Te fundit
Rama: Anëtarësimi në BE nuk është provim që mund të mashtrosh, duhet më shumë punë
6 Dhjetor 2022, 10:57Politika
TEMA
Procesi i anëtarësimit në BE i Ballkanit Perëndimor nuk është një provim që mund të mashtrosh dhe rëndësia e tij është rritur për shkak të situatës gjeopolitike me të cilën përballet rajoni dhe blloku. Kështu deklaroi kreyministri Edi Rama në një intervistë ekskluzive për EURACTIV, një ditë para samitit që mbahet sot në Tiranë.
Shqipëria zhvillon sot samitin BE-Ballkani Perëndimor ku liderët e bllokut 27 vendesh dhe 6 vendet e Ballkanit Perëndimor do të mblidhen së bashku me zyrtarë të Komisionit Evropian dhe Këshillit Europian.
Kreu i qeverisë shqiptare foli për zgjerimin, tensionet rajonale dhe nevojën për të çuar përpara reformat për të garantuar autenticitetin e procesit të zgjerimit.
“Nuk duhet të harrojmë se procesi i integrimit është një proces individual, i bazuar në merita. Ne duhet të përmbushim standardet e kritereve të detyrave të shtëpisë dhe nuk është një provim që mund të mashtrosh. Edhe nëse profesorët janë shumë të prirur t’ju japin një rrugëdalje. Është në interesin tonë që ta bëjmë këtë provim siç duhet”, tha Rama.
I pyetur nëse mendon se qeveria e tij ka përgjegjësi për përparimin e ngadaltë në fushat kryesore, Rama pranoi se ishin bërë gabime.
“Me një vështrim prapa, ka gjithmonë gjëra që mund të ishin adresuar më mirë dhe gjithmonë ka probleme që mund të ishin trajtuar më mirë, pa dyshim”, tha ai, duke shtuar se ka iniciativa në vazhdim për të përmirësuar lirinë e medias.
Samiti i së martës do të zhvillohet mes protestave të drejtuara nga ish-kryeministri Sali Berisha, i cili akuzon qeverinë Rama për korrupsion dhe se nuk bën asgjë për të parandaluar emigracionin masiv.
Për sa i përket samitit, Rama beson se fakti që po mbahet jashtë Brukselit dhe në një vend jashtë BE-së, flet shumë për situatën aktuale në Evropë dhe një oreks të ripërtërirë për zgjerim.
“Vetëm fakti që kemi një samit në Tiranë – kush mund ta imagjinonte vetëm pak vite më parë, se BE-ja do të dilte nga perimetri i saj dhe Këshilli do të lëvizte në një vend jashtë BE-së për të pasur një samit. Dhe nuk është thjesht një manifestim, një ngjarje, është më shumë se kaq. Është një angazhim, është një mesazh”, tha ai.
Ai tha se pandemia, ndryshimet klimatike dhe më pas lufta ruse në Ukrainë, e kanë shtyrë BE-në të kuptojë më mirë rëndësinë gjeopolitike dhe strategjike të Ballkanit Perëndimor.
“Kjo tronditi Evropën… Unë shoh shumë më shumë interes, shumë më tepër ndërgjegjësim, ata e dinë shumë mirë që rajoni është i cenueshëm. Ata e dinë shumë mirë se rajoni ka ndikimin më të madh të Putinit në kontinent, që janë, le të themi, territoret serbe, Serbia dhe Republika Srbska e kështu me radhë”, tha Rama.
15 Komente
Lini një Përgjigje
Më të lexuarat
24 oret e fundit
Javen e fundit
Blog Tema
shume mire puna te con perpara
e ka thene tamam pune duhet per shqiperin jo llafe
Rama ka punuar fort nirmal do arri ta fus vendin ton ne be
Jam i sigurt qe fal punes qe ka ber rama vendi yn do te hy seshpejti ne be
Puna e palodhur do vleresohet ne fund me antaresimin ne BE
Keni folur vertet shume drejt ashtu sic beni gjithmone ne cdo moment
Shume e vertet duhet shume pune qe te hyme ne BE pavaresisht se i jemi afruar goxha
Eshte punuar realisht shume qe te arrijm te antaresohemi ne BE
Me vjen mire qe kemi nje kryeminister te tille qe flet realitetin
Shume pune duhet dhe ka shume te drejte rama
Kurdohere flet ate qe duhet Kryeministri yne
Besoj jemi mese gati per te qene pjese e unionit
Me aq shume sa jemi zhvilluar besoj kemi plotesuar cdo kusht te vendosur nga BE
Puna po tregohet qarte ku ne krahasim me vitet me perpara cdo gje ka ndryshuar dhe vendi po merr zhvillimin e duhur
Me kembe ne toke dhe gati si perhere , respekte