Te fundit
Veliaj në shkollën e re “Xhezmi Delli” në njësinë 3: Nuk i heqim emrat e dëshmorëve!
9 Shkurt 2023, 19:12Sociale
TEMA
Kryetari i Bashkisë së Tiranës, Erion Veliaj inspektoi punimet në shkollën 9-vjeçare “Xhezmi Delli”, e cila po rindërtohet më e fortë dhe më cilësore se ç’ishte më parë. Veliaj tha se shkolla do jetë gati për të mirëpritur nxënësit në vitin e ri shkollor.
“Për Njësinë 3, por sidomos për të gjithë prindërit që i çojnë fëmijët në shkollën “Xhezmi Delli”, kjo është një ditë e bukur. Siç e shikoni, kantieri ka filluar. E di që prindërit e kanë pritur prej vitesh këtë. Ne i kemi ndarë shkollat në dy lote: Ka qenë një lot i Bashkisë së Tiranës dhe loti tjetër me donatorët, si PNUD dhe Bashkimi Evropian. Ndërtimi i kësaj shkolle na erdhi e dhuruar me një paketë shkollash të tjera, si “Besnik Sykja”, “Asim Vokshi” dhe “Emin Duraku”. Për shkak të procedurave të Bashkimit Evropian dhe PNUD, ndërtimi i tyre mori pak më shumë kohë”, u shpreh Veliaj.
Kryebashkiaku i cilësoi si ‘sport’ reagimet e opozitës për çështjen e rrugës “4 Shkurti”, e cila u emërtua si “Dëshmorët e 4 Shkurtit”, në përkujtim të viktimave të masakrës së 1944.
“Xhezmi Delli është një emër dëshmori, Hero i Popullit, dhe për të gjithë ata që sa herë vjen fushata, sa herë fillojnë këto muhabetet politike, kujtohen se duhet të heqin emrat e dëshmorëve. Emri i Xhezmi Dellit nuk do të hiqet, emri “Dëshmorët e 4 Shkurtit” nuk do të hiqet, Emin Duraku nuk do të hiqet, Asim Vokshi nuk do të hiqet, as emri i Avni Rustemit e kështu me radhë. Ky është një vend që vërtet politikën e ka sport, por çdo gjë me masë. Edhe në një sport, edhe në një ndeshje, edhe fanatiku më i madh, nuk e dhunon tjetrin e palës kundërshtare”, sqaroi Veliaj.
Ai tha se Tirana është një qytet që i ka respektuar të gjithë dhe se rruga “Ibrahim Rrugova”, jo vetëm që nuk është shkurtuar, por është zgjatur deri te Diga e Liqenit.
“Më vjen mirë që u sqarua edhe çështja e rr. “Ibrahim Rugova”, e cila jo vetëm nuk është shkurtuar, por është zgjatur. Shkon përtej ish-Gardës ku bashkohet me “Rrugën e Kosovarëve” te Diga e Liqenit. Unë besoj se një qytet i mirë, ka vend për të respektuar të gjithë. Siç kemi respektuar ish-shkollën time, “Kosova”, “Rrugën e Kosovarëve”, sheshin “Adem Jashari”, siç shpallën Qytetar Nderi Adem Demaçin përpara se të largohej nga jeta, ashtu do të nderojmë edhe me një shtatore të Ibrahim Rugovës në Tiranë, aty ku rruga që mban emrin e tij zgjatet dhe bashkohet me Parkun e Liqenit. Pra, këtu po të kesh zemrën e madhe dhe po të kesh një mendje të hapur, ke mundësi t’i respektosh të gjithë. Po të kërkosh një sebep për përçarje, për sherr, sigurisht edhe këtë e gjen”, përfundoi Veliaj.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O Lalo... emrat hiqen per veprimtari kriminale qe kane vrare si terrorista (atentator.. ase pa gjyq)....po keshtu dhe per te tjere qe kane qene sigurimsa :eprorë.. operativa..bashkepunetore dhe te tille ka... duhen ndryshuar Kjo vlene dhe per emrat e shkollave
Bir selmon i nones cte te qaj me pare.....Xhezmi emrin e Dell mbiemrin!!!! Me ngjan me teqe turku e jo skolio per te mesu grammata..... Se cfare do te mesojne keta nxenes ne kete teqe!? nje allah e di......"autochthonous"!!
Po mire e ke o kryetar, sillni cfaredo emri qe kini mundesi, pi shiko se po vute emra shqiptare, sidomos prej atyre qe mesjeten e kthyen permbys, e keni keq punen. Jeni cuna te mire, por frikacake ne kete drejtim. Po me te mire se ju nuk ka, beni si te doni, s'kemi nga t'ia mbajme
Ndertoni dhe nje shtatore te dajos se Rugoves, aman se zagollin e kemi ne hyrje, geraldinen ne dalje, kryetarin e ballisteve tek liqeni, deshmoret i varrosem prape dhe ne vorreza te tyre jane kriminelat tani, pirdheni ate Shqiperi se u ka ardhe ne dore e do u ikij ndonje dite; te pakten ti gezoni tradhetaret ca kohe se do vdesin perveç dobiçit sheqeres.
Kur nderohen dëshmorët e atdheut tonë, të gjithë krenohen. Por nuk na vjen mirë kur krahas dëshmorit tonë nderohet një tjetër emër siç ishte rasti me përmendoren e Ibrahim Rugovës, ashtu sikur bëtë me mbretin zog dhe gruan e tijë, ku pa lidhje fare, emërton sheshe e rrugë për reputacion.