''Shkodranët kuptuan se ishte budallik t’i binin fyellit me një vrimë'', Rama flet për investimet në Shkodër: Do t’ja heqim lakun nga fyti, më në fund do ketë një hyrje

4 Dhjetor 2023, 16:47Politika TEMA
''Shkodranët kuptuan se ishte budallik t’i binin fyellit me

Kryeministri i Shqipërisë, Edi Rama foli në Asamblenë e zgjeruar të Partisë Socialiste në Shkodër, ndërsa u ndal tek vizioni dhe planet e punës në këtë bashki.

“Unë nuk besoj se Shkodranët në të vërtetë besuan por pas shumë kohësh kuptuan  se ishte budallik i madh të vazhdonin t’i binin fyellit në një vrimë dhe të prisnin një muzikë tjetër dhe në njëfarë mënyre nga kjo përfituam ne por s’ka rëndësi. Ky ndryshim ka filluar.

E them tani që votat i kemi marrë sepse Shkodra është e vetmja nyje strategjike e zhvillimit të vendit e patrajtuar ende. Ndërkohë që nyjet e tjera strategjike kanë ende shumë punë për tu kthyer në motorë zhvillimi që punojnë me të gjithë energjinë e tyre”, tha Rama. 


Kryeministri tha se Shkodra është një qytet i marrë peng, ndërsa tha se do të jetë prioritet për investime. “Prandaj Shkodrën e kemi prioritet kryesor dhe do të vazhdojmë ta kemi prioritet kryesor.

Kemi nisur projektin që kur e nxorrëm para zgjedhjeve thanë s’do bëhet, Projekti i hyrjes së Shkodrës po bëhet është kantier. Është faza e parë.

Shkodra më në fund do ketë një hyrje se në Shkodër hyhet si fshehurazi. Ashtu hyhej dhe dikur në Vlorë. S’kishte hyrje, edhe Shkodra s’ka hyrje, hyhet por është si shteg. Shkodra një qytet i marrë peng me lakun në fyt, do tja heqim lakun.

Kemi dhe një tjetër projekt për kalanë e Rozafës, që do ta bëjmë edhe më të disponueshëm për aktivitete që zhvillohen aty. Pastaj jemi duke punuar për një projekt tjetër për fabrikën e telave për ta kthyer atë zonë të degraduar në një destinacion për të rinjtë dhe për të gjitha moshat me terrene sportive me aktivitet sportiv kryesisht por jo vetëm.

Ishim në bashki dhe pamë projektin e ri që tashmë është  bërë gati. Jam i kënaqur që do kem dhe unë dorë në heqjen e atij tregu të tmerrshëm pas stadiumit. Pika e kthesës në çdo qytet është kur heq këto tregjet që rrinë aty si me të thënë se këtu harroje se ndryshon kjo punë...

Do hiqet tregu por nuk do lihen pa asnjë mundësi ata që janë aty. Është investim shumë i madh që prek një aks të tërë që lidh zonën e poshtë të stadiumit me pjesën qëndrore që ia vlen dhe do e bëjmë. Projekt që do e programojmë për vitin e ardhshëm. Do bëhet një qendër e re e Shkodrës”, shtoi kryeministri. 

2 Komente

  1. H
    Hajt per hajr dhe ma e mira u baft.Kena shpresë.

    Or shok . Ja ke la ftyrën çdo qyteti, edhe tonën ke me na e la. Po tlutna, pencionet mos nai len posht 30.000. Sja dalim dot , nuk kena rrob jashta shtetit qi tna ndijn.

    1. A
      Ali Peza

      Periferia e qytetit siç jane Bardhaj Myselim,Mes,Kullaj,nuk kane rruget e duhura,ujin e duhur,sherbimin shendetesor te duhur,transportin publik dhe shume gjera qe duhet ti kishin.Mos harro se jane jo mbi 5 km distance dhe jeta erresohet qe ne kilometrin e pare.Po kalon nje vit dhe nuk duket gje kater vjet jane boll pe tu lare faqet edhe ketyre zonave si dhe atyre te nen e mbi Shkodres.Thirrini mendjes Edi dhe Benet.

      Lini një Përgjigje