshe nga ai që të garojë dhe që kjo parti të ketë meritokraci. Ai e ka shndërruar këtë parti në funksion të tijin personal dhe rrethit të tij të ngushtë klientelist. Sali Berisha është shkaku kryesor pse opozita sot është në opozitë dhe pse opozita sot nuk vjen në pushtet. Individë të PD-së janë të lidhur me qeverinë dhe bëjnë pazare, dhe nëpër media bëjnë sikur e sulmojnë qeverinë. Berisha po përdor metodat e Enver Hoxhës për të përjashtuar çdo zë kundër. Linja ime ka qenë linjë kundër Berishës, jo kundër PD-së. Berisha është kundër drejtësisë dhe ndërkombëtarëve. Sot dëmin më të madh Shqipërisë po ja bën vetëm Sali Berisha, duke mbajtur peng opozitën dhe duke lënë PS-në pa kundërshtarë”, shtoi Balliu.
Ajo nuk i kurseu akuzat as ndaj sekretarit të përgjithshëm të PD-së, Flamur Nokës, për të cilin tha se ka horizont të kufizuar mendor. Sipas Balliut, roli i Nokës në PD është ai i gomarit të Sali Berishës.
“Kur del Flamur Noka në konferencë për mediat, edhe mikrofonat rrinë serioz. Jo nga respekti, por nga frika se çfarë budallallëku do thotë. Pasi ky person ka një horizont të kufizuar mendor. Roli i tij në PD është roli i gomarit të Sali Berishës, si gomari i Sanço Panços. Sot Noka nuk përfaqëson opozitën”, përfundoi Balliu.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Alisia, Muli eshte gomari i Saliut, dhe Saliu eshte krici plak e pjerdhur i Rames.
Mirë moj cuce por që të paska radhitur në krah të Hajdarit në fakt të ka bërë akoma më keq se Azemi të gjitha epitetet që I ka dhënë Berisha në fakt I meriton një nga një se një copë gomar ka qenë. Po thuaj ju të gjithëve ju hapen sytë vetëm kur jenë duke rënë në greminë. Dmth copa fosilesh servilësh jeni dhe pa pikën e dinjitetit për të bërë politikë. Pas nongratës qëndruat kaq kohë kur gjithë bota demokratike ja çorri maskën. Ju prapë pas ti. Por kur ju flaku ai është I keq. Debila!!!
Kjo eshte nje tjeter vegel e saliut. Po te jete seriozisht kunder Saliut e hedh ne gjygj per shkelje te statusit. Mos i hani keto mashtrime o lexues.
"Privilegj te renditesh krah Azem Hajdarit"... i humbe piket moj goce. Ne duam nje PD qytetare, jo PD fashiste, dhe ti me kete gjuhe po ju flet shpellaro-fashisteve te PD. Elektorati gri nuk e do Azem Hajdarin. Nuk e ka dashur as kur ka qene gjalle e as me pas. Nuk duam deshmore, na mjaftojne ata te kohes se Enverit, duam modele qytetarie. Kur ta kuptoni qe duhet te jeni parti e qytetareve mund te keni sukses, po deri atehere do shqyeni njeri tjetrin brenda vathes dhe nuk do fitoni ndonjehere zgjedhje te pergjithshme
Bravo Balliu. U ke vene qylafin sipas kokes. Muli gomar. Muli gomar po nga ata me samar. Dhe nje gje tjeter; me vjene keq per gomarin se do jete ofenduar,se Mul Noka eshte me posht gomarit. Gomari eshte inteligjent.
Nje gabim te vogel ke bere ,qe e krahasove veten me "Fatin " e Hajdarit. Kujdes!