“Partia e Lirisë do të shkrihet”, Halit Valteri për sulmet e Metës ndaj Altin Dumanit: Ka kohë që i ka lëshuar pëllumbat

24 Prill 2024, 11:00Politika TEMA
“Partia e Lirisë do të shkrihet”, Halit Valteri për

Kreu i Partisë së Lirisë, Ilir Meta ka qenë në qendër të vëmendjes ditët e fundit për shkak të deklaratave të tij për partinë, por edhe për sulmet ndaj kreut të SPAK, Altin Dumani.

Në lidhje me këtë temë ka folur ish-deputeti Halit Valteri, i cili tha se është koha që Meta të japë llogari para drejtësisë, teksa po bën përpjekjet e fundit për të shantazhuar SPAK-un.

“Ky është futur në ringun poloitik një kloun i vjetër por me personazh të ri.  Është një kloun që ka vite që paralajmërohet, por nuk është menduar që do të arrij deri në këtë lloj roli që të luajë në maja shtyllash, për të tërhequr vëmendjen e publikut, pasi ka pasur një divorc të gjatë me publikun, pasi Ilir Meta ishte shkëputur nga daljet publike dhe kishte ndonjë dalje të rrallë.

Me gjithë këto kallëzime që ka ai në SPAK është radha e tij që të jap llogari para drejtësisë. Po bën përpjekjen e fundit për të shantazhuar drejtësinë”, tha Valteri  në emisionin “7pa5”. 

Më tej Valteri deklaroi se Meta ka dalë në studiot televizive i dehur, teksa vuri në dukje se shqiptarët ia kanë dhënë verdiktin me votë.

“Futet në studio, kap mikrofonin, bën regjisorin, nxjerr telefonin, njeri normal nuk është. Iliri ka kohë që i ka lëshuar pëllumbat, ka lëshuar dhe dorën te faqorja, nuk duhet marrë seriozisht. Shikojmë njeriun që ka pasur postet më të larta shtetërore, nuk ka më çfarë t’i japë Shqipëria, i ka dhënë miliarda eurot që ka, sot ky po i kthen Shqipërisë një përzierje stomaku çdo ditë sa hapin televizorin. Që Ilir Meta është hajdut dhe kriminel, gjithë shqiptarët e dinë.

Këto janë gjëra që shqiptarët i dinë dhe ia kanë dhënë verdiktin me votë derisa ta nxjerrin nga politika. Problem nuk është që a do shkojë Ilir Meta në burg, çfarë do t’i kthejë Shqipërisë nga ato që ka vjedhur”, tha ai.

Ndërkohë, për çiftin Meta-Kryemadhi, Valteri tha se kanë ndarë aksionet me njëri-tjetrin dhe theksoi se Partia e Lirisë do të shkojë drejt shkrirjes.

“Unë jam i mendimit që këta kurrë nuk kanë qenë ndonjëherë bashkëshortë. Kanë qenë një çift ortakësh që kanë krijuar një koorporatë që e quajnë parti politike. Kanë ndarë aksionet e qarta, kanë ndarë paratë me njëri-tjetrin dhe kanë pasur kuotat e caktuara. Tani këto kuota janë prishur. Meta me të drejtë i akuzon sepse ua dha partinë me 19 mandate dhe e katandisën me 3.

PL do jetë drejt shkrirjes dhe nuk do të jetë me parti politike, sepse e ka ngritur forcën e saj me anë të lekut”, u shpreh ish-deputeti.

Ai u ndal edhe te marrëdhënia e Ilir Metës me Sali Berishën dhe tha se të dy i bashkon i njëjti problem.

“Të dy i bashkon i njëjti hall. Unë e di që Berisha e ka marrë me qira partinë e Ilir Metës, të paktën në zgjedhjet e fundit. S’e di kur do e prishin kontratën e qirasë apo do ta vazhdojnë, por të dy kanë të njëjtin hall. Sulmojnë në të njëjtën kohë drejtësinë, aleatët tanë të Shteteve të Bashkuara të Amerikës. Nuk dua t’i anatemoj më, sepse ia kanë dhënë dhe do ia japin shqiptarët me votë sa herë këta të kandidojnë”, tha Valteri.

2 Komente

  1. p
    pilo Lala

    Deri ne Qershor te vitit tjeter, edhe Likja, edhe Monika do jene ne burg, nuk ka me LSI.

    1. D
      Dursakja

      Deri tani Iliri dhe Monika kanë grabitur si dhe sa kanë dashur me qetësi dhe dashuri,ndërsa tani me dashuri dhe qetësi ligji do tua marri atë që grabitën. Mbas kësaj populli qetësohet dhe dashurohet meSPAKUN. Kështu fillon të ecë puna mbarë. SPAKUN e priftë e mbara!

      Lini një Përgjigje