Te fundit
Rrëfimi tronditës i të mbijetuarës nga krimet serbe: Na hodhën granatë ndërsa shtëpia ishte plot me njerëz, humba nënën dhe 5 vëllezërit dhe motrat
18 Prill 2025, 17:54Rajoni
TEMA
Kur nëna dhe pesë vëllezërit e motrat e saj u vranë në masakrën e Poklekut në vitin 1999 në Kosovë, 13-vjeçarja Elhame Muqolli ia mbathi nga një dritare dhe më vonë rindërtoi jetën e saj në Shtetet e Bashkuara. Por ajo nuk mund ta harrojë kurrë atë ngjarje.
Nga Serbeze Haxhiaj
Elhame Muqolli shprehet se ka jetuar në një “hapësirë me re” për 26 vitet e fundit – me re nga tymi që ajo kujton kur shpërthyen granatat më 17 prill 1999, të cilat lanë pa jetë nënën dhe pesë vëllezërit e motrat e saj.
“Kur shpërtheu bomba e parë, pashë vetën tym dhe copëza të vockla që fluturonin në ajër”, tha Muqolli. “Nuk dëgjoja asgjë. Nuk e di nëse ishte vërtet tym ai që mbushi dhomën, apo nëse thjesht ashtu më dukej mua. Por unë vazhdoj të jetoj ende në atë hapësirë me re. Nuk i shpëtoj dot. Është gjithmonë me mua.”
Muqolli ishte 13 vjeçe kur forcat serbe rrethuan fshatin e saj, Poklek, në Kosovën qendrore, atëherë një provincë jugore e Serbisë. Tre javë më parë, NATO-ja kishte nisur sulme ajrore për të ndalur një luftë brutale nga forcat nën udhëheqjen e udhëheqësit të atëhershëm serb, Sllobodan Millosheviç. Në përgjigje të kësaj, forcat e Millosheviçit intensifikuan fushatën e tyre të spastrimit etnik dhe vrasjeve masive.
Familja e Muqollit kishte kaluar dy muaj duke lëvizur nga një fshat në tjetrin për t’i shpëtuar granatimeve serbe. Në mesin e prillit, ndërsa babai i saj fshihej në pyje, pjesa tjetër e familjes u kthye në Poklek dhe u mblodh në një shtëpi që i përkiste xhaxhait të saj Fadilit, një anëtar i Ushtrisë Çlirimtare të Kosovës. Herët në mëngjesin e 17 prillit, Muqolli dëgjoi nënën e saj, Shemsijen, atëherë 41 vjeçe, duke u thënë atyre të merrnin gjërat e tyre sepse forcat serbe po përparonin.
Familja iu bashkua një kolone me shqiptarë të Kosovës që përpiqeshin të arrinin në qytetin e Drenasit, por u kthyen mbrapsht nga policia. Po binte shi dhe ata ishin të lagur. Pasi mbërritën në shtëpi, ata ndezën një zjarr, pikërisht kur filluan granatimet.
Në dhomën e ndenjes së shtëpisë së xhaxhait të saj, Fadilit, ishin 59 persona.
“Gratë dhe vajzat vunë shami në kokë dhe disa i lyen fytyrat me hi të zi që të dukeshin sa më keq nga frika e përdhunimit”, tha Muqolli. Ajo dëgjoi nënën e saj të thoshte: “Le të presim të erret”, të cilës gruaja e xhaxhait të saj iu përgjigj: “Me sa duket, errësira s’ka për të rënë.”
Rreth mesditës, policët serbë hynë në oborr. Ata urdhëruan njerëzit të dilnin nga shtëpia, i numëruan dhe pastaj i urdhëruan të ktheheshin brenda. Pak kohë më vonë, Muqolli tha se ata morën xhaxhanë tjetër të saj, Sinanin, dhe një poet vendas të quajtur Ymer Elshani.
“Pastaj dëgjuam të shtëna me armë”, tha ajo. Trupat e dy burrave u gjetën më vonë në fund të një pusi.
Ajo që pasoi ishte një tmerr i vërtetë për ata që ishin në shtëpi. Një polic hapi derën, hodhi një granatë brenda dhe e mbylli përsëri derën.
Muqolli kujton nënat që u hodhën mbi fëmijët e tyre.
Ishte atëherë që ajo kujton tymin që mbushi dhomën, përpara se një granatë tjetër të hidhej brenda.
“Nuk e di sa gjatë qëndrova aty”, tha ajo. “Mbaj mend që hoqa që sipër kushërirën time Naimen dhe u zvarrita drejt dritares. Kur u ngrita, pashë vetëm gjak, copa rrobash dhe asnjë fytyrë. Kuptova se jo të gjithë ishin të vdekur; disa ende lëviznin.”
E ëma dhe pesë vëllezërit dhe motrat të vrarë
E plagosur në këmbë dhe gjoks, Muqolli tha se nuk ndjeu dhimbje; hapi dritaren dhe kërceu jashtë. Pa dy policë dhe ktheu shpinën.
“Nuk kisha frikë nga vdekja”, tha ajo. “Kisha frikë se do të më kapnin gjallë. Po binte shi dhe nuk dëgjoja asgjë. Doja vetëm të më vrisnin shpejt.”
Policët nuk mund ta kenë parë; pas pak kohe, Muqolli u nis nëpër fusha, duke pirë ujë shiu për të shuar etjen.
“Vura re se po lija pas pika gjaku nga këmba e plagosur. Hoqa çorapen dhe, siç mbaja mend nga filmat, u përpoqa ta lidhja fort, por nuk kisha forcë.”
Muqolli nuk mban mend se sa kohë kaloi ose sa larg eci para se të dallonte një shtëpi.
“Më dukej si ëndërr”, tha ajo.
Ishte ende ditë kur hyri në oborr. “I thashë dikujt nga ajo familje: ‘Duhet t’ia mbathni. E gjithë familja ime dhe të tjerë janë vrarë’. Ata më panë si të më kishte ikur mendja.”
Ata ia mbathën së bashku, por këmba e plagosur e Muqollit e la atë në baltë.
“Humba ndjenjat dhe rashë në një gropë të cekët të mbushur me ujë shiu. Dëgjova dikë të thoshte: ‘Ka vdekur. Duhet ta lëmë.’ Lëviza gishtin, duke u përpjekur t’u bëja shenjë: ‘Mos më lini; jam gjallë’. Pastaj ata e kuptuan që isha gjallë.”
Atë natë, Muqolli e gjeti veten në një shkollë ku ishin strehuar qindra shqiptarë të zhvendosur të Kosovës. Asaj i dhanë bukë që të hante, por nuk kishte asgjë për të trajtuar plagët e saj.
Muqolli mësoi atëherë për vdekjen e nënës së saj dhe të vëllezërve e motrave të saj – motrave të saj Albulenës, Vezires dhe Fatmires, gjashtë, 19 dhe 17 vjeçe, dhe vëllezërve të saj Rexhepit, 13 vjeç, dhe Agronit, 10 vjeç. Babai i saj, i cili ishte fshehur në pyll, vdiq pas luftës.
Në total, 53 persona vdiqën. Më e vogla ishte gjashtë muajshe, më e madhja 79 vjeç.
Dy ditë më vonë, ndërsa forcat serbe rrethuan shkollën dhe civilët përpiqeshin të iknin, Muqolli, e paaftë për të ecur, u zvarrit deri në rrugë.
“Doja të më shtypte ndonjë automjet ushtarak”, tha ajo. “Por dikush erdhi dhe më mori.”
“S’do ta marr dot veten kurrë”
Në qershor të vitit 1999, Millosheviçi tërhoqi forcat e tij nga Kosova, e cila kaloi nën kujdestarinë e Kombeve të Bashkuara përpara se të shpallte pavarësinë në vitin 2008 me mbështetjen e fuqive të mëdha perëndimore.
Pa familje, shtëpi apo mbështetje psikologjike, Muqolli, tani 39 vjeçe, luftoi për një kohë të gjatë me plagët emocionale dhe fizike të luftës. Ajo nuk eci dot për nëntë muaj. Ajo u nis për në Shtetet e Bashkuara, ku u martua me një burrë shqiptar dhe solli në jetë dy fëmijë. Kohët e fundit filloi terapinë.
Në Poklek, shtëpia ku familja e saj u shfaros tani është një muze, ku ekspozohen rrobat, fotografitë, librat shkollorë dhe fletoret e atyre që vdiqën. Gjurmët e gjakut janë ende të dukshme.
Muqolli u mor në pyetje nga prokurorët e gjykatës së OKB-së për krimet e luftës në ish-Jugosllavi, por nuk pati kurrë mundësinë të dëshmonte në gjykatë.
Masakra në Poklek ishte pjesë e aktakuzave të ngritura kundër Millosheviçit dhe tre zyrtarëve të lartë të policisë dhe ushtrisë në gjykatë. Millosheviçi vdiq në vitin 2006 ndërsa ishte ende në gjyq.
“Nuk dua ta dëgjoj fjalën ‘drejtësi'”, tha Muqolli. “Ç’lloj drejtësie do të mund të ma kthejë ndonjëherë familjen time?”
“Në realitet, s’do të mundem ta marr dot veten kurrë. Ndihem e bllokuar në atë tmerr.”
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
nga serbezja per elhamen lol vari k turli turqish heren tjeter thoi familjes te mos ndertojne xhami por ushtri qe te mbrohen.
VDEKJE FASHIZMIT - LIRI POPULLIT!
detari,, te Shkerdhefshin mbare Shqiptaria Ty fisqire i Mallkuar paAtdhe bashke me kryePederastin e ksaj Haleje ,ymer baze,,qe e ka shndruar kte Hale Pederastesh filogrek, ne nje frengji te antishqiptareve ,krimbave qe ushqehen me kermen janullatos !!!!!------------------------------------------------------------------------------------------------ Lexojm kte tregim te dhimshem ,mbi fatin e trishtueshem te Familjes se Elhame Muqollit , dhe keqardhja per vllezrit e motrat tona ne Kosove ,prej krimeve te bera nga Shteti Kriminel serb, Terroristeve serb ,qe behen Trima gjithmon ,vs popullit ,civileve gra,pleq femije , shperthen zjarrin e nji Hakmarrje te mbare Shqiptareve ,kunder asaj rrace Hienash serbe dhe cdo Krimineli qe ka ber krime vs popullit Shqiptare . --- Te tilla Shkrime, videot e Krimeve serbe ne Kosove ,videot e Luftetareve te Lirise UCK- Betejat e Lavdishme ,Fitoret e Medha ne gjithe Kosoven, ate te Koshares qe shenjoj Triumfin e Luaneve te Kosoves (UCK) vulosen krenar para syve te gjithe Botes ,duke mposhtur Ushtrin e Milloshevicit , duke thyer Mitet e Rreme mbi Ush.srb. se eshte kjo e ajo- perhapur nga Propaganda gojore ne popull ,porse perballja me UCK tregoj gjithcka tjeter ,ne Terren- ktoooo -duhet te jepen cdo dite ne TV- Shqiptare jo degjeneratat BB qe po degradojn rine Shqiptare . E.M ,,rrofsh,pac jeten e gjate dhe ne nje jete plot Miresi .
Ne 2025 , Detar funderrina e njerezimit, i tregon viktimave te egersirave prehistorike se cfare feje duhet te ndjekin... .....sikur kjo te ishte problemi kryesor ne kete histori...Detar, nderro pseudonimin, e para, ...e dyta, te vdekshin dhe tu perdhunofshin gjithe femrat e familjes nga 0 ne 100 vjec , tu zhdukshin gjithe meshkujt dhe ti i pafsh me sy gjithe keto qe po them....dhe e treta, Mero muti , botoje kete koment. Zero respekt per Meron qe boton komentet e ketyre shqipfolesve mostra. Sa per dijeni, ne Greqi nje koment te tille antikombetar si ky i Detar kermes do ta nxirrnin me emer e mbiemer, por ne paskemi qene komb pa bythe. (ndjese per shprehjet e forta dhe ndoshta te padenja, por ne si popull nuk i kemi bere dem askujt)
pak te gervishtesh islamin dalin kokat turke, e verteta dhemb.
Fashist i zi si korbi. Rri gaditu me sy të shkyer për të provoku shqiptarët.
Ore budalla, te dhjefsha turkun ty dhe bytheperpjeteve, turkun e nxjerr ti se ske argument tjeter...por perballe masakrash monstruoze, te bera me qellimin e zhdukjes se popullsise vendase mijeravjecare, ..e perseris, ne 2025.., kur njerezit mund te konvertohen ne budizem ,ne mormone , ne shientollogji e ku di une, ti , ne kete tragjedi, mendja te vete vetem tek ajo feja e ketyre te gjoreve te masakruar. Nuk e di cfare mban kjo toke, por njeriu nuk meson kurre. Si do qe ta mendojne ata fene e tyre, ne rradhe te pare jane shqiptare. Une e di qe ti je shqiptar, por greqia ju ben lavazh truri disave duke perdorur fene. As une personalisht nuk jam dakort me ekstremizmin por kjo ishte nje tragjedi pertej cdo llogjike..........nje gje e ulet antinjerezore ne mes te Europes se civilizuar.
Muslimanet turkoskiptare kane masakruar qindra mijera Arber ne 500 vitet e fundit.
Ore fashist, si e krahason kohën e Skënderbeun, shekullin 15, me fundin e shekullit 20? Sa për dijeni edhe sot "të krishterët" dhe "ortodoksët" po vrasin miliona njerëz, pa folë për kohën e Hitlerit. Izraeli - sot - po vret mijëra fëmijë! Fol për krimet serbe kundër shqiptarëve, kjo është tema, mos provoko me Mesjetën! Apo je mesjetarë me mendësi?