Shqiptarët “braktisin” Britaninë, bie ndjeshëm numri i azilkërkuesve

25 Maj 2023, 17:42Sociale TEMA

Shqiptarët “braktisin” Britaninë, bie ndjeshëm numri

Parlamenti britanik është përfshirë të enjten nga debatet mbi çështjen e emigracionit. Kryeministri Rishi Sunak ka deklaruar se emigracioni në Mbretërinë e Bashkuar është shumë i lartë, ndërsa opozita laburistë ka akuzuar qeverinë se nuk ka një plan konkret për t’u përballur me fenomenin.

Këtë herë jashtë debateve duket se kanë qenë emigrantët shqiptarë, pasi në vend të parë për vitin 2022 rezultojnë emigrantët nga Ukraina, rreth 114 mijë dhe më pas ata nga Hong Kongu, rreth 52 mijë, të cilët kanë përfituar nga programi i lehtësimit të vizave, pas dorës së hekurt të ushtruar nga qeveria kineze ndaj të drejtave të njeriut.

Ndërkohë, afganët përbënë pjesën dërrmuese të azilkërkuesve të ardhur me varka të vogla në tre muajt e parë të vitit.

Sipas të dhënave të publikuara nga Ministria e Brendshme britanike, nga rreth 3 mijë e 800 personat që mbërritën në bregdetin e lokalitetit të Kentit, thuajse 900 ishin afganë.

Kombësia e dytë më e madhe në shifra ishte ajo e indianëve, rreth 670, të ndjekur nga iranianët, irakenët dhe sirianët.

Sa u takon shqiptarëve, kalimi përmes kanalit të La Manshit thuajse është ndalur. Pas më shumë se 12 mijë të ardhur në 2022-shin, vetëm 28 arritën të kalonin nga muaji janar deri në mars të këtij viti.

Në tërësi, numri i emigrantëve që hynë në Mbretërinë e Bashkuar gjatë vitit të kaluar arriti në 606 mijë njësi. Bëhet fjalë për një shifër rekord për një vit, që megjithatë është më e ulët nga sa parashikohej.

Ndërkohë, sa u takon atyre që kanë aplikuar për azil, numri është rritur në 172 mijë e 700 raste.

3 Komente

  1. E
    Emigranti

    Si kshu u rregullua shqiperia? Para 3 muajsh na cane trapin po iken rinia me gomone nga rregjimi diktatori Rama.

    1. T
      Toni

      Vahdojne te ikin or loqe, po ikin me kamione tani.Ramen e Berishen ti gezoni ju qe jetoni ne Shqiperi se i meritoni.

      1. X
        Xham Ajka

        Mos, Toni! Na dhjeve. Pse, shpetove ti? Me keto mend qe ke ti, shpetuan shqipetaret prej teje. Po pse na erdhe ketej ku jemi ne? Të kishe shkuar ne Afganistan, se ti Taleban je. Do ishe tamam ne vendin tend.

    Lini një Përgjigje