Mjekja Lida Shosha reagon ndaj Grida Dumës: Mjekësia nuk mund të sulmohet për interesa meskine

Mjekja Lida Shosha, ka reaguar ashpër ndaj Grida Dumës, e cila ka zhvilluar një emision, ku ka marrë ngjarjet tragjike, duke i analizuar në studio me analistë. Sipas mjekes, Duma, do të duhet të debatonte me specialistë, e jo të sulmonte në mënyrë qitëse systemin dhe profesionistët.

Postimi i mjekes

Top story i marrëzisë"

●Problemet duhen adresuar,Znj Duma, po është e disata herë që  ju keni zgjedhur një mënyrë të padrejtë duke baltosur një sherbim kolosal mbi 17 vite që Spitali Amerikan jopublik,  i jep popullatës, duke ftuar njerez gjobaxhinj qe kanë mbush thesin e vitit të ri me topa balte , kundrejt mjekëve e stafit mjekësor  të Spitalit Amerikan, dhe ku pala e akuzuar, nuk është pjesë e diskutimit. Se per cfare e beni ju kete eshte me se e kuptueshme. Eshte fatkeqesi qe bini ne nivelet e nje gazetarie mjerane.

●Kur flisni për spitalet, ftoni mjekë specialistë të mirëfilltë, ftoni palët,

E ftoni mjekë  qe kanë djersitur  ditët e netët e jetës së tyre nëpër spitale, pavione pa ngrohje, salla operacionale  pa ftohje, ku djersa të ridhte çurg në kërbishte e dysheme, ku perballeshe me njerëz të armatosur që shqyenin e thyenin pamëshirshëm dyert e spitaleve nga proçkat e destabilitetet  e politikbërësve te këtij vendi.E nderkohë që ka një strukturë spitalore, ku pacientit nuk i duhet më te ngrejë jorganë, batanije, çarçafe, peshqirë, pizhama, ujë me bidona për tualetet, të blejë ilaçe e serume në farmaci, por të paguajë në kasë ,si kudo në botë, e ti shërbehet me profesionalizëm,  hajde ti biem dhe këtij.

Jo moj Zonjë, e keni gabim. 

● Ftoni njerëz , pjesë të sistemit,  se nuk keni tagrin as ju, as ata te ftuar të injorojnë investimin e atyre  mjekëve që për tu bër te aftë, sic i do koha, cilësorë  në kët vend që investon zero , po zero lekë për formimin e mjekut, që e degjeneron kur i intereson dhe e bën hero kur i duhet të mbajë frenat e kariges se pushtetit, se  pa mjekët, sistemi  eshte si gruaja pa brekët.

●Keta mjek kanë lën familje e femij vetëm, rrugeve te botës,me shpenzimet e tyre, për pak dije, se ky vendi jonë halleshumë në 30 vite postdemokraci, ka lekë për tallava, por  jo për investim në shkencë e shëndet, ky vendi jone ka buxhet për lluks në godina, kollaro, e makina,  po jo lluks te trurit, e lluksi i trurit do lekë,  kohe, punë , natë  e  dite nonstop, te rendësh në vende europiane , ku vërtet ka mjekësi moderne e shteti investon për shëndetin e qytetarit te vet.

●Të rendesh pas trenit te dijes në një  mjekësi moderne që ecen e nuk di të ndalet, e kur mendon se pothuaj arite në një stacion, të mbet dora në ajër, treni i dijes të  ka lën targat për tjeter destinacion akoma me avangard, e mjeku mbetet atlet i përjetshem,dhe rob i ketij profesioni të padyte ne shoqeri.

●A vdesin njerëz në spitale,  sigurisht që po, spitali është vend ku shtrohen te sëmurë të gjithë kategorive, nuk shtrohet kush për vakanca, e mirë është tu shërbehet deri frymën e fundit, se dhe vdekja ka dinjitetin e vet, e të krijohen struktura siç i ka bota, se mbeti mileti duke dhënë shpirt ,  në shtëpi mes dhimbjeve lebetitëse qe tmerrojne familje, fis e femi.

●A infektohen njerëz në spitale, fatkeqësisht po, rreziku është për dy palët, dhe pacientin dhe mjekun e infermierin, a e di çdo te thotë të marësh bisturinë e  të operosh në një pacient me HiV- sida , hepatit B, C, një moment çpimi të ndan nga infektimi.

Sigurisht që nuk e di, po ta them unë, e kolegë të mi që kemi  operuar me dhjetëra, e marë përsipër riskun e infektimit , për të shpëtuar pacientin, e për të dhënë shpresë aty ku ka agoni.

● A e dini sa mjek e infermiere vdiqën te infektuar nga Covidi, duke shërbyer pacientëve?

●A ka komplikacione po mjerisht  ka, e asnjë mjek me vetëdije e ndërgjegje, kurrë nuk do donte ti vdiste pacienti ndër duar,  komplikacione ka si kudo në botë,  dhe bota e zhvilluar investon ta ulë % e komplikacioneve te parandalueshme, se komplikacionet e lidhura me sëmundjet gjithmonë do jenë prezente në mjekësi, por bota e zhvilluar ndërhyn ,  duke investuar tek mjeku së pari, duke i vën në dispozicion infrastrukture më të avancuar, duke e trajnuar në mënyre të vazhdueshme, duke e edukuar e aftësuar akoma,më shumë, dhe vlerësuar dinjitetshëm për këtë investim te pashoq jetësor. Ne Shqipëri kete investim ne mjek,  e ka bere Spitali Amerikan.

●Mjekësia nuk është shkencë egzakte,  nuk eshte as  aritmetikë e Ramës, 2+2=4, po është mjerimisht e  Bashës 7x7=37,   në mjekësi  ka  dhe malpraktis,  Po ka, e

dënueshme nga organet e ligjit, dhe e  ndëshkueshme nga ligji,  jo militantët partiakë e pseudoanalistë analfabetë qe skanë kurfare lidhje me dijen, shkencën, mjekësinë dhe  mjekun.

●Ka shumë për te thene, e spo i bie më gjatë po nëse,sdo vinin ata mjekë të huaj, të cilët i anatemuat në emisionin tuaj, të bënin transplantet e veshkës, ata mbi 220 pacientë shqiptarë ose do kishin vdekur, ose do vdisnin rrugëve te botes,për pak jetë, e sot mjekë shqiptarë të kësaj strukture, te trajnuar jashtë,  janë aftësuar e bëjnë këto transplante si kudo në qëndrat moderne te transplantimit në botë, e sa e sa  ndërhyrje inovative, proçedura jetëshpëtuese, që zanafillën e kanë ekskluzivisht në këte spital,  e  sa e sa shërbime  për qindra mijëra,pacientë struktura ka,dhënë natë e ditë,  ndër vite.Këto sigurisht ju Znj Duma i dini, megjithese keni zgjedhur te beni sikur nuk i dini ose minimalisht te mos informoheni siç duhet.Po se paku informohu sa transplante te veshkës janë arrit te bëhen me sukses në spitalet publike.Informohu se informacioni eshte poëer në duart e njeriut te mençur.

-Nderkohë ne kemi zgjedhur  te punojmë në vendin tonë, pavarësisht baltosjes, gurëve, llumit të marrezise ndaj mjekut në vite,  e do vazhdojmë, sepse kemi shumë gjëra për ti dhënë këtij vendi,  që  ka kaq shumë gjëra  për tu  përmirësuar, e do vazhdojmë  në rrugëtimin tonë me përkushtim te investojmë akoma më shumë tek vetja , te reflektojmë e të fokusohemi përherë   në cilësinë  e shërbimit mjekësor  ndaj njerëzve të sëmurë, në marëdhëniet me pacientin, në te drejtat e përgjegjësitë dypalëshe...

● Kur si bini dot  gomarit, mos i bini samarit thote populli jonë,  i mençur shumë,  e mos vazhdoni më të villni vrer dhe kunder asaj pakice mjekësh te devotshëm, që ka mbet në kët vend.

●Nëse,doni te ndihmoni njerëzit,  adresoni problemet reale në mjekësi, ato qe ne kemi vite, e vite që i themi pa pushim,

-Pse në shëndetësi ka nje keqmenaxhim hektik nga cdo qeveri. Pa nje politike lineare te mirevendosur nder vite.

-Pse nuk ekziston, nuk egziston po fare,  fondi i sigurimeve shendetesore ?

-Pse pacienteve nuk u mbulohen shërbimet qe marrin në sistemin publik dhe privat ?

-Pse nuk investohet me Platforma te mirëstudjuara dhe efektive me ritmet në shëndetësi, për edukimin në vazhdim te stafit mjekesor ?

-Pse nuk ka nje fond per kerkim shkencor ?

-Pse nuk ka kontroll mbi sigurine e cilesise dhe procedura te mirefillta akreditimi te sherbimit që ofrohet ne qendrat publike dhe private ?

-Pse ikin mjekë, infermiere, ustallare, marangoze e këpucarë?

-Si mund te ndalet rjedhja,jo vetem e trurit por dhe e stomakut e zorrëve, se këtij vendi do i mbesë një ditë veç skeleti që si hyn në punë as dreqit, veç laraskave..

Dr.Shk.Lida Shosha

Ndryshimet gjenetike nga Covid? Po shtohen sëmundjet në popullatë, më shumë ndërhyrje tumorale

19:10 Shëndeti 5 komente

Vendi ku keni lindur përcakton rrezikun për t’u prekur nga kanceri i gjirit: Ç’thotë ky studim

17:11 Shëndeti

Pandemia preku trurin e njerëzve 50 vjeç e lart, pavavërisht nëse u infektuan ose jo me Covid

12:18 Shëndeti 5 komente

Vaksina e tumorit kalon me sukses testet e para

20:40 Shëndeti 9 komente

Shëndetësia në Shqipëri, ekspertët: Nevojitet model i ri i ofrimit të shërbimeve

20:20 Shëndeti 1 koment

“Zemra po vret shqiptarët", mjeku: Çdo ditë vdesin 36 persona

21:40 Shëndeti 12 komente

Rritja e rasteve të kancerit në zorrën e trashë vjen si pasojë e këtij gabimi që po bëjmë

21:30 Shëndeti 13 komente

Të paktën 5 persona janë shëruar nga HIV. A po merr fund SIDA?

22:00 Shëndeti

Studimi italian zbulon pse disa njerëz janë më të dobët përballë Covid-19

09:29 Shëndeti 15 komente

Bebe pa fekondim

17:50 Shëndeti 1 koment