Te fundit
Ministri i Drejtësisë në IEVP për Pashkë: “Ringjallja është kujtesë se asnjë histori nuk mbyllet përfundimisht”
5 Prill 2026, 17:50Politika
TEMA
Ministri i Drejtësisë Toni Gogu dhe Drejtori i Përgjithshëm i Burgjeve Adriatik Kupi, bashkë me zyrtarë të tjerë, morën pjesë sot në meshën e Pashkës në një nga Institucionet e Ekzekutimit të Vendimeve Penale (IEVP), ku përcolli një mesazh për të paraburgosurit që festojnë këtë ditë të shenjtë.
Gjatë fjalës së tij, Ministri u ndal te kuptimi i Ringjalljes si një moment që tejkalon idenë e fundit dhe rikthen shpresën për një fillim të ri. Duke iu referuar Bibla, ai citoi vargun “Ai nuk është këtu; u ringjall” (Luka 24:6), duke theksuar se kjo ngjarje përfaqëson një kthesë të thellë në mënyrën si kuptohet e ardhmja e njeriut.
“Në një vend si ky, ku çdo ditë lidhet me përgjegjësi dhe reflektim, mesazhi i Pashkës është se njeriu nuk është i mbyllur përfundimisht në të shkuarën e tij,” u shpreh Ministri.
Ai theksoi se drejtësia ka rolin e saj në vendosjen e kufijve dhe përgjegjësisë, por duhet të mbetet e lidhur me mundësinë e ndryshimit dhe riintegrimit. Sipas tij, Ringjallja nuk e mohon të shkuarën, por hap një perspektivë të re për të ardhmen.
Vizita u zhvillua në një atmosferë të qetë dhe reflektuese, në prani të përfaqësuesve të institucionit dhe shërbimit fetar, ndërsa Ministri uroi të gjithë besimtarët për Pashkën.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gogu paska marrë përsipër të bëjë detyrën e Kapedanit Oto Kaci. Si rregull, gjërat e shenjta thuhen në vëndet e shenjta, por Gogu duket ka vendosur t'i mahnisë të paraburgosurit me njohuritë e tij të thella biblike duke i shpalosur ato në ambientet e paraburgimit. Merret me mënd, të burgosurve me këtë rast u është dhënë mundësia dhe duhet të kenë bërë një barrë qejf me "marrëzitë" që nxjerr nga goja Oto Kaci i Partisë së Rilindjes së dytë.
Korigjim i gabimit të tastierës:Kapelani Oto Kaci.