Te fundit
Takimi Kurti-Vuçiç në Bruksel, DASH i zhgënjyer: Koha po kalon, duam të shohim përparim
15 Shtator 2023, 09:04Rajoni
TEMA
Departamenti amerikan i Shtetit, shprehu zhgënjim që nuk u arrit ndonjë përparim në rundin e ri të dialogut midis Kosovës dhe Serbisë për normalizimin e marrëdhënieve.
"Presim që të dyja vendet t’i marrin seriozisht obligimet e tyre me Marrëveshjen për normalizimin e marrëdhënieve, që kanë arritur më herët këtë vit. Koha po kalon. Ne duam të shohim përparim në obligimet ekzistuese dhe të mëparshme, të ndërmarra në dialog dhe me Marrëveshjen e Ohrit, duke përfshirë këtu themelimin e Asociacionit të komunave me shumicë serbe", tha një zëdhënës i Departamentit amerikan të Shtetit për REL.
"Ne do të konsultohemi brenda dhe me partnerët tanë evropianë për hapat e ardhshëm", tha ai. Sipas tij, dialogu i lehtësuar nga BE-ja është e vetmja rrugë përpara për Kosovën dhe Serbinë.
Kryeministri i Kosovës, Albin Kurti, dhe presidenti i Serbisë, Aleksandar Vuçiç, u takuan të enjten në Bruksel me ndërmjetësimin e shefit të politikës së jashtme të BE-së, Josep Borrell, dhe të dërguarit të BE-së për dialogun, Mirosllav Lajçak.
Takimi, që kishte në agjendë zbatimin e Marrëveshjes bazë për normalizimin e marrëdhënieve, nuk prodhoi ndonjë rezultat, tha Borrell.
Sipas tij, ishte Kurti ai që nuk e pranoi propozimin e BE-së për zbatimin e njëkohshëm të obligimeve që dalin nga kjo marrëveshje, ndërsa Vuçiq e pranoi.
Borrell tha se Kurti këmbënguli që të formalizohet, fillimisht, njohja de facto e Kosovës nga Serbia, kurse Vuçiq kërkoi themelimin e Asociacionit të komunave me shumicë serbe në Kosovë.
Kurti "nuk ka qenë i gatshëm që të ecë përpara me fillimin e një procesi të besueshëm për themelimin e Asociacionit", tha Borrell.
Kurti dhe Vuçiq, në konferenca të ndara për media, akuzuan njëri-tjetrin për mungesën e rezultateve nga takimi.
Kurti tha se "kushtëzimi i Serbisë" për formimin e Asociacionit të komunave me shumicë serbe "është shndërruar në qëndrim të emisarëve të BE-së".
Sipas Vuçiqit, Kurti, thjesht, "i shmanget formimit të Asociacionit... ky është thelbi i gjithçkaje"./ REL
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Per rastin konkret Albini ka te drejte . Boreli dhe Lajçaku , pavaresisht se perfaqesojne BE , qeverite e vendeve te tyre , nuk e njohin pavaresine e Kosoves . Zgjedhja e tyre per keto bisedime eshte e qellimshme apo jo , une nuk e di , po qendrimet e tyre kohet e fundit nuk jane te njejta , si per Kosoven dhe per Serbine , ato anojne nga Serbia . Shume po e perkedhelin kete Vuciçin , qe ne fund te fundit nje minister i qeverise se kriminelit Milosheviç ka qene . Presioni i Europes duhet te jete me i forte dhe konsistent mbi Serbine , pasi ajo eshte autorja dhe e gjithçkaje qe i ka ndodhur popullit kosovar dhe duhet te pergjigjet per krimet e kryera . Boll u perkedhel . Derri do plumb , thote populli yne .