Pse më shumë njerëz u sëmurën këtë vit? Jemi më të dobët apo viruset janë bërë më agresivë?

31 Dhjetor 2023, 09:36Shëndeti TEMA

Pse më shumë njerëz u sëmurën këtë vit? Jemi

Viruset respiratore dhe sindromat e ngjashme me gripin janë në rritje, ku veçanërisht këtë vit ka një përhapje më të madhe të viruseve të frymëmarrjes. Pse të gjithë u sëmurën këtë vit? Janë njerëzit më të dobët apo janë bërë viruset më agresivë?

Këtyre dhe pyetjeve të tjera iu përgjigjet Fabrizio Pregliasco, virolog në Universitetin Shtetëror të Milanos.

A ndikojnë temperaturat në shfaqjen e simptomave të gripit apo viruseve të tjerë?

I ftohti ka veprimin e vet, ndonëse indirekt, në uljen e mbrojtjes imune, ngadalësimin e qarkullimit të gjakut dhe rrjedhimisht këto ndikojnë dhe në sëmuendshmëri. Pastaj është edhe fakti se ne e gjejmë veten në ambiente të mbyllura me ajrim të dobët.

A është ky ndoshta viti i parë në të cilin ne u jemi kthyer vërtet zakoneve që kishim përpara Covid-it?

Tani jemi në një vit ku ka një normalitet të ri, një rikuperim total dhe gjithashtu, për fat të keq, një harrim të atyre masave që kufizuan përhapjen e infeksioneve të frymëmarrjes. Fakti që askush nuk është më i vaksinuar është një shenjë e pavëmendjes. Ekziston një tendencë për ta hequr atë përvojë. Nga njëra anë është e drejtë dhe e kuptueshme, por masat paraprake kanë humbur dhe kjo nuk është diçka e mirë.

A ka një rritje reale të infeksioneve këtë vit?

Ka një sezon të ashpër gripi, disi të ngjashëm me atë të vitit të kaluar, por ka shumë infeksione të viruseve të tjera (si p.sh. Covid) të cilat janë “zvogëluar” pak pasi në shumicën e rasteve nuk krijojnë probleme të mëdha.

A mund të bëjmë një renditje dhe të vendosim në krye virusin që po shkakton më shumë probleme?

Sigurisht që ekziston virusi sincicial respirator që është protagonist në krahasim me të tjerët dhe më pas ka pasur mykoplazma pneumonia te fëmijët. Ekzistojnë 263 lloje dhe nëntipe të viruseve të frymëmarrjes, plus ne kemi një pjesë të dukshme të Covid-it i cili është bërë disi më i lehtë, por shumë i pranishëm në aspektin sasior”.

A mund të na dobësojë më tej infektimi me Covid ose infeksione të tjera?

Po, infeksionet e mëparshme të frymëmarrjes përkeqësojnë disi përgjigjen ndaj viruseve të tjera. Edhe bakteret përhapen mirë ‘falë’ një infeksioni të mëparshëm që ka ulur mbrojtjen imune.

Si të parandalojmë infeksionet?

Në nivel fiziologjik, një dietë e shëndetshme dhe e ekuilibruar është e rëndësishme. Heqja dorë nga pirja e duhanit dhe ndoshta marrja e vitaminës B12 ose vitaminës C (me rekomandim mjeku), që kanë veprimin e vet anti-inflamator dhe stimulues të sistemit imunitar dhe më pas duhet mbajtur vëmendja edhe tek ndryshimet e temperaturave në ambiente të ndryshme.

A duhet të përdoren ende maskat?

Sigurisht. Ato janë të rëndësishme sepse mbrojnë rrugët e sipërme të frymëmarrjes. Është e drejtë të shijojmë normalitetin e ri, por për të qenë të qetë duhet t'i mbrojmë të dobëtit dhe të moshuarit.

Burimi: Corriere della Sera

2 Komente

  1. B
    Bumbum..bum

    Nëse nga frika e kovidit jeni vaksinuar nga 3 - 4 herë mir tju bëhet. Mbani radhën tani per vaksinën e 5-të.

    1. f
      fukaraji

      Keto jane pyetje asoleshente, Covidi 19 kishte synim kete qe popullsia te jete e ndjeshme si viruseve te tjere por dhe vete covid 19 qe ndryshon gjendjen e tij periodikisht dhe kompanite farmaciotike te helmojne popullsine me vaksina dhe rrisin fitimet e tyre nga gjaku i popullit…

      Lini një Përgjigje