Te fundit
Hapet tregu i gjelave të detit në Baldushk, Veliaj: Më i miri për festat! Konsumoni produktet lokale për të ndihmuar familjet e zonës
22 Dhjetor 2024, 10:10Sociale
TEMA
Ashtu siç është bërë traditë për festat e fundvitit, kreu i Bashkisë së Tiranës, Erion Veliaj vizitoi tregun e gjelave në Baldushk, një zonë e njohur për rritjen e tyre. Ai ftoi qytetarët e Tiranës, por edhe strukturat akomoduese, si hotele, bujtina etj., që ta blejnë gjelin e detit në Baldushk, si mënyrë për të kontribuar në ekonominë e zonës.
“Kur blen një produkt të prodhuar në fshatin tonë, ke kontribuar në familjen e fshatit tonë. Kjo do të thotë se ke kontribuar, që këta fëmijë të blejnë librat e shkollës, rrobat e tyre, që të ndjekin një kurs pas mësimit, të merren me aktivitete kulturor, ndaj i ftoj të gjithë ta shohin si një mision për të siguruar mirëqenie në këtë komunitet, për të ndihmuar djemtë e vajzat, burrat e gratë, që punojnë tërë jetën dhe tërë vitin me këtë produkt, që është një krenari për Tiranën tonë”, tha Veliaj.
Ai e cilësoi gjelin e detit të Baldushkut, si produkti më i mirë i këtij lloji në Shqipëri e në Ballkan. “Kjo zonë prodhon 30-50 mijë gjela çdo vit, që përkthehet në 3-5 milionë euro të cilat investohen në këtë javë të vetme të festave të fund vitit, në këtë komunitet. Kjo tokë mund të prodhojë ekonomi, mund të prodhojë mirëqenie dhe fakti që shumë prej fermerëve, që deri dje punonin tokat e grekut e italianit, sot punojnë tokën e tye, rrisin gjelat e tyre, kultivojnë fermën e tyre. Do të thotë se mund të bësh prokopi dhe ekonomi edhe këtu në Shqipëri”, tha ai.
Duke vlerësuar fermerët për punën e palodhur në rritjen e gjelave bio, kryebashkiaku u bëri thirrje gjithë qytetarëve që ta blejnë gjelin e detit në Baldushk. “Ju lumshin duart të gjithë fermerëve, të gjithë atyre që merren me dashuri, me bujqësinë dhe fermën e tyre. Është një mundësi e jashtëzakonshme, për të mos e lënë këtë tokë. Kjo tokë mund të prodhojë ekonomi, mund të prodhojë mirëqenie. Ndaj ftoj të gjithë qyettarët e Tiranës, të gjithë lokalet e Tiranës, të gjithë hotelet e Tiranës, bujtinat, të blejnë vetëm gjelat e Baldushkut”, përfundoi Veliaj.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Dakort ti ndihmojme blegtoret, fermeret por edhe ata te ndihmojne shendetin tone, xhepin tone. Shumicen e produkteve (Made in Albania) nuk preferohen ne Europe sepse pesticidet jane perdorur me teprice edhe mishi me injeksione qe nje zot e di c'fare u hedhin.
100 € nje gjel? Sa kile eshte ai dhe sa i bie qe te jete kilja? Perse duhet te vazhdohet me therjet neper shtepija? Eshte bere kontrolli veterinar i ketyre gjelave? Jane te çertifikuar keta shites gjelash? Keto jane pyetjet qe duhet te pergjigjen, perpara se te flitet ashtu kuturu per shitjen e gjelave. Kryetari i Bashkise duhet qe te merret me keto gjera dhe jo me idiotesira.