Te fundit
Rrëfimi tronditës i Adrianës: Djemtë dhe bashkëshorti u mbytën në liqen Morgu na kërkoi lekë për trupat!
17 Nëntor 2023, 15:30Sociale
TEMA
Adriana Zogu jeton sot mes dhimbjes për humbjen e familjes së saj, dy djemve dhe bashkëshortit që u mbytën në liqenin e Banjës, dhe dyshimeve se përse ngjarja nuk po hetohet.
Burri dhe fëmijët e saj u mbytën në 21 korrik në liqen, në qytetin e Gramshit. Ajo ka vendosur të thyejë heshtjen pas tragjedisë që pllakosi familjen e saj, duke folur në emisionin “Shqipëria live”.
Askush nga ne nuk e dinte se kishte gropa, u shpreh Adriana, që tregon se nuk ka asnjë paralajmërim për rrezikun në liqen.
“Aty laheshin dhe të tjerë, por dinin not. Kam parë që lahen njerëz. Edhe pas ngjarjes, janë larë. Aty ishte cekët, ata e dinin që uji ishte i pakët. Nuk e dinim për gropat. Nuk është dhënë kurrë një njoftim që liqeni ka gropa”.
Për një tabelë, m’u shua familja, rrëfen mes lotëve Adriana.
“Po ta kishim dëgjuar, kush është ai prind që do të rrezikonte fëmijën. Dija që bashkëshorti dinte not. Dija që një djalë dhe burrin e kisha gjallë. Më ra bota kur mora vesh që vdiqën të tre”.
Tragjedia për Adrianën ishte edhe më e rëndë, kur morgu i qytetit i kërkoi para për të tërhequr trupat e pajetë të burrit, fëmijëve dhe kushëririt të tyre. Më vranë për së dyti, u shpreh ajo.
“Kur më kërkuan lekët në morg, më vranë për së dyti. Punonjësi i agjencisë funerale na tha që trupat nuk m’i japin nëse nuk jap lekë”.
Nazmiu, familjar i Adrianës, tregoi se ka paguar 50 mijë lekë për të marrë trupat e pajetë nga morgu.
“Kam çuar trupat atë natë në morg. Ditën e dytë, mjeku më kërkoi lekë. Më ka marrë 500 mijë lekë. Më tha duhen kaq lekë që të tërheqim trupat. Varrimin e kryem pastaj në orën 5. Askush nuk na ka ardhur në shtëpi të na pyesë. Bashkia mori përsipër vetëm varrimin e tyre”.
Avokati Kujtim Cakrani, i ftuar në studio, u shpreh se çështja e mbytjes së katër personave është mbyllur dhe nuk është bërë asnjë hetim për të bërë zbardhjen e plotë dhe të hetuar se përse nuk ka asnjë tabelë në hidrocentral.
“Nuk ka pasur tabela, as gardh rrethues. Asnjë paralajmërim. Familjarët kërkojnë një hetim. Do bëjmë kërkesë që të rihapet dosja, duhet hetuar. Prokuroria të kërkojë llogari pse nuk ka tabela”.
“Shkova për informacion para ca ditësh, më thanë se pasi ka dalë ekspertiza, dosja është mbyllur. Nuk e ka marrë përsipër asnjë prokuror”, tha Adriana.
Për këtë arsye, familja Zogu do të hapë edhe një proces gjyqësor ndaj hidrocentralit, pasi nuk kishte vendosur as një tabelë dhe pretendohet se nuk kishte asnjë njoftim për praninë e gropave vrasëse. Ata shpresojnë që një rast i ngjashëm si ai që përjetuan vetë, mos t’i ndodhë më askujt në të ardhmen.
Tragjedia në liqenin e Banjës
Ngjarja tragjike ndodhi në Gramsh, aty ku katër anëtarë të familjes Zogu u mbytën në liqenin e Hidrocentralit të Banjës. Gazment Zogu, 46-vjeç, dy djemtë e tij 14 dhe 19-vjeç si dhe nipi 20-vjeçar Melis Zogu të gjithë nga fshati Cingar, u gjetën nga kontrollet e polumbarëve të RENEA-s dhe banorëve të fshatit.
Sipas deklarimeve të dhëna nga ana e familjarëve ata kishin ndaluar në fshatin Drizë dhe u futën në liqen për t’u larë, për të mos dalë më të gjallë.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk ke çtë shkruash për kete tragjedi! Fjalet janë te teperta! Ngushellimet do te tingellonin pa kuptim! Heshtje ne respekt te dhimbjes se kesaj nene! Por nje klithme, ulerime te vjen ne gryke. Kujt iu hap goja te kerkonte leke per kete tragjedi?!! Kujt prrbindeshi?!! A kane turp, a kane shpirt keta njerez, a kane zemer? Sa i perket shtetit. Edhe pse vdesin njerez, shteti yne nuk merret me pasojat. Ose merret 3 dite. Pastaj kthehet çdo gje si ishte…Rrumpalle! Ai duhet ta kishte rrethuar ate vend, ose te detyronte hidrocentralin ta bente? Po jo, edhe sot pas tragjedise ku humben jeten 4 jete ne lule te rinise e femijerise, shqipetare, asgje! Merremi me refugjatet qe po mundojne italine nderkohe!!! Oh si skam nje grusht te fort, ti bie nj’kti malit qe spo bzan…!
Dhimbja eshte e jashtezakonshme per nje nene qe ka humbur dy djem dhe burrin. Por avokatet shushunja i mesojne si te kapin nonj lek nga HC Banje pse nuk ka vene tabele qe liqeni ka gropa. Idiotesi Avokati me siguri kerkon te marri gjysmen e lekeve vete
Cfare dhembje madhe,po si mundet qe njekohesisht mendjen tek parate
Mendoj se eshte ngjarje shume e hidhur por ne lidhje me funeral home qe ka kerkuar leke duhet ta kuptojme qe nuk jemi me ne socializem por jemi ne ekonimine e tregut ku edhe funeral home duhet te luftoj te qendroj ne bussines dhe nuk ka asnje faj ne kete mes. Besoj se funeral home jan private por edhe po qene shteterore patjeter duhet te paguajme se per ndryshe me cfare fondesh do bejne punen e tyre