Te fundit
Gërdeci si teori komploti: Pse nuk thirren dhe personazhet e “War Dogs
8 Shtator 2023, 19:20Politika
TEMA
Nga Ylli Pata
“Gërdeci”, sipas të gjitha gjasave do të kthehet në çështjen gjyqësore jo vetëm të një decade, po ka gjasa që të kapë një rekord edhe më të gjatë, e nuk është çudi që të bëhet edhe procesi i shekullit.
Nga një çështje gjyqësore, që u shqyrtua nga gjykata vetëm si aspekt i kujdesisë dhe pakujdesisë për shpërthimin, ku siç dihet shumica e të akuzuarve u hetuan dhe gjykuan në kushtet e “pakujdesisë” apo nenit të keqpërdorur të shpërdorimit të detyrës, me kërkesën e mbrojtjes së Fatmir Mediut, tashmë çështja po synon të hapet si vaji në lakra edhe si “teori komploti”.
Një hipotezë që nuk është aspak e re, madje doli menjëherë pas shpërthimit kataklizmatik të 15 marsit 2008 që shkaktoi humbjen e 28 personave dhe lëndimin e mbi 300 të tjerëve.
“Komplot serbo-rus” për të mos na futur në NATO”, u tha atëherë nga vetë Fatmir Mediu në disa intervista e deklarata, por edhe të tjerë.
Fakti është se edhe pse ndodhi Gërdeci, anëtarësimi i Shqipërisë në NATO nuk u vu asnjëherë në dyshim, pasi ishte një process strategjik i udhëhequr nga SHBA. Diplomati shqiptar që udhëhoqi procesin e diskutimit për anëtarësim, Agim Fagu, theksoi në atë kohë se SHBA udhëhoqi negociatat edhe me Athinën, e cila kishte ndërmend të bënte presion ndaj Shqipërisë, duke e ndaluar ta bëntë këtë.
Por edhe sikur të merret për bazë se ka pasur një komplot kundër Shqipërisë, ai nuk duhet të vijë tek shpërthimi i municionit, por tek skandali i ndërtimit të një punishte demontimi, pa asnjë kush sigurie, shumë afër kryeqytetit dhe ku punonin edhe minorenë.
Përse nuk u demontuan municionet në uzinat ushtarake të specializuara të Poliçanit dhe Skraparit? Përse ai proces u zhvillua në kushte skandaloze dhe u ngrit pranë një zone të banuar? Nëse ka një komplot serbo-rus, duhet të ketë tek ata që e ndërtuan punishten e Gërdecit, pasi shkaku që shpërtheu gjithë ai barut ishte krejt i qartë.
Megjithatë, edhe pse mund të vonojë dispozitën me një synim për të çfokusuar çështjen bazë të katastrofës së Gërdecit që është korrupsioni, mirë është që të ketë një process të gjerë. Madje mirë është që të jetë i hapur e të kthehet në një dispozitë e tërë dëshmish.
Mbrojtja e Fatmir Mediut ka thirrur si dëshmitarë një sërë zyrtarësh para edhe pas Gërdecit, por edhe zyrtarë të NATO-s dhe pjesëtar të disa kompanive ndërkombëtare.
Po përse nuk janë thirrur ata që e bënë Gërdecin një aferë publike në mediat më të rëndësishme botërore si New York Times. Pra Efraim Delijorgji e David Pakuz. Nëse nuk i kërkon mbrojtja e Mediut, le t’i thërrasë prokuroria, apo edhe familjarët e viktimave.
Gërdeci nuk mund të jetë komplot si pasojë, pa qenë si shkak…
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mediu ka lene jashte liste edhe Fazlli¢in qe ulesh ne keshillin e sigurise kombetare me bekimin e plakut Mere.
Zoti Mediu fli i qet. Sa te rroje baca Sali nuk te gjen gje ty. Baca Saliu eshte kryeprokuror,Kryetar gjykate,gjykates,avokat,i ka te gjitha dhe nuk te gjen gje. Veç nje do besh ti Fatmir,kur te vdesin Saliiu t'i besh ne varr prej floriri. Nqs nuk ke vete,shko te Ilir Meta se ai ka flori me bollek.
Në shtetin e degjeneruar mafjoz shqiptar,krimineli dhe mafjozi fiton gjithmonë.
Gerdecit vetem Enveri ja kisht dhene drejtesine me kohe , ai vinte ne rresht nga Saliu autori kryesor Fate medihoxhen e te gjithe me radhe e je u kishte qire mamate tere fajtorve pushkatim jo keta kane 13 vite tallen me familjaret e te pjekurve ne zjarrin e korrupsionit .
Fatmir kjo teori patjeter qe qendron sps Shqiperia u kthye ne Burdello e personalisht besoj se eshte e vertete qe sllavet nen shtysen e rusve e bene ate qe bene, por Zeni, Mihali dhe baxhanaku ja kane QR e duhet te ishin ata ne vendin tat edhe kjo eshte e vertete.
Kjo është tallje me kufoma.
Shqipërinë me ngut Amerika e futi urgjent në NATO pa asnjë kriter sepse e kishte hetuar se udhëhiqej nga sherbimet serbe të inteligjencës dhe sa herë i duhej Serbisë inskenonte:hyrje në Ambasada,Piramidat,ngjarjet e vitit 1997 kur u shkatrrua përfundimisht Shqipëria si shtet.Pra NATO e ka shpëtuar Shqipërin si territor për të mos u fut sllavet por nuk e ka bërë shtet edhe sot politikën e jashtme të Shqipërisë e udhëheq Serbia.Tani që nuk futet do Rusia në Shqipëri ka filluar Greqia të kërkon toka shqiptare meqenëse ka vrejt se nuk ka shtet të organizuar shqiptar ,por një grupacion mafioz.Sa më par që shqiptarët largojnë nga politika këta monstrum aq më par do bëjnë shtet se përndryshe do cakton bota ndonjë Princ Vid për të udhëheqzShqipërinë.