Te fundit
Marrëveshja për pensionet, ambasadori italian takon protestuesit në Tiranë: Ju jap fjalën që do zgjidhet shumë shpejt
10 Gusht 2023, 12:10Sociale
TEMA
Një grup pensionistësh dolën këtë të enjte në protestë para ambasadës italiane në Tiranë, për të kërkuar njohjen e pensioneve mes Shqipërisë dhe Italisë.
Ata u pritën nga ambasadori italian Fabrizio Bucci, i cili u premtoi se marrëveshja përfundimtare për pensionet mes dy vendeve do të përmbyllet shumë shpejt.
“Nga ana e qeverisë së Italisë është vullneti i plotë për të arritur këtë marrëveshje. Vitin e shkuar kemi arritur në marrëveshje që praktikisht është drejt fundit. Jemi në stadet e fundit.
Mungojnë detaje formale… Ne jemi të angazhuar për të arritur këtë marrëveshje. E di që keni shumë vite që e prisni, ju lutem vetëm të prisni edhe pak. Kemi një angazhim maksimal nga ana jonë, por dhe nga ana ime personalisht”, tha mes të tjerash Bucci.
Shqipëria ka marrëveshje për pensionet me disa vende, por ende jo me Italinë. Marrëveshja për pensionet nënkupton që qytetarët të cilët jetojnë dhe punojnë në një vend tjetër, e që përpara se të iknin në këtë vend kanë pasur kontribute edhe Shqipëri, këto kontribute mblidhen duke bërë të mundur që të marrin pension në të dyja vendet.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Asnje nuk do te marre Pension ne te ardhmen. Harrojeni. Do merrni nje portofol elektronik ne celular dhe do ju hedhin ca lemoshe ne forme elektronike paraje te quajtur CBDC. Keto para bile do vijne me kufizime pa limit, se ku, perse dhe kur do ti shpenzoni. Vazhdoni flini gjume dhe paguani kontribute. Jeni skllever te mire e te bindur.