Te fundit
Rama kujton Srebrenicën: ç’thuhet nga PS për krimin e llahtarshëm serb
11 Korrik 2023, 12:30Politika
TEMA
Kryeministri Edi Rama përkujtoi një masakrën më famëkeq serbe në Bosnje, me një status ku shkruan:
“11 korrik – 28 vjet nga gjenocidi i Srebrenicës”.
Më 11 korrik të vitit 1995, forcat serbe të Bosnjës vranë më tepër se tetë mijë burra e djem muslimanë në enklavën lindore boshnjake të Srebrenicës.
Parlamenti Evropian e ka shpallur 11 korrikun datë të përkujtimit të masakrës më mizore që ka njohur Evropa pas Luftës II Botërore.
Kuvendi i Shqipërisë miratoi vitin e shkuar me 113 vota pro, Rezolutën e propozuar nga deputetët e Partisë Socialiste për dënimin e gjenocidit në Srebrenicë.
Në Rezolutën për Srebrenicën, nismë e PS-së, thuhet: “Kuvendi i Republikës së Shqipërisë konfirmon qëndrimin e Shqipërisë se mohimi i gjenocidit të kryer ndaj popullatës boshnjake në Srebrenicë nga forcat serbe të Bosnjës përbën shkelje të ligjit ndërkombëtar, nxit fenomenin e pandëshkueshmërisë ndaj krimeve të luftës, si dhe shkel mbi dinjitetin e më shumë se 8 mijë civilëve që u masakruan në Srebrenicë, të mbijetuarve dhe familjeve të tyre, por edhe ndaj rreth 10 mijë shqiptarëve të vrarë gjatë spastrimit etnik në Kosovë dhe 20 mijë grave të dhunuara nga regjimi serb i Sllobodan Milosheviçit;
Shpreh dhimbjen e thellë për viktimat dhe traumat njerëzore të shkaktuara nga gjenocidi në Srebrenicë, si dhe mirëkuptimin e plotë dhe simpatinë e sinqertë ndaj tërë të lënduarve gjatë luftës së përgjakshme në Bosnjë dhe Hercegovinë;
Dënon fuqimisht çdo prirje dhe veprim për të mohuar publikisht me qëllim ose jo, gjenocidin e kryer në Srebrenicë, fshehjen e motiveve, lëvdimin e autorëve, ideatorëve dhe mbështetësve të këtij gjenocidi, si dhe konsideron të papranueshme e tejet të rrezikshme vazhdimin dhe përshkallëzimin e retorikës politike nacionaliste, nxitjen e urrejtjes etnike si pasojë e mohimit të gjenocidit të kryer në Srebrenicë, masakrave dhe krimeve të tjera kundër njerëzimit kryer në të gjithë hapësirën e ish-Jugosllavisë nga disa individë, grupime, e aktorë politikë e mediatikë brenda e jashtë rajonit të Ballkanit;
Bashkohet me vlerësimin se qëndrimet e kandidatëve për anëtarësim në BE duhet të përputhen plotësisht jo vetëm me acquis të BE-së, por edhe me Politikën e Përbashkët të Jashtme dhe të Sigurisë të BE-së, në linjë me ato parime e vlera të vendosura nga Bashkimi Evropian dhe të gjitha vendet demokratike, sipas të cilave mohimi dhe mosdënimi publik i gjenocidit në Srebrenicë është i papajtueshëm me vlerat dhe aspiratat evropiane;
U bën thirrje të gjitha vendeve anëtare të Organizatës së Kombeve të Bashkuara dhe organeve ndërkombëtare e kombëtare të drejtësisë të rrisin angazhimin dhe përpjekjet e tyre serioze për ndjekjen penale dhe ndëshkimin e kriminelëve të luftës dhe bashkëpunëtorëve të tyre përgjegjës për gjenocidin dhe krimet e tjera të luftës. U bën thirrje Bashkimit Evropian, NATO-s dhe secilit prej vendeve të tyre anëtarë, të punojnë me intensitet për të përshpejtuar proceset e zgjerimit, si një garanci për konsolidimin e vlerave demokratike, paqes dhe sigurisë në rajonin e Ballkanit Perëndimor, Evropë e më gjerë.
Shpreh mbështetjen e plotë për qëndrimet, veprimet dhe masat e marra nga qeveria shqiptare në mbështetje të parimeve mbi të cilat është ndërtuar siguria evropiane, dhe rendi global i marrëdhënieve midis shteteve.
Duke vlerësuar dhe përkrahur angazhimin serioz, profesional e në frymë të lartë përgjegjësie të qeverisë shqiptare në përmbushje të rolit të Shqipërisë si anëtare jo e përhershme e Këshillit të Sigurimit të Kombeve të Bashkuara për periudhën 2022-2023, i kërkon qeverisë që: Të vazhdojë angazhimin e saj në mbrojtje të parimeve dhe normave të së drejtës ndërkombëtare dhe forcimin e llogaridhënies për shkeljet e rënda të saj, në bashkërendim të ngushtë me të gjitha vendet aleate dhe partnere të Këshillit të Sigurimit, BE, OSBE dhe Këshillit të Evropës;
Të nderojë viktimat e gjenocidit në Srebrenicë dhe, duke iu referuar vendimit të Parlamentit Evropian, të shpallë datën 11 korrik si Ditën e Përkujtimit të gjenocidit në Srebrenicë;
Të japë tërë kontributin e saj në mbështetje të thellimit të reformave dhe proceseve demokratike për konsolidimin e një shoqërie ku sundon ligji, drejtësia dhe mbrojtja e dinjitetit njerëzor, fryma e bashkëpunimit rajonal, fqinjësisë së mirë dhe integrimit evropian, si rruga e vetme për të kapërcyer urrejtjen dhe ndarjet, për të promovuar drejtësinë mbi bazën e të cilës ndërtohet paqja, siguria dhe pajtimi mes popujve në rajon, Evropë e më gjerë.
Të punojë pareshtur për forcimin e marrëdhënieve të fqinjësisë së mirë me vendet e tjera të Ballkanit Perëndimor, në frymën e respektit reciprok, parimeve të barazisë, frymës së pajtimit dhe mirëkuptimit për të ndërtuar një të ardhme të përbashkët të drejtë, duke forcuar lidhjet politike, ekonomike dhe tregtare mes vendeve si dhe kontaktet mes njerëzve, në të mirë të paqes, sigurisë, përparimit ekonomik e shoqëror për çdo vend dhe rajonin në tërësi”. /atsh/
11 Komente
Lini një Përgjigje
Më të lexuarat
24 oret e fundit
Javen e fundit
Blog Tema
I paharruar qofte kujtimi i tyre
Nje nder tragjedite me te medha qe do mbahet mend gjate
Respekt per ramen qe i kujton
Zoti Rama nje lider i fort dhe sic duhet te jet per te gjithe Shqiptaret.
E paharrushme qoft kujtimi i atyre qe kan vdekur!
Socialistet gjithmone e kujtojne kete dite, por Berisha me qente e vet e kane harruar fare
Kur te kete kohe Lartmadhnia e tij Rama I te bej edhe nje perkujtim te shpejte te viktimave qe lane pas paraardhesit e tij. Eshte me e besueshme dhe dinjitoze cdo keqardhje per te tjeret neper bote pastaj!!
Nje tragjedi qe preku te gjithe Europen
I paharruar qofte kujtimi i tyre
"Miku" ishte pjesë e palës vrasëse! Ai është filmuar me kallash në dorë. Vučić: "Për 1 serb do të vrasim 100 boshnjakë!"
Ku te plas ty per te vraret nga vllami yt o e pjelle e laboratorit Sllavo-Grek ,o kryedobic i te gjtha kohrave...!!!Ke.ber Shqiperine si hani Stavros ku nuk e njehe qeni te zone !Mjere Shqiperia nga ky i degraduar i pa reciklueshem...Ne cdo istitucion shteteror eshte kthyer biznes familjar ku kryeqendra o koordinimit je ti dhe mutrishtet qe ke prane...Jete ,prone,shtet ,ligj...Cilet nga keto gezojne Shqiptaret o kryemut?