Kosova jashtë Samitit të NATO-s, MPJD: Ftohen vetëm anëtarët dhe partnerët e Aleancës

Ministria e Punëve të Jashtme dhe Diasporës e Kosovës ka lëshuar një deklaratë pas raportimeve në media se vendi nuk është ftuar në Samitin e ardhshëm të NATO-s që do të mbahet në Ankara.

Në sqarimin e saj, Ministria thekson se Kosova nuk merr pjesë në samitet e NATO-s në cilësinë e një shteti pjesëmarrës, pasi nuk është anëtare e Aleancës dhe aktualisht nuk është pjesë e Programit të Partneritetit për Paqe (Partnership for Peace – PfP).

“Për të sqaruar keqkuptimet dhe pasaktësitë e ngritura nga disa portale, theksojmë se Republika e Kosovës nuk merr pjesë në Samitet e NATO-s në cilësinë e shtetit pjesëmarrës, pasi nuk është shtet anëtar i Aleancës dhe aktualisht nuk është pjesë e Programit të Partneritetit për Paqe (Partnership for Peace – PfP).

Samitet e NATO-s janë takime të krerëve të shteteve dhe qeverive të 32 vendeve anëtare të Aleancës. Në raste të veçanta, në varësi të agjendës së samitit, ftesë mund të marrin edhe partnerë të NATO-s.

Në samitin që do të mbahet në Ankara, përveç vendeve anëtare, ftesë kanë pranuar partnerët e NATO-s në kuadër të Indo-Pacific Four (IP4) – Japonia, Koreja e Jugut, Australia dhe Zelanda e Re – si dhe Ukraina, në cilësinë e partnerit të NATO-s“, njofton Ministria e Punëve të Jashtme dhe Diasporës.

Sipas MPJD-së, në samitin e Ankarasë, përveç vendeve anëtare, ftesa kanë pranuar partnerët e NATO-s në kuadër të Indo-Pacific Four (IP4) – Japonia, Koreja e Jugut, Australia dhe Zelanda e Re – si dhe Ukraina, në cilësinë e partnerit të NATO-s.Ministria nënvizon se Republika e Kosovës deri më tani nuk ka marrë pjesë në asnjë Samit të NATO-s si shtet pjesëmarrës. Pjesëmarrja e vetme e deritanishme ka qenë në kuadër të aktivitetit “Women, Peace and Security” (Gratë, Paqja dhe Siguria), të organizuar nga Departamenti i Shtetit amerikan në margjinat e një samiti të mëparshëm

“Ky aktivitet ishte një ngjarje e veçantë, e organizuar paralelisht me samitin, dhe nuk përbënte pjesëmarrje në vetë Samitin e NATO-s”, sqaron MPJD-ja.

Në fund të deklaratës, Kosova ripërsërit përkushtimin e saj për thellimin e bashkëpunimit me NATO-n dhe shtetet anëtare, si dhe aspiratën strategjike për anëtarësim të plotë në Aleancë.Kosova ka zhvilluar bashkëpunim praktik me NATO-n që nga paslufta e vitit 1999, ku Forcat e Sigurisë së Kosovës (FSK) marrin pjesë në disa programe trajnimi dhe ushtrime të përbashkëta, por mbetet jashtë strukturave formale të Aleancës për shkak të statusit të saj ndërkombëtar.

Gazifikimi i thëngjillit apo LNG-ja amerikane: Ç’është më mirë për Kosovën?

20:39 Rajoni 5 komente

“President Lumiri ose unë!”, Haziri tërheq deklaratën: Osmani, i vetmi emër nga LDK

12:25 Rajoni 5 komente

Ali Ahmeti për protestat në Tiranë: Po goditet turizmi dhe investimet në Shqipëri

22:10 Rajoni 42 komente

Enver Hoxhaj reagon për protestën në Tiranë: Shqipëria e fortë është në interesin e çdo shqiptari

20:50 Rajoni 10 komente

Mes bastisjeve dhe falënderimeve për Rusinë, Serbia heton “topin zanor”

20:40 Rajoni

RCC dhe OSBE kërkojnë bashkëpunim më të ngushtë për sigurinë në Ballkan

17:33 Rajoni

“Ta ulim Kurtin nën 40%”, Haradinaj rikthehet për president: Nëse opozita do, kandidoj

16:15 Rajoni 13 komente

Kurti: S’kishim nevojë për zgjedhje të reja, së shpejti nis puna për formimin e institucioneve

11:10 Rajoni 15 komente

“Në Kosovë ndihesh si në familje”: Turistët zbulojnë “perlën e fshehur” mes maleve të Ballkanit

19:51 Rajoni 2 komente

A po zbatohen marrëveshjet Shqipëri-Kosovë-Maqedoni? Tre Avokatët e Popullit bëhen bashkë dhe firmosin memorandum për t'i kontrolluar

16:40 Rajoni 4 komente