Nufi: Investimet në burimet njerëzore dhe infrastrukturë kanë përmirësuar menaxhimin e zjarreve

Ministri i Mbrojtjes, Ermal Nufi, ishte i pranishëm në takimin e zhvilluar në Bazën Ajrore të Farkës me zjarrfikësit dhe trupat e Emergjencave Civile, ku u diskutua mbi gatishmërinë për përballimin e rritjes së pritshme të temperaturave dhe, si pasojë, të rrezikut për zjarre.

Gjatë fjalës së tij, ministri e cilësoi këtë vit si një nga më të suksesshmit në menaxhimin e zjarreve, duke theksuar se ky rezultat është fryt i investimeve të vazhdueshme në burimet njerëzore dhe infrastrukturën e mbrojtjes civile.

“Jemi duke jetuar një ndër vitet më të mira të përballimit të zjarreve. Kjo nuk është rastësi apo fat, por rezultat i një menaxhimi të mirë të situatës dhe i përgatitjes paraprake për përballjen me këtë fenomen. Sezoni i kaluar vuri në provë të gjitha strukturat tona. Mirënjohje për secilin efektiv që ka kontribuar dhe vazhdon të kontribuojë në këtë sektor”, tha Nufi.

Ministri theksoi se qeveria ka rritur financimin për mbrojtjen civile, duke e çuar atë nga 800 milionë lekë në 1 miliard lekë për bashkitë.

“Në planifikimin tonë, investimet kanë qenë të vazhdueshme. Kësisoj, financimi për mbrojtjen civile është rritur nga 800 milionë lekë në 1 miliard lekë për bashkitë. Nga 1 qershori deri më 24 korrik janë regjistruar 22 vatra zjarri dhe janë mobilizuar 1,120 forca operacionale”, u shpreh ministri.

Sipas Nufit, investimet në kapacitetet njerëzore dhe logjistike kanë forcuar aftësinë e strukturave të mbrojtjes civile për të parandaluar dhe përballuar situatat e krijuara nga zjarret.

Demo: Po forcojmë kapacitetet e mbrojtjes civile për përballimin e zjarreve dhe emergjencave

15:50 Sociale

Raporti i AKM: Përmbytjet dhe thatësirat, faturë qindra milionëshe për bujqësinë shqiptare

15:20 Sociale

“Me 3 milionë ndërveprime në e-Albania” / Rama zbulon historinë dhe punën teknologjike pas “Diellës”

12:20 Sociale 8 komente

Protesta e doganierëve grekë pezullon përkohësisht lëvizjen në Kapshticë, cilat janë oraret kur kufiri do të qëndrojë i mbyllur?

09:00 Sociale

Maturantët nisin sot aplikimet për universitetet, gjashtë ditë afat për plotësimin e formularit A2

08:10 Sociale

Nis të hënën aplikimi për në universitet, maturantët përzgjedhin programet e preferuara të studimit

13:15 Sociale

Reforma territoriale, banorët e Prrenjasit kundërshtojnë bashkimin me Librazhdin

11:15 Sociale

Kapshtica mbyllet për 5 orë të hënën, greva në doganën greke pezullon lëvizjen e automjeteve

10:55 Sociale

FOTO/ Zbulohet një zgavër 70 metra e thellë në Parkun e Llogarasë, ja çfarë u gjet brenda saj

10:05 Sociale 6 komente

Zjarret në Tiranë, Goxhaj apel për kujdes me bombolat e gazit: Parkimet pa kriter pengojnë ndërhyrjet e zjarrfikësve

09:35 Sociale 1 koment