Te fundit
Sulmi i Kurtit ndaj Kushtetueses - Reagon ambasada gjermane: Politika të përmbahet nga çdo ndërhyrje, përfshirë sulmet personale
9 Shtator 2025, 12:00Rajoni
TEMA
Ambasada Gjermane në Prishtinë ka reaguar pas kritikave për vendimet, që kryeministri në detyrë Albin Kurti dhe nënkryetari i LVV-së, Glauk Konjufca, i drejtuan gjykatës më të lartë të vendit.
Në një deklaratë të shpërndarë për mediat, ambasada thekson rëndësinë e pavarësisë gjyqësore si një gur themeli i sundimit të ligjit dhe u bën thirrje të gjithë aktorëve politikë në Kosovë që të respektojnë pavarësinë e Gjykatës Kushtetuese dhe gjyqësorit.
“Ambasada Gjermane në Prishtinë thekson rëndësinë e pavarësisë gjyqësore si një gur themeli i sundimit të ligjit. Ne u bëjmë thirrje të gjithë aktorëve politikë dhe institucioneve në Kosovë që të respektojnë pavarësinë e Gjykatës Kushtetuese dhe të gjithë gjyqësorit dhe të përmbahen nga çdo ndërhyrje, përfshirë sulmet personale”, thuhet në deklaratën e ambasadës.
Ky reagim vjen dy ditë pasi Kurti kritikoi Kushtetuesen për vendimet që i ka marrë gjatë mandatit të tij qeverisës, dhe ato të muajve të fundit lidhur me konstituim të Kuvendit dhe një ditë pas reagimit të gjykatës kushtetuese. Kjo e fundit ka shprehur shqetësim për “deklarimet e pamatura” të zyrtarëve të lartë shtetërorë dhe të zgjedhurve politikë.
Përmes një reagimi, Kushtetuesja tha më 8 shtator se pavarësia dhe paanshmëria e saj janë të mbrojtura me Kushtetutë dhe asnjë “institucion, parti politike apo individ nuk mund të ndërhyjë në punën e saj”.
“Çdo përpjekje për të ushtruar presion mbi gjyqtarët kushtetues përbën cenim të parimit themelor të ndarjes së pushteteve dhe minon besimin e qytetarëve në sundimin e ligjit dhe në vetë demokracinë”, u tha në reagim.
Sipas gjykatës në të lartë në Kosovë, vendimet e saj bazohen në Kushtetutë, praktika gjyqësore dhe në standarde ndërkombëtare.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Haxhilesha,pas mbi 124 votimeve nuk u zgjodh si kryetare e kuvendit ,por u zgodh nenkryetare,pas thirrjeve te saja antikombetare,qe kosovaret te mos pushojne ne Shqiperi,se qorapkuqi nuk po e dojke Edi Ramen!?Ne programin qeveritare Kyrti Vladimiri genjen kosovaret se do ta sundoje Tiramen!?A ka rrene me te trashe!?
Te verteta te dhimshme ke thene. Gjithnje i kam menduar Kosovaret si Shqiptare te vuajtur. Por realisht ata kane mentalitet kolonizues sic the dhe ti. Duan te Kosovarizojne Shqiperine, jo te Shqiptarizohen vete
Mos u merrni me Kosoven se i rregullon punet vete.
Gjykata respektohet deri sa ajo zbaton kushtetuten e ligjet kur i shkel ato apo vepron politikisht ajo nuk mund te respektohet
Te njejten gje beri dhe Rama