Ankesat e qytetarëve lidhur me fluturimet e anuluara dhe të shtyra, reagon kompania 'Wizz Air'

3 Prill 2024, 12:54Sociale TEMA
Ankesat e qytetarëve lidhur me fluturimet e anuluara dhe të shtyra,

Kompania ajrore 'Wizz Air' ka reaguar lidhur me publikimin e shkrimit për problematikat që kjo kompani ka me fluturimet e anuluara apo dhe të shtyra. 

Në reagim, kompania Wizz Air shkruan se e pranojnë që në sezonin e verës 2022 nuk i përmbushën standartet e tyre, por kanë punuar për të përmirsuar shërbimet dhe se në vitin 2023 u rënditën ndër tre linjat ajrore më të mira në Evropë. 

"Kemi shqyrtuar me vëmendje artikullin e publikuar në median tuaj dhe duam të paraqesim disa mospërputhje në shifra si dhe disa probleme në metodologjinë e llogaritjeve.

Ndërsa ne e pranojmë se sezoni i verës së vitit 2022 nuk i përmbushi plotësisht standardet tona, është thelbësore të theksohen përpjekjet dhe investimet e rëndësishme që kemi bërë për t’i zgjidhur këto çështje. Vitin e kaluar, kompania Wizz Air ka investuar më shumë se 100 milionë euro për të përmirësuar shërbimet e saj.

Këto investime kanë dhënë këto rezultate: Wizz Air operoi rreth 25,000 fluturime nga dhe drejt Shqipërisë gjatë periudhës janar – dhjetor 2023, një rritje e konsiderueshme prej 56% krahasuar me vitin 2022. Në të njëjtën kohë, kompania ka përmirësuar ndjeshëm edhe performancën e saj operacionale, duke e çuar përqindjen e fluturimeve të përfunduara plotësisht në 99.41%. Kompania ka përmirësuar gjithashtu edhe përqindjen e fluturimeve që kryhen në kohë me 13.5%.

Wizz Air u rendit ndër tre linjat ajrore më të mira në Evropë në vitin 2023 për fluturimet në kohë dhe për normat e ulëta të anullimeve në të gjithë rrjetin tonë. Ne dëshirojmë të theksojmë se janë pikërisht këto parametra – fluturimet në kohë dhe norma e fluturimeve të përfunduara – të cilat përdoren botërisht për të bërë vlerësimin operacional të një linje ajrore, pasi ato lejojnë krahasimin, pavarësisht se sa fluturime kryen një linjë ajrore e caktuar ose sa e madhe apo e vogël është ajo.

Për sa i përket anullimeve të fluturimeve në Shqipëri, faktorë të jashtëm si grevat e kontrollorëve të trafikut ajror dhe mbyllja e aeroporteve, të cilat janë jashtë kontrollit tonë, kanë ndikuar në operacionet tona. Megjithatë, ne mbetemi të përkushtuar për të ofruar mbështetje të shkëlqyer ndaj klientit. Wizz Air ofroi ndryshimin e biletave pa pagesë, rimbursim të plotë në formën origjinale të pagesës, ose rimbursim 120% në kredit WIZZ për të gjithë pasagjerët e prekur, që përbëjnë 0.7% të së gjithë numrit të pasagjerëve që Wizz Air ka transportuar nga dhe drejt Shqipërisë në vitin 2023.

Sigurisht, meqënëse Wizz Air është linja ajrore më e madhe në Shqipëri, ne e kuptojmë se sipas rregullit të probabilitetit, moti i keq apo grevat ndikojnë në më shumë fluturime brenda kompanisë sonë në krahasim me konkurretët tanë. Ne i kuptojmë shqetësimet që vijnë si pasojë e vonesave apo anullimit të fluturimeve, prandaj ne vazhdojmë gjithmonë të punojmë pa u lodhur për të përmirësuar shërbimet tona dhe për të siguruar një përvojë sa më të mirë udhëtimi për të gjithë klientët tanë, ku siguria e pasagjerëve, ekuipazhit si dhe e avionëve, qëndrojnë në krye", thuhet në reagimin e Wizz Air.

4 Komente

  1. L
    Luli

    O shqiptare udhetoni me Airalbenia dhe do te gjeni karar.Udhetimi mi wizair me kujton kohen ca alba wings e te tjera qe tani jane e kaluara jone…

    1. s
      starfullah !

      mire e ke ti po Airankaraja nuk fluturon ne perendim

      1. A
        Arber i Mesjetes

        O vllehu dropullit Bologna e Milano ku te duken Ty????

    2. B
      Bela Hysi

      Wizair eshte nje kompani shum e keqe ,pasi na anulloj biletat ne 2022 nuk na I ketheu leket mbrapa.I kemi mar ne tel na linin ne pritje kemi kontaktuar me email dhe sna kan kethyer asnje pergjigje dhe 600Euro qe sjan kethyer akoma dhe sot

      Lini një Përgjigje