Te fundit
Ngrirja e PD-së në PPE; faza e parë e ndëshkimit politik
31 Maj 2022, 17:43Politika
TEMA
Nga Ylli Pata
Vendimi i sekretarisë së Partisë Popullore Europiane për të hequr të drejtën e votës për delegacionin e Partisë Demokratike të Shqipërisë, në Kongresin e Roterdamit, ka shumë gjasa që ju është bërë me ditur personave të kontaktit që PD ka në PPE.
Thjesht, ai që i disponon letrat përkatëse nuk i bën publike. i vetmi që ka folur për këtë çështje publikisht ka qenë Kreshnik Çollaku, deputet dhe anëtar kryesie i PD-së, i cili ka bërë të ditur se bëhet fjalë për një pezullim në kuptimin e plotë të fjalës.
Por Çollaku shton se ky pezullim do të vijojë deri në vendimin e gjykatës së Apelit, që sipas gjasave nuk ka përse të jetë kështu.
Pasi PPE është një organizëm qartësisht politik që vepron në kushtet e një rregulli që ngjan krejtësisht me Bashkimin Europian. Pjesë e PPE-së, janë edhe partitë e qendrës së djathtë që nuk vijnë nga vendet anëtare të BE-së, që u bë me nismën e ish-kancelares Angela Merkel, mbi 10 vjet më parë, si një sinjal për zgjerimin e BE-së dhe marrëdhënieve me Ballkanin Perëndimor.
Në aspektin legal, PPE nuk ka asnjë dyshim apo problem të paqartë për Partinë Demokratike. Ajo, ka në gjirin e saj, PD-në e cila është përfaqësuar nga kryetari i saj Lulzim Basha dhe kryesia e saj. Me dorëheqjen e bashës, partia drejtohet nga një regjencë, e cila njihet jo vetëm nga PPE por nga të gjithë interlekutorët ndërkombëtarë, të cilët rregullisht takojnë Enkelejt Alibeajn dhe drejtuesit e grupit parlamentar të PD-së.
Por, ç’do të ndodhë nëse Gjykata e Apelit, njeh Komisionin e Rithemelimit, pra Sali Berishën si kryetar legal të Partisë Demokratike? Një vendim i formës së prerë, që nuk do të lërë më asnjë dyshim në aspektin ligjor.
Këtë e ka shprehur krejt qartë, Gunther Kirschbaum, një deputet i rëndësishëm i CDU-së gjermane, pjesëtar i bordit drejtues të PPE-së, dhe një nga njerëzit më influentë në lidhje me politikat europiane të CDU-së dhe lidhjet me Ballkanin Perëndimor.
Kirschbaum, i cili është një aleat i vjetër i PD-së, ka shprehur qartë e shkoqur se “nëse e merr Sali Berisha drejtimin e PD, PPE nuk do të ketë asnjë marrëdhënie”.
Pas deklaratës së tij, në Tiranë mbërriti jo me mision partiak, kreu i Komisionit të jashtëm të Parlamentit Europian, David Mcallister, eurodeputet i CDU-së dhe zëvendëspresident i PPE-së. i cili takoi vetëm Alibeajn dhe Jorida Tabakun.
Sot në Roterdam të Holandës, ka nisur Kongresi dyditor i PPE-së, i cili ka në axhendë situatën në Ukrainë, por edhe zgjedhjen e presidentit dhe nënpresidentëve të PPE që janë 7 të tillë. Kandidat për President të PPE-së është Manfred Weber, drejtues i CSU-së, fraksionit bavarez të CDU-së, e cila është më konservatore dhe e djathtë, kryesisht për çështjet e familjes dhe mbrojtjes sociale.
Weber, ishte një nga kandidatët për të drejtuar Komisionin Europian së bashku me Ursula Von Der Leyen, ish-ministre e CDU-së që u mbështet fort nga kancelarja Angela Merkel.
Përveç Weberit, si zv.presidentë të PPE-së priten të zgjidhen: David Mcallister nga CDU, ish-Komisioneri i Zgjerimit i BE-së, Johannes Hahn nga Partia popullore austriake, Mariya Gabriel, ish-komisionere e BE-së për teknologjinë nga grupimi Gerb-Bullgari, eurodeputetja holandeze e Partisë Krisitian Demokrate të Holandës, Esther de Lange, e cila është një figurë e rëndësishme në Parlamentin Europian, eurodeputeti spanjoll Esteban Gonzales Pons, nga Partido Popular, i cili është një nga krerët e grupit parlamentar të PPE, Andrzej Halicki, nga Platforma Qytetare e Polonisë dhe Siegfried Mureshan, nga Partia Kombëtare Liberale e Rumanisë. Të gjithë kandidatë vijnë nga parti që janë ose në pushtet, ose opozita kryesore me peshë në politikën e vendeve të tyre.
Ndalimi i delegacionit të PD-së prej 4 vetash që të mund të votojnë drejtuesit e PPE-së është një vendim i qartë politik, që nuk ka asnjë shpjegim tjetër përveçse të tillë. Problemi i PD-së që ndëshkohet është Sali Berisha si individ, si dhe loja që një pjesë e deputetëve të saj po bëjnë duke luajtur me një vendim shumë serioz të qeverisë amerikane.
Para pak ditësh, Parlamenti Europian miratoi një rezulutë, ku bëri të ditur se mbështet sanksionet e qeverisë së SHBA ndaj disa zyrtarëve në Ballkanin Perëndimor, e i bëri thirrje institucioneve të BE-së që të ndjekë të njëjtën rrugë.
Gjë që këto institucione kanë nisur ta zbatojnë; PPE është një nga institucionet politike bazikë që kanë themeluar Bashkimin Europian dhe është kyçe në marrjen e vendimeve politike të Europës.
Nuk kemi të bëjmë aspak me një izolim të PD-së, por me një ndëshkim, siç PPE kanë ndërmarrë ndër vite ndaj çdo force politike apo politikani që ka shkelur vlerat mbi të cilat BE është themeluar. E aleanca me SHBA është një nga këto vlera, NATO përshembull është ftuar të marrë pjesë si organizatë partnere në Kongres. Ku sipas gjasave ka edhe përfaqësues të institucioneve politike amerikane…
TemA
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
E çfare pastaj?.Pd-ja futet me te drejta te plota tek partite islamike,ne Irak p.sh.
Atje eshte futur Rama-llari, eunuku i erdoqenit te turqis.
Asgjë për t’u shqetësuar , thjesht e kanë futur në FRIGORIFER , me që filloi VAPA !
Lum neve qe po shikojm filma pa para dhe po kenaqemi.Por do kenaqemi akoma me shume kure Sali Berisha dhe Ilir Meta do na hedhin vallen tropojançe e skrapalliçe ne burgun e Reçit. Prisni,prisni,s'kini pare asgje akoma deri tani.Te tjera avaze te bukura do shikojm nga oborri i SHQUP-it.
Hajt se tapo kthehen në PD,atë legale ,bythëqirët Bythykbashi,Këllithi,Bumçiçibumçi ,Ristani e shokë duke qarë...ëëëë na gënjeu doktori!
perralla shiqo foto albana vokshi ne tv syri ne EU duke votuar
Amon mo si u katandis Vicidoli me njerez pa vlere si Muli sheiku i pdse ish presidenti i Republikes se Lazaratit, Klevis krrici i faros me dy gishta lart mbi furgonin e policise duke bere garipin para shpellareve te Astirit, Strazua me patllake ne brez, Vokshi gerdalla, Floriana qejflija qe tani u be me zyre se ngeli pa pune ne Zvicer, drejtore policie ne kohen e doktor Rrumpalles, shefa komisariati ne kohen e rrumpalles pd, ish drejtora tani te papune , me nje fjale njerez te papune qe shohin endrra qe nje non grata mund te vije ne pushtet perseri. kur te qethen delet.
Ngrirje dhe shkrirje jan normal në këtë kolaps ekonomik, por duhet parë më thell, se si mund të zbutet pjesa që ka luhatje në mendime gjetkë.