Problemi real i Berishës me Tom Doshin, përveç përdorimit si alibi për humbjen

26 Maj 2023, 20:21Politika TEMA

Problemi real i Berishës me Tom Doshin, përveç përdorimit

Nga Ylli Pata

Ka disa ditë që propaganda e Berishës, por edhe e mbështetësve mediatikë të tij, po e konsiderojnë Tom Doshin dhe Partinë e tij Socialdemokrate, si një nga shkaqet e disfatës në 14 maj.

Ka një refren të përditshëm në konferencat e shtypit, por edhe në deklaratat që bëjnë paneleve njerëzit që kanë mbështetur foltoren që prej shpalljes Non Grata të Berishës.

Neritan Sejamini, madje tha një natë në emisionin e Ylli Rakipit se kishte dëgjuar një mik të tijin se nuk e kanë lënë të shkojë në plazh në Velipojë ditën e zgjedhjeve, duke përmendur si fajtorë njerëzit e Tom Doshit. Ndërkaq, Bardh Spahia, menjëherë pas denoncimit të Sejaminit, nisi sulmin, duke e quajtur Partinë Socialdemokrate si shkaku i vërtetë i katastrofës së tij politike në aventurën e 14 majit.

E filloi një seri ankimesh, ku sipas tij strukturat e krimit në Shkodër ja kishin marrë fitoren. Kur Ylli Rakipi kërkoi prova, Spahia tha se në fshatin Markolaj, kanë gjetur njerëz që i kanë mbajtur votues për qafe duke i shtrënguar për të votuar kundër tij. 

Një logjikë krejt e pamendueshme, e pabesueshme, kur bëhet fjalë se në një komision të Qendrës së Votimit ka përfaqësues të të gjithë partive, ndërkohë që ka vëzhgues e mund të shkojnë në çdo moment vëzhguesit ndërkombëtar të OSBE-ODIHR. Ndërkaq, nga ambasadorët 14 majin në Shkodër e kishte marrë si patronazh ambasadori britanik në Tiranë.

Nese nëse ka ndonjë kontestim Bardh Spahia apo edhe BF-ja për votimet në Shkodër, aty ka rinumërimin, apo të çojë në SPAK faktet që ka për atë që e quan aksion kriminal. Kjo pjesë është natyrisht pjesë e propagandës që Sali Berisha do ta përdorë gjatë si një alibi për të mbajtur me zor pozicionin e vet në foltore, për të kapur atë çfarë mund të kapë në një pjesë të opozitës. E këtu është çështja: ku situata po i rrëshqet nën këmbë.

E, njeriu që po rezulton si mankthi më i madh i Sali Berishës në territor është një homolog i tij. Homolog natyrisht jo në statusin politik, pasi Sali Berisha nuk është subjekt politik i njohur nga ligji, por homolog në aspektin se është i shpallur Non Grata nga qeveria e SHBA, njësoj si Sali Berisha.

Doshi, i cili nuk hyri në Parlament në 2021, edhe pse e fitoi mandatin, ka rezultuar më 14 maj një agresor politik invaziv i elektoratit radikal të Sali Berishës. Referuar të dhënave që vijnë nga zona të caktuara në Shkodër, Sali Berisha ka pësuar vërtetë një goditje në pjesët që dikur i konsideronte si “nyje të forta”të tij.

Nëse vihet re, kur i referohen Shkodrës, si vetë Berisha, ashtu edhe Bardh Spahia apo të tjerë, përmendin shpesh Velipojën si një lloj Vaterloje të tyre më 14 maj. Në Velipojë, po t’i referohesh rezultatit zyrtar, Benet Beci ka marrë 2041 vota dhe Bardh Spahia 702. Edhe pse Velipoja ka qenë gjithmonë një bastion socialist që nga viti 1992, ku përgjithësisht ka anuar majtas, ajo ka pasur një pjesë të rëndësishme të votuesve radikal pro PD-së, si pasojë e ekzistencës së një komuniteti të madh të përndjekurisht politik gjatë diktaturës komuniste. Komunitet, në të cilin bën pjesë edhe Tom Doshi, pasi familja e tij ka qenë e përndjekur.

Në fushatën e 14 majit, Tom Doshi, zhvilloi një takim mjaft të rëndësishëm në zonën e Velipojës, e cila nuk pati jehonë në mediat kombëtare, porn ë ato lokale të SHkodrës. Në takim, Doshi kishte thirrur përfaqësues nga familjet e përndjekura që kanë qenë edhe më të njohurit si mbështetësit e Sali Berishës ndër vite. Në atë takim, Tom Doshi, pasi kërkoi votën për Benet Becin për kryetar bashkie dhe partinë e tij për këshill bashkiak, dha një deklaratë tjetër të fortë që tha se “këtu nuk ekziston më Parti Demokratike”. 

Ai tha se PD-ja e djeshme është pjesë e Partisë Socialdemokrate. E duke u nisur se Toma është një personazh që flet shumë rralë, por flet, ajo që thotë është e bërë, u mor që atë ditë si një kërcënim serioz për pjesën e foltores. Ende nuk është e qartë sa është dëmi apo ka ndërhyrë Doshi në zona të tjera të Shkodrës si bashkia, Dukagjini, Vau Dejës etj, ku është influence e tij. Por ajo që ka ndodhur në Velipojë është një zhvillim i fortë për këto që e njeh terrenin atje. 

Doshi është nga zona e Velipojës për vete, ka marrë gjithmonë vota atje, kryesisht vota të majta, por pjesa radikale e berishjanëve të zonës, edhe pse ka pasur lidhje të afërta dhe miqësore, ka qenë besnike për PD-në e veçanërisht krahun e Sali Berishës. Kalimi me Tomën këtë radhë është një këmbanë, që duhet parë sa mund të ketë ndikuar në zona të tjera të bashkisë SHkodër e në rang kombëtar. E këtu nuk bëhet fjalë për një elektorat lëvizës, por një bërthamë zgjedhore që ka 33 vjet që jo vetëm ka votuar, por disa herë edhe ka marrë armët për Sali Berishën. Gjasat janë se këtu flen lepuri që ka shqetësuar Doktorin.

9 Komente

  1. P
    Poli

    A eshte non grata Toma? Si mendon o Pata? Kryetar ky e kryetar pa vule Berisha...ky I mire Berisha I keq....ke ndonje mejtim..

    1. T
      Tropoja

      S'ka shume rendesi çfare thote Berisha.Nje gje dihet gjithe populli e njeh çfare njeriu i perfshire ne krime droge biznese te pa ligjshme njeri me dy klase shkolle kapo bandash e gjithe te zezat ky eshte aleati i rames i derguari i gjinushit kryetari i mendje ndriturve te Shqiperise demek akademia e shkencave.Kjo akademi ka te derguarin e vet perfaqesuesin e vet tomen me graden me te larte shkencore ne albanistan njeriu shembull i qeverise i familjes i shoqerise haha hajde tallava

      1. P
        Patoku

        "Partia e tij Socialdemokrate..." - mjaft se na shkrive gazit moj Pate! Po ky Pushtet moj ja dha me qira ate particken e Gjinushkes atij malok Tomes...apo ke mendje se e ka nga idete e Socialdemokracise te Tom malokut qe nuk di te thote dy fjali bashke? Ik moj Pate se ta sqarojne shoqet ne Shkoder se si arriti ai Toma i shpallur edhe ai "non grata" nga Daj Sami te kete 12 keshilltare bashkiake nga zgjedhjet e 14 majit 2023 dhe se si arriti te fuse 3 deputete ne zgjedhjet e 2021 qe me pas ja dha ''me prokurim te drejtperdrejt" kesaj Rilindjes qe po gezojme sot!

        1. a
          anti25646554censure

          Po ti "Poli" nuk e kupton ku eshte ndryshimi? apo bo gjasme. Vangjush Dako, Tom Doshi e te tjere "NON GRATA" kane ulur koken e vazhdojne jeten pa trazuar jetet e te tjereve, pa hedhur ne "gjyq popullor" ne France e ne Ingliterre, qeverite qe e kane d"dekoruar" me non grata, kurse ky kokloqja Sahale Ram Brrisha, vazhdon te trazoje çorben e qenve te Bathores dhe te "intelektualeve" komuniste me Rolex, ne Tirane

          1. M
            Mihali

            Pse e duan Tom Doshin Shkodranët ? Së pari halexhinjt në Shkoder për hallet qe kanë i drejtohen Tomës dhe ikin jo me duar bosh ku ju fal.Kjo i gëzon hallexhinjt,të tjerët që degjojnë ketë veprim fitojnë respekt për Tomën. Këtë Toma nuk e bën për fushat por në mënyrë permanente. Këto që bën Toma nuk bën Bashkia e Shkodrës dhe asnjë tjeter prandaj Skodranët votojnë gjithnjë e më shumë Tom Doshin dhe ndoshta nje dite mund të bëhen forcë e parë.

            1. M
              Mihali

              Pse e duan Tom Doshin Shkodranët ? Së pari halexhinjt në Shkoder për hallet qe kanë i drejtohen Tomës dhe ikin jo me duar bosh ku ju fal.Kjo i gëzon hallexhinjt,të tjerët që degjojnë ketë veprim fitojnë respekt për Tomën. Këtë Toma nuk e bën për fushat por në mënyrë permanente. Këto që bën Toma nuk bën Bashkia e Shkodrës dhe asnjë tjeter prandaj Skodranët votojnë gjithnjë e më shumë Tom Doshin dhe ndoshta nje dite mund të bëhen forcë e parë.

              1. M
                Mihali

                Pse e duan Tom Doshin Shkodranët ? Së pari halexhinjt në Shkoder për hallet qe kanë i drejtohen Tomës dhe ikin jo me duar bosh ku ju fal.Kjo i gëzon hallexhinjt,të tjerët që degjojnë ketë veprim fitojnë respekt për Tomën. Këtë Toma nuk e bën për fushat por në mënyrë permanente. Këto që bën Toma nuk bën Bashkia e Shkodrës dhe asnjë tjeter prandaj Skodranët votojnë gjithnjë e më shumë Tom Doshin dhe ndoshta nje dite mund të bëhen forcë e parë.

                1. P
                  Pata, Pula - Pula Pata

                  Pata dhe Pula, Rosa dhe Gjeli haha o zot ruajna nga këta llojë gazekarësh. Toma perdoret si perzervativ nga Rilindja…ndjej neveri kur i permendëni dhe emrin. Prandaj Shqipëria eshte aty ku ështē sepse kemi ligjëvenës me diploma të blera dhe njerzë të pa edukuar qe nuk respekt per veten dhe lere ma për kombin. Shqiptarë ikni sa më parë. Braktiseni atë vend një orë e më parë.

                  1. S
                    Sali Ram Berisha

                    "Pata, Pula - Pula Pata"! Nuk i sherbehet vendit keshtu me keto thirrje. Po do te bosh "trimin", te "zgjuarin", hajde tek komisioni i politikes se Foltores dhe atje un te msoj ty se si te bosh komentet napur gazeta. Mure vesh mor koqe kanari?

                    Lini një Përgjigje