Kupa Shqipërisë: Kukësi “prek” finalen, zhgënjen Tirana. Një supergol i jep fitoren Egnatias, Vllaznia e mbyll me nëntë lojtarë

3 Prill 2024, 17:06Sport TEMA
Kupa Shqipërisë: Kukësi “prek” finalen, zhgënjen

Kukësi triumfoi ndaj Tiranës me rezultatin 2-0, në ndeshjen e parë në gjysmëfinalen e Kupës së Shqipërisë.

Fitore e rëndësishme për verilindorët, që hedhin një hap drejt kualifikimit në finale.

Sfida u zhbllokua nga Mingos në minutën e 19-të, me mesfushorin që përfitoi nga një gabim në mbrojtjen e bardhebluve.

E njëjta situatë edhe në minutën e 59-të, kur përfiton Solodovnicov, për të shënuar të dytin.

Për Tiranën bëhet gjithçka e vështirë, ndërsa do të kërkojë përmbysjen në ndeshjen e kthimit pas 3 javësh.  

Egnatia fitoi minimalisht në ndeshjen e parë në gjysmëfinalen e Kupës së Shqipërisë, ndaj Vllaznisë.

Një supergol i shënuar nga Fernando Medeiro në minutën e 31-të, i dha triumfin skuadrës rrogozhinase.

 

Vllaznia në krahun tjetër, e mbylli ndeshjen me nëntë lojtarë. Stojanovic u ndëshkua me të kuq në minutën e 37-të, ndërsa të njëjtin fat kishte edhe Hakaj në minutën e 79-të.

Një rezultat që lë kualifikimin të hapur për ndeshjen e kthimit që do të luhet në Shkodër më 24 prill.

Lini një Përgjigje