Një inxhinier kolonjar në Melbourne, Sezar Jakupi rrëfen një shekull emigracioni shqiptar në Australi (VIDEO)

Elita shqiptare, nga gjyqtarë në Gjykatën Supreme te doktorë, kirurgë të famshëm, dekanë në universitetet më të mira, inxhinierë, etj. dëshmon imazhin pozitiv të diasporës shqiptare në Australi.

Naum Konxha ishte i pari shqiptar që shkoi në Australi në vitin 1884. Në një aktivitet të komunitetit shqiptar në Australi, institucioni i arkivës së shtetit austrlaian i dhuroi shqiptarëve një document, certifikatë të shqiptarit të parë që kishte mbërritur atje, bashkë me historinë se si ai ia kishte dalë të regjistrohej si shqiptar edhe pse dokumentet identifikuese të tij ishin të Perandorisë Osmane. Disa vite më vonë, një emër shumë i rëndësishëm i elitës së Australisë, inxhinier Zihni Buzo, do të shtronte me dinjitet rrugën e emigracionit shqiptar në Australi për të mbetur edhe sot ndër komunitetet me imazhin më pozitiv atje. Zihni Buzo ishte një inxhinier shqiptar që ka lënë gjurmë të rëndësishme inxhinierike në veprat më të rëndësishme në Australi. Me kalimin e viteve të tjerë shqiptarë emigruan drejt Australisë për të mbërritur deri sot kur atje jetojnë rreth 33 mijë shqiptarë.

Sezar Jakupi është një ndër ta. Inxhinier i suksesshëm IT në Melbourne dhe drejtues i komunitetit shqiptar në Australi, një ndër anëtarët e Këshillit të Diasporës. Ai rrëfen historinë e emigracionit të familjes së tij në vitet ’50, por edhe të shumë familjeve shqiptare të vendosura në Australi. Jakupi rrëfen me kënaqësi ecurinë e shqiptarëve në Australi si pjesë e rëndësishme e elitave profesionale e intelektuale në shumë fusha. Jakupi rendit emra konkretë shqiptarësh në majën e drejtësisë, të mjekësisë, inxhinierive dhe shumë fushave të tjera. Për ndryshim nga vende të tjera ku imazhi i shqiptarëve në emigrim nuk është edhe aq pozitiv, në Australi, Sezar Jakupi thotë se është komuniteti më i respektuar.

Ai ishte pjesë e samitit të Diasporës dhe çfarë përfiton komuniteti shqiptar i Australisë nga ky samit. Shumë prej problematikave që prej vitesh mbeten nëpër sirtarët diplomatikë, Jakupi beson se kanë marrë rrugën e zgjidhjes në këtë samit.

Në një intervistë për TemA, ai flet për historinë e tij personale, komunitetin shqiptar në Australi dhe rezultatet e samitit të Diasporës

FOTO/ Rama: Rilindet shkolla “22 Tetori” në Berat, laboratorë modernë e kushte bashkëkohore për 500 nxënës

09:30 Sociale 5 komente

Ministria e Shëndetësisë i përgjigjet Korreshit: Spitali i Lushnjës nuk ka mungesë materialesh, funksionon normalisht

17:20 Sociale 2 komente

Zjarri në pallatin pranë QSUT-së - “Po verifikohen materialet”, Sula: Kontrolle do të bëhen në ndërtimet në gjithë vendin

17:10 Sociale 2 komente

Samiti i Diasporës - Drejtoresha e QSUT-së flet për kthimin pas 17 vitesh në Kanada dhe falenderon stafin mjekësor

15:40 Sociale 17 komente

Transformohet shkolla “Kolë Jakova” në zonën e Bregut të Lumit, gati për të mirëpritur 500 fëmijë

15:32 Sociale

Zjarri në pallatin te “Farmacia 10”, Bashkia e Tiranës: Janë mobilizuar të gjitha strukturat, dëmshpërblim për orenditë dhe pajisjet

15:13 Sociale 1 koment

“Nuk dispononte as sistem alarmi” - Zjarri në pallatin 12-katësh, kreu i zjarrfikëses: Problemi është edhe urbanistik, s’kishim akses nga të dyja anët e rrugës

12:00 Sociale 9 komente

Djegia e pallatit, Shabani: Zbuloi se institucionet janë të papërgatitura. Task Forcë për sigurinë e banesave në kryeqytet

10:25 Sociale 2 komente

Nga Savra në “America’s Best Doctor”: rrugëtimi i jashtëzakonshëm i neurokirurgut shqiptar Gentian Toshkezi (VIDEO)

16:35 Sociale 6 komente

Këshilltari i PS: Transporti publik t’i kalojë shtetit, e patolerueshme që lanë njerëzit rrugëve

13:20 Sociale 8 komente