Borrell paralajmëron: BE e gatshme të konsiderojë masat ndëshkuese ndaj Serbisë!

29 Shtator 2023, 18:51Rajoni TEMA
Borrell paralajmëron: BE e gatshme të konsiderojë masat

Shefi i politikës së jashtme të Bashkimit Evropian, Josep Borrell, tha të premten se BE-ja është e gatshme të marrë në konsideratë “masat ndëshkuese” kundër Serbisë, nëse vendi nuk përmbush kërkesat e unionit.

Deklaratat e Borrell erdhën pas sulmit terrorist ndaj Policisë së Kosovës në veri të vendit.

“Janë marrë masa në lidhje me Kosovën. Këto janë masa politike dhe financiare, ndër të cilat është pezullimi i vizitave dhe ngjarjeve të nivelit të lartë, me përjashtim të dialogut të udhëhequr nga BE. Ato masa kanë ndikim edhe në mbështetjen financiare për Kosovën. Pezullimi është i përkohshëm dhe i kthyeshëm dhe do të hiqet sapo të ketë de-përshkallëzim. Në të njëjtën kohë, ne jemi duke monitoruar nga afër nëse Serbia i përmbush kërkesat e BE-së dhe në rast mospërputhjeje, BE-ja është e gatshme të marrë parasysh masat”, tha Borrell në një përgjigje me shkrim në pyetjet e mediave serbe.

Letra e Borrellit nuk përmendte përleshjet që ndodhën mes një grupi të armatosur serb dhe policisë së Kosovës të dielën. Megjithatë, ai shtoi se përpjekjet diplomatike po vazhdojnë dhe përplasjet e muajit maj nuk duhet të përsëriten:

“De-përshkallëzimi duhet të ndodhë tani, nga të dyja palët. Aktet e dhunshme të 29 majit 2023, të cilat lanë të plagosur shumë nga trupat e Forcave të Kosovës (KFOR) të Organizatës së Traktatit të Atlantikut të Veriut, si dhe qytetarë, forca të rendit dhe media (gazetarë), janë krejtësisht të papranueshme dhe nuk mund të ndodhin më në të ardhmen”.

Në orët e para të mëngjesit të ditës së diel është vrarë rreshteri i Policisë së Kosovës, Afrim Bunjaku, ndërsa janë plagosur edhe policë të tjerë.

Ngjarja e rëndë ka ndodhur në fshatin Banjskë të Zveçanit ku terroristë serbë kanë sulmuar patrullën policore. Tre sulmues kanë mbetur të vrarë ndërsa janë arrestuar tetë persona.

3 Komente

  1. D
    Detari

    lol domth nuk ndeshkohet serbi shpalleni non grata borrellin

    1. C
      Corrupted Polition.

      Mr. Borrelli, you seems fair egnaf, next time when Kosova is occupied from Vucic forces you are going to critics him, till now you are in correct position, this is a shame for you for your contry (Spain) and for BE.Go kiss Vucic ass you corrupted poliition.

      1. U
        Umor Isti

        Borrell para gazetareve: "BE-ja eshte e gatshme, qe te pergatitet, per t'u bere gati qe te jete e gatshme, ... Me falni, ku e kisha fjalen?"

        Lini një Përgjigje