Te fundit
Sala me studentët e mjekësisë: IA, një aleat i ri në diagnostikë
22 Maj 2026, 10:21Sociale
TEMA
Ministrja e Shëndetësisë dhe Mirëqenies Sociale, Evis Sala, gjatë një leksioni të hapur me studentë dhe profesionistë të mjekësisë, ndau qasje bashkëkohore mbi rolin e Inteligjencës Artificiale në transformimin e diagnostikës, duke theksuar rëndësinë e përvetësimit të këtyre inovacioneve nga brezi i ri i profesionistëve të shëndetësisë.
Gjatë bashkëbisedimit, ministrja Sala solli një panoramë të evoluimit të diagnostikës ndër vite, duke ndarë me mjekët e rinj edhe eksperiencën e saj profesionale dhe akademike, të zhvilluar në strukturat më prestigjioze mjekësore si Kembrixh, Nju Jork, Itali, etj. në diasgnotikimin e sëmundjeve onkologjike.
Ajo inkurajoi studentët të përqafojnë inovacionin dhe të bëhen pjesë aktive e zhvillimeve të reja në mjekësi, duke theksuar se profesionistët e rinj do të kenë një rol kyç në ndërtimin e një sistemi shëndetësor më modern, më efikas dhe të orientuar drejt teknologjisë.
“IA nuk do zëvendësojë radiologët, por do zëvendësojë ata që nuk e përdorin atë”, u shpreh ministrja Sala.
Në fokus të leksionit ishin risitë më të fundit në diagnostikë dhe mënyra se si Inteligjenca Artificiale po ndikon në rritjen e saktësisë së diagnozave, analizimin më të shpejtë të të dhënave mjekësore dhe mbështetjen e vendimmarrjes klinike.
Gjithashtu, Ministrja Sala theksoi rëndësinë e implementimit të këtyre teknologjive në sistemin shëndetësor shqiptar, si pjesë e procesit të modernizimit dhe digjitalizimit të shërbimeve shëndetësore.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po kjo eshte ministre apo pedagoge???!!!!! Ndaj eshte faqe zeze sherbimi ndaj klientve se kjo meret me leksione ska kohe me u mor dhe me shendetin e njerzis. Kush e di sa bordero firmos kjo e pangopmja.
Sala, kjo zegjine e mjekesise, funksionon si nje patronazhiste e Rames. Nuk i intereson asgje, vec karriges.
Z.Ministre suksese për detyrën e rëndësishme.Në dt.04.06.2026 operohem te urologjia Spitali shtetëror po ke mirësin hajde shiko konkretisht.Rrespekt S.Kasi