Te fundit
Ramush Haradinaj i ashpër me Kurtin: Po rrezikon ekzistencën e Kosovës, kemi nisur mocion mosbesimi ndaj qeverisë
5 Korrik 2023, 19:43Rajoni
TEMA
Kreu i Aleancës për Ardhmërinë e Kosovës, Ramush Haradinaj është treguar i ashpër në deklaratat e tij drejtuar kryeministrit Albin Kurti, menjëherë pas mbledhjes së kryesisë së AAK-së.
Haradinaj, në një deklaratë për media, e ka akuzuar Kurtin se po rrezikon ekzistencën e Kosovës si dhe marrëdhëniet me aleatët.
Duket se fokusi i mbledhjes së kryesisë së AAK-së ka qenë te hapat që do të ndërmerren për t’u përballur me Kurtin dhe qeverinë e tij, e një prej tyre është edhe inicimi i mocionit të mosbesimit, njoftuar sot nga Haradinaj.
“Kurti dhe Qeveria Kurti është në drejtim të rrezikshëm dhe po e rrezikon ekzistencën tonë, zbatimin e ligjit në veri, marrëdhënien me aleatët tanë. Duke parë këtë drejtim, kemi iniciuar mocion mosbesimi për qeverinë Kurti. Sot diskutuam edhe forma dhe veprime tjera potenciale për tu përballur me Kurtin, me qeverinë Kurti, me rreziqet që ia shkakton vendit. Njëkohësisht vendosëm edhe krijimin e disa strukturave për t’u përballur me atë qe po vjen dhe situatat rajonale. Nuk do t’i japim krejt detajet”, tha Haradinaj.
Kreu i AAK-së tha se është diskutuar si mundësi edhe krijimi i një qeverie të “unitetit kombëtar”, që do të përfshinte të gjitha partitë politike, përfshirë edhe Lëvizjen Vetëvendosje, duke shmangur kështu kalimin e menjëhershëm në zgjedhje.
Sipas Haradinajt, kjo mundësi “do ta kthente Kosovën në normalitet në agjendën euroatlantike”.
“Është e pakuptimtë me u sjell normal në parlament, pra të vazhdojmë me agjendë të zakonshme. Kohë më përpara kemi thënë se nuk është kohë e zakonshme, nuk është situatë e zakonshme, nuk mund të sillemi zakonshëm. Do të bashkëpunojmë me opozitën për qëndrimet tona në parlament, do të jemi bashkë, nuk do të ndahemi nga partitë tjera në një bojkot në parlament, por njëkohësisht në mundësinë e protestave dhe zhvillimeve tjera, pra ne veç kemi krijuar strukturat tona të brendshme për t’iu përgjigjur situatave dhe rrethanave që vijnë”, tha Haradinaj.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nëse Kurti vazhdon ti pranoj te gjitha si ke berë ti dhe Hashimi edhe ashtu e pat Kosova. Kurti po mbron mosardhjen e forcave serbe si hap i ardhshëm. Të kishte pranu Albini te gjitha sikur ju, sot do te flitej per kthimin e farcave serbe. Po ti mer vesh nga politika o Ramush sa dhia nga taxhia.
a pse nuk jen ma nen serbin ju a? Ju paska cliru Albini a? Oh sa tmir e keni vallahi, ai i perzuni shkjahet eh? Adem Jashari paska ken shkja, se ai nuk e njifte fare heroin e madh Albin ...
Qe ramushi te ishte kaq mendje lehte dhe nje i semure per karrike,kjo po vertetohet plotesisht.Qe ramushi mori toke me qindra hektare per vetvehten,qe ramushi e fali Cakorri n vetem e vetem qe ishte me perde ne sy dhe me aftesi te kufizuara ,tani po e nxjerr diagnozen e vetvehtes-Karierist i cmendur.Ramush ,luften te cilen e beri UCK-eja e lavdishme,nje simbioze ishte edhe familja jote me gjith ty,per kete aktRespekt.po tani ramush e kupton se armiku shekullor keshtu e deshiron situaten ndermjet vet popullit tone,ti po e ndihmon.E kupton ramush se ky veprimi yteshte nje akt tradhetie se po percan po hedh nje helm qe e ben edhe armiku yne.Ramush ti e do Republiken e Kosoves,por largoe iden qe te jesh ti bajraktari osmanlli,Republiken e Kosoves e duan shqiptaret te cilet edhe sakrifikojne,RK e donin te gjithe ata djem ,vajza qe flijuan per kete Kosove,prandaj ramush ,ndalo hapin reflekto dhe vepro per interesat e vertetea qe i nevoiten Republikes te Kosoves.