Te fundit
“Garë” e fortë për numrin 9, Broja dhe Manaj duan fanellën e bomberit
19 Mars 2024, 09:31Sport
TEMA
Kombëtarja shqiptare ka nisur zyrtarisht përgatitjet për dy ndeshjet miqësore ndaj Kilit dhe Suedisë, të cilat do të luhen më 22 dhe 25 mars në Parma e Stokholm.
FSHF publikoi listën me 26 lojtarë që trajneri Sylvinho kishte përzgjedhur për këto dy paraqitje të para të vitit 2024. Braziliani thërriti plot 9 sulmues dhe Arbër Hoxha është debutuesi i cili do të veshë fanellën kuqezi për herë të parë në karrierë, ndërsa u lanë jashtë Mirlind Daku e Arbnor Muja.
Emra të bujshëm si Armando Broja, Jasir Asani, Ernest Muçi apo rikthimi i Rey Manajt e bëjnë repartin ofensiv të Shqipërisë një vullkan të vërtetë. Shumë sulmues që garantojnë gola dhe janë gati të marrin përsipër rolin e bomberit.
Ende nuk janë bërë të ditura numrat që do të mbajnë lojtarët në fanellë, por me kaq shumë sulmues, e sigurtë është që gara më e fortë bëhet për fanellën me numrin 9. Në kualifikuese e ka mbajtur Jasir Asani, në mungesë të Armando Brojës dhe Rey Manaj.
Mbetet të shihet se cili do të jetë numri 9 i Shqipërisë.
Më të lexuarat
24 oret e fundit
Javen e fundit
Blog Tema
Lini një Përgjigje