Te fundit
Afganët në Shëngjin ende larg Amerikës, 2 mln € borxh resortit që i strehoi
18 Gusht 2022, 21:00Sociale
TEMA
Mohamed dhe Arash janë të parët që kanë mbërritur nga Afganistani në Shqipëri dhe janë vendosur në Shëngjin.
Prej më shumë se 10 muajsh po mundohen të përshtaten me jetën në Shqipëri, ndonëse u është premtuar se nuk do të qëndrojnë gjatë.
Mohamed është personazh i famshëm i komedisë në Afganistan.
“Unë jam Mohamed dhe jam një komedian nga Afganistani. Kam punuar në disa emisione në televizionin kombëtar të Afganistanit.
Kur talebanët sulmuan Afganistanin në gusht, ne po filmonin disa shfaqje dhe shumë nga kolegët e mi ishin të dëshpëruar, sepse u përhap lajmi që talebanët po sulmonin.
Në ditët në vijim ata vranë gazetarë dhe komedianë. Situata ishte e frikshme dhe unë munda të largohesha vetëm 2 muaj më vonë. Tani jam i sigurt në Shqipëri”, thotë Mohamed për Euronews Albania.
Nga Shëngjini përmes një kanali në youtube, po mundohet të fitojë mjaftueshëm për të mbajtur familjen.
“Jam këtu me familjen time dhe po presim të largohemi nga Shqipëria. Tani po punoj në youtube dhe po u tregoj njerëzve atje çfarë bëj këtu. Jetën time të përditshme. Në fakt, unë jam i mërzitur dhe është e vështirë ti bëj të tjerët të qeshin kur nuk je në formë por po provoj më të mirën”, shprehet ai.
Arash prej 15 vitesh punon si reporter në Afganistan. Situata atje nuk është aspak e mirë, ndërsa këtu ndihen të sigurt. Një pjesë e familjes së tij ndodhet në Afganistan.
“Kemi ardhur këtu nga Afganistani pasi atje nisën trazirat. Këtu jemi të sigurt, por sërish një pjesë e familjes sime është atje dhe kam frikë për ta. Flasim shpesh me ta në kamera, por në disa raste qeveria ndërpret internetin atje dhe e kemi të pamundur të komunikojmë.
Po mundohem të përshtatem këtu dhe po punoj për të bërë disa reportazhe nga Shqipëria, për të fituar disa para. Vendi këtu më pëlqen, por kemi vështirësi të përshtatemi me ushqimin”, tregon Arash.
Pavarësisht sigurisë këtu, Arash jeton me ëndrrën amerikane.
“Nuk di dhe sa kohë do të qëndrojmë këtu. Ëndrra ime është Amerika, pasi është toka e mrekullive. Siç e thashë dhe më parë, kam 5 fëmijë dhe duhet t’i shkolloj dhe edukoj. Ëndrra ime është Amerika”, thotë ai.
Që prej ardhjes së afganëve në Shqipëri, rreth 1800 prej tyre u strehuan në Shëngjin ndërsa aktualisht kamë ngelur vetëm 800 të tillë. Pjesa më e madhe janë larguar për në Amerikë, si dhe një pjesë tjetër në Kanada.
Euronews Albania mësoi se të gjitha shpenzimet e tyre po mbulohen nga 7 kompani nga Amerika të cilët po kryejnë dhe procedurat për transferimin e tyre në vendet e tjera.
Deri tani nuk ka asnjë datë konkrete kur mund të bëhet i mundur largimi i plotë i tyre. Shteti shqiptar në partneritet me atë amerikan ka garantuar sigurinë e tyre 24 orë, ndërsa këtyre shtetasve u mundësohet kujdesi shëndetësor falas.
Rreth 2 muaj më parë 350 afganë përfunduan në mes të rrugës pasi kompania “Federal Practice Group” ndërpreu pagesat për strehimin e tyre. Ndonëse afganët u kaluan në banesa të tjera private, shuma prej 2 milionë eurosh ende nuk është paguar ndaj resortit në Shëngjin.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
V.k edhe avganet na mungonin. Shteti shqiptar mos te beje gabimin ti mbaje me shpenzimet e tija sepse do jete absurde kur nje pjese e popullsise vendase vuan varferine ekstreme dhe ka nevoj per ndihme.
Mashtrime, ashtu si dhe ne greqi keto kampe raportojne disa qindra por keta refugjate levizin i shperndajne neper evrope ose brenda shtetit ku rrine dhe sjellin te tjere dhe per nja 10 vite vetem fytyra gabelesh do shikoni rrugesh. Edhe tani me zor shikon nje surrat bardhe.
Greqi ????? CGreqi ?? Kush u tha etyre qe futeshin ne Greqi se do shkonin ne Amerike e gjetke ??? Asnje , ca sillogje dhe ca organizata te ndryshme , kurse me keta ndryshon puna , keta ishin ata qe ndihmuan Ameriken ne Avganistan , mund ti quash dhe kolaboracioniste , keta i mori Amerika se do ti kalonin ne hell Talibenet ....i vendosi ne Shqiperi dhe u tha qe nje dite do ju mar ne USA ...keta pikerisht ate dite presin , do ti mari ???? Nuk e besoj ....vec shpresa per keta eshte gjeja me e cmuar dhe e vetme....une personalisht nuk besoj se do ti mari ...mos u ngatero me Greqine , Greqia e ka gjith te keqen nga Turqia , ajo ja faturon Greqise emigrantet te ligjshem ose te paligjshem thuau si te deshirosh , Greqia paguan politikat e perkedheljes se kokes ndaj Turqise ....jane dy ceshtje krejt te ndryshme ......Greqiae ja shtyne , kurse ky yni beri te mirin te ambasadorja dhe ajo me vone te eproret e saj ....ky eshte realiteti i vetem ...fatkeqesisht