Te fundit
Tabaku: Bashkia e Tiranës po mbahet peng nga një sistem pa llogaridhënie, mungesa e kryebashkiakes së komanduar është fyerje për qytetarët
14 Qershor 2026, 13:10Politika
TEMA
Deputetja e Partisë Demokratike dhe anëtare e Komisionit të Posaçëm për Reformën Territoriale, Jorida Tabaku, denoncoi mungesën e përfaqësueses së Bashkisë së Tiranës në dëgjesën e komisionit, duke e cilësuar atë si shenjë të qartë të papërgjegjshmërisë së qeverisë dhe pushtetit vendor ndaj llogaridhënies publike.
Gjatë mbledhjes së komisionit, Tabaku u shpreh se është e papranueshme që drejtuesja e komanduar e Bashkisë së Tiranës të refuzojë të raportojë përpara deputetëve mbi funksionimin e bashkisë që administron rreth një të tretën e popullsisë së Shqipërisë.
Sipas saj, mungesa nuk është thjesht mungesë respekti ndaj komisionit, por simptomë e një sistemi të tërë që shmang përgjegjësinë dhe llogaridhënien.
“Kur një bashki që përfaqëson një të tretën e popullsisë së vendit nuk paraqitet për të raportuar, problemi nuk është vetëm institucional. Është tregues i një sistemi që është mësuar të mos japë llogari për vendimet që merr, për mënyrën si menaxhon fondet publike dhe për mënyrën si qeveris qytetarët”, u shpreh Tabaku.
Deputetja ngriti një sërë shqetësimesh për zhvillimin e Tiranës, duke argumentuar se kryeqyteti është kthyer në një qytet të përqendruar pothuajse ekskluzivisht tek ndërtimi, ndërsa periferitë dhe ish-komunat vazhdojnë të vuajnë mungesën e investimeve dhe të shërbimeve bazë.
Ajo theksoi se reforma territoriale e vitit 2015 duhet t’i nënshtrohet një vlerësimi serioz, veçanërisht në Tiranë, ku sipas saj janë thelluar pabarazitë mes qendrës dhe periferisë, ndërsa rreth 70% e investimeve publike janë përqendruar në zonat urbane qendrore.
Tabaku kujtoi se në vitin 2015 Bashkia e Tiranës kishte rreth 5 mijë punonjës, ndërsa sot administrata ka arritur në rreth 9 mijë punonjës, pa sjellë përmirësim proporcional në cilësinë e shërbimeve për qytetarët.
Ajo kritikoi gjithashtu faktin që Bashkia e Tiranës vazhdon të drejtohet me komandim, ndërsa qyteti përballet me probleme të shumta që lidhen me planifikimin urban, shërbimet publike, administrimin financiar dhe aferën e inceneratorit.
“Nëse Partia Socialiste nuk është në gjendje të qeverisë Bashkinë e Tiranës, le t’ua lërë qytetarëve të vendosin. Nuk mund të mbahet peng qyteti më i madh i vendit nga një administrim i përkohshëm që nuk jep llogari askund”, deklaroi Tabaku.
Në përfundim, ajo kërkoi organizimin e një dëgjese të posaçme me drejtuesit e Bashkisë së Tiranës dhe me përfaqësuesit e ish-komunave, për të analizuar pasojat e reformës territoriale, gjendjen e shërbimeve publike dhe sfidat e zhvillimit të kryeqytetit.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Tabaku ju shkruan nga vila e saj ne Gjirin e Lalezit o shqiptare! Kur do ti zbojme racen e saj prej hajduterish nga Shqiperia?!
Ik shurre ndro pampersat e lokut e mjaft bere gam gam se u dogje per karr ike
PD ēshtē parti mafioze.Belind Kēlliqi duhet tē ishte ksndidat pēr bashkin e Tiranēs nē zgjedhjet e pranverēs 2027, ashtu siq u rikonfirmua Berisha nē krye tē Partis, ashtu siq u konfirmua Bardhi (kryetar grupi parlamentar) apo Noka sekretar.Ndryshimet pērçajn dhe mē shumē formacionin politik. Nēse PD ēshtē e bindur qē Kēlliqi nuk ka aftēsi tē fitoj, dhe ne kemi mendimin qē këta krer nuk e qojn Opozitēn nē fitore.
Tirana rrin pa drejtus prel Lodraxhijve e shpellareve inatcor. Fol si eshte e drejte e jo sipas deshires. do e kerkoni Lalin.