Qeveria e Shkupit bëhet edhe më shumë shqiptare: Në kabinet futet edhe "Aleanca" që ishte në opozitë

30 Janar 2023, 17:00Rajoni TEMA

Qeveria e Shkupit bëhet edhe më shumë shqiptare: Në kabinet

Mediat vendase thonë se brenda ditës mund të fillojnë bisedimet mes kryeministrit maqedonas Dimitar Kovacevski dhe ekipit negociues të Aleancës për Shqiptarët, për përfshirjen e kësaj partie në radhët e ekzekutivi maqedonas.

Nga sa kanë pohuar palët, fillimisht këto bisedime do të fokusohen tek programi qeverisës e më tëj, do të flitet për ndarjen e posteve. Pjesë e ekipit të negocjatorëve mësohet se do të jetë edhe Ziadin Sela, i cili gushtin e 2022-shit dha dorëheqjen nga drejtimi i kësaj partie opozitare pas disfatës së saj  në zgjedhjet e 20 gushtit në Tetovë për asamblenë komunale.

LSDM-ja në pushtet thotë se vendit i nevojitet një shumicë e gjerë me të gjitha partitë politike që janë në favor të anëtarësimit në Bashkimin Europian. “Aleanca për shqiptarët është një nga partitë që i konsiderojnë të nevojshme ndryshimet kushtetuese që Maqedonia e Veriut të vazhdojë rrugën e saj europiane, këtë e ka pohuar disa herë. në Këtë drejtim, është e nevojshme të kemi marrëveshje mbi programin, dhe e përsëris, cdo parti politike që mbështet rrugëtimin europian të vendit e ka derën të hapur”, u shpreh zëdhënësi i LSDM-së, Darko Kaevski.

Integrimi i dy vendeve në BE përbënë gjithashtu temën kryesore të takimit të Ramës me krerët politikë shqiptarë të Maqedonisë së Veriut.

2 Komente

  1. H
    Himarioti

    Tani edhe RMV është në rrezik. Shikoni Prishtinën dhe Tiranën.

    1. E
      Erzeni

      Zijadin Seles duket I paskan ardhe mente,se ishte ky qe u bashkua me Albin Kurtin ne fushaten kunder Edi Rames ne zgjedhjet e 2021.

      Lini një Përgjigje