Te fundit
Tirana feston 80-vjetorin e çlirimit, Spiropali: Shqipëria, sot në anën e duhur të historisë, duke zgjedhur dritën mbi errësirën
17 Nëntor 2024, 12:51Politika
TEMA
Kryetarja e Kuvendit, Elisa Spiropali, vendosi një kurorë dhe përshëndeti në ceremoninë e 80-vjetorit të çlirimit të Tiranës.
Në fjalën e saj, Spiropali u shpreh se Shqipëria europiane i ka rrënjët në Shqipërinë antifashiste, ndërsa theksoi se çlirimi i Tiranës është prelud lavdie i luftës antifashiste shqiptare.
Sakaq ajo u shpreh se Shqipëria është rreshtuar sot në anën e duhur të historisë, duke zgjedhur dritën mbi errësirën, të drejtën përpara forcës së egër, lirinë dhe sakrificën për liri bazuar në vlerat më të mira të njerëzimit.
Fjala e plotë e Spiropalit:
“Historia është më tepër se një datë dhe më shumë se një akt! E gjykuar si fotografi e shkrepur në një cast, historia mbetet vetëm si perceptim dhe jo si një skedar ku shpesh bashkëjetojnë të vërteta që përjashtojnë njëra-tjetrën, ku cfarë duket e mirë nga njëri kënd, është e mbrapshtë nga këndi tjetër, cfarë është triumf për njërin, është disfatë për tjetrin.
80 vitet që kanë kaluar nga dita e largët e 17 nëntorit 1944 kur partizanët krenarë dhe patriotë nacionalistë, vajza dhe djem me besim tek e ardhmja që po lindte nga rrënojat e të vjetrës, larguan nazistët gjermanë nga kryeqyteti ynë. Ajo ditë ishte një prelud lavdie i luftës antifashiste shqiptare sic po ndodhte kudo në Evropë e gjetkë, një akt i fitores së pritshme të koalicionit historik ndërkombëtar kundër nazifashizmit.
Nderim dhe mirënjohje pafund atyre bijave dhe bijve të këtij vendi që ju përkushtuan ëndrrës për një Shqipëri të lirë e të pavarur, të bashkuar pa dallim feje, krahine e ideje, njëlloj si bashkëmoshatarët e tyre kudo në Evropë e botë, të bashkuar në luftë kundër murtajës nazifashiste që kërcënonte thelbin e qytetërimit njerëzor.
Lavdi të përjetshme të gjithë atyre që në ato ditë të errëta patën vizionin të ndriçoheshin nga e vërteta e madhe e luftës për liri dhe u shndrruan në barrikada, sic ndodhi edhe këtu në rrugën e Barrikadave 80 vjet më parë për t’i thënë jo zaptimit, jo robërimit, jo thundrës së huaj!
Nga ato ditë epike, kronikat e kohës, gjymtimet në dy simbolet e qytetit tonë: kullën e sahatit dhe minaren e xhamisë së Ethem Beut, dëshmuan se mbi gërmadhat e vjetra po realizohej shpresa e re.
Ndërkohë, fatkeqësisht, fantazma e një muri të ri po i qasej frikshëm Evropës. Si një perde e zezë per ta ndarë atë nga veriu në jug, nga lindje në perëndim në dy botë armiqësore.
Shorti i lig bëri që Shqipëria të mbetej në anën e gabuar të asaj perdeje.
Një pjesë e heronjve tradhëtuan besimin dhe shpresën; një pjesë e shqiptarëve e bënë Shqipërinë burg per shqiptarë të tjerë duke zënë fill dramat dhe tragjeditë e pafundme njerezore me së paku tre breza që luajtën në teatrin e madh të jetës, burgun e madh, ku njelloj të burgosur mbetën dhe vetë gardianët!
Por thelbin e luftës nuk e ndryshon dot asnjë hero i kthyer në tradhetar apo tradhëtar që rreket të bëjë heroin. Asokohe, zgjedhja e kampit luftarak ishte një zgjedhje që ndante dy botë. Shqipëria u bashkua pa mëdyshje me aleancën e fuqishme antifashiste duke ndjekur busullën e pagabueshme të diktuar nga morali patriotik dhe detyra ndaj atdheut.
Antifashizmi është një nga vlerat më të mëdhaja të qytetërimit evropian të së shkuarës së afërt dhe një nga garancitë më solemne të së ardhmes.
Lufta për Tiranën dhe clirimi i gjithë Shqipërisë është një testament historik, një busull morale për orientimin e shoqërisë shqiptare për të bërë zgjedhjet e duhura në këto kohë serish dramatike për njerëzimin. Shqipëria është rreshtuar sot në anën e duhur të historisë, duke zgjedhur dritën mbi errësirën, të drejtën përpara forcës së egër, lirinë dhe sakrificën për liri bazuar në vlerat më të mira të njerëzimit.
Shqipëria europiane, të cilës i jemi përkushtuar me premtimin se për pak vjet do ta bëjmë pjestare të Bashkimit Europian, është padyshim, pjesë e këtij testamenti historik me rrënjët në Shqipërinë antifashiste.
Lavdi dëshmorëve dhe martirëve! Lavdi atyre që e deshën Shqipërinë më shumë se veten dhe gjithçka tjetër.”
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo ditè e shènuar qè pèrkon me çlirimin e Tiranès èshtè dhe do tè mbetet pèrherè nè mèndjen e zemrèn e shqipètarève, natyrisht tè atyre qè duan Atdhenè pa hile e pa interes, por me ndèrgjegjie e pastèrti pèr tè rènèt qè nga 7 Prilli e deri tek 29 Nèmtori i '44. Nè fjalèn e tè nderuarès Spiropali ka mjaftè respekt e pèrgjrgjèsi pèr tè vèrtetat e historisè sè Luftès Na-çl. Nuk duhet tè lejohet qè nè asnjè mènyrè tè mohoen vlerat madhore e mundi i tè gjithè atyre qè luftuan e dhanè gjithçka nga vetja e tyre pèr Shqipèrinè! Poshtè Tradhètarèt!!!
Klyshet e kultit te saliqenit jane jashteqitje e kombit tone. Tiranen e cliruan partizanet atdhetare qe luftuan krah fitimtareve te luftes se dyte boterore.
Gezuar festẽn o shqiptarẽ. Ishalla per mot me pensione me te larta. E djathta do te na i ngrerẽ pensionet , e majta na ka lene tẽ fundit ne Ballkan .
Dy fjale per ty zonja Spiropali. Eshte e dyta here qe fyen historine. Heren e pare ishte ne diten e Konferences se Pezes dhe hera e dyte sot ne 80 vjetorin e clirimit te Tiranes. Me c’te drejte morale moj buthepambuke fitimtaret i kthen ne pushtues dhe heronjte i cileson bandite. Fitmtaret e luftes se dyte botrore jane fitimtare te perjetshem sepse e kane vulosur fitoren me gjak lirie. Keta jane te perjetshem se nuk jane fitimtare elektorale, qe duhet te bejne rrotacion here pas here me humbesit dhe anasjelltas. Shembulli me tipik eshte ai i Cercillit. Fill mbas luftes, ku emri i tij u skalit si nje nga fitimtaret e medhenj te saj, humbi zgjedhjet elektorale ne Angli.Po ti moj bythepambuke harron se partia jote eshte ne pushtet nga votat e pasardhesve te fitimtareve te Luftes, se me votat e pasardhesve te ballisteve dhe zogisteve do e shikoje karriken ku je ulur me dylbi. Antikomunizmi nuk eshte demokraci. Prandaj peshoi fjalet qe thua dhe mos u bej tellalle e korenteve politike qe rreshkiten ne kolaboracionizem.
Spiropali nuk fyen historine.Eshte realiste e re me fryme perendimore jo harbute, leshko dhe garroqe si puna jote.......
Leshko dhe koqe gomari je ti o militant i semure qe mitralozin e ke te mbushur me pordhe. Spiropali eshte papagalle e kryetarit te saj, qe i beri bust Mitat Frasherit dhe deklaroi se “ fitimtaret duhet te ulin koken”!! Po kush duhet ta mbaje larte Uran Butka dhe sera e tij?!Dilni nga rreshti i miltanzmit te semure dhe e vleresoni historine pa syze partiake.
Luften e LANC po mbron Spiropali o i nderuar nese nuk e ke kuptuar .... eshte duke folur pro dhe ju kunder kthjellohu
Dua te di se ku evendosi Z Spiropali Kuroren per te te pershedetur 80vjetorin e clirimit te Tiranes ?A ka ndonje vend simbolik ???Te thuhet ku eshte ai vendi ta pershendesim ne populli i asaj kohe ?
Sikur s'degjova gjysem fjale per ato qe u pushkatuan pa gjyq. Kur nderkohe kasapi nga Gjirokastra shfaqej kudo. Nuk e kuptoj, gjithe ky nderim xhelateve?