Te fundit
Miqësoret ndaj Kilit dhe Suedisë: Trajneri Silvinjo publikon listën me emrat e 26 lojtarëve të ftuar!
15 Mars 2024, 12:09Sport
TEMA
Kombëtarja shqiptare do të luajë dy takime miqësore ndaj Kilit (22 mars) dhe Suedisë (25 mars). Përgatitjet për këto dy ndeshje do të nisin të hënë më 18 mars, teksa trajneri Silvinjo ka publikuar sot edhe listën me plot 26 lojtarë të grumbulluar.
Përsa i përket portës janë të njëjtët futbollistë, Etrit Berisha, Thomas Strakosha dhe Elhan Kastrati. Në mbrojtje rikthehet Marash Kumbulla, i cili ka lënë pas dëmtimin e rëndë dhe gradualisht po merr minuta me klubin e tij Sassuolo. Emrat e tjerë që përbëjnë repartin e prapavijës janë Berat Gjimshiti, Elseid Hysaj, Ivan Balliu, Enea Mihaj, Federic Veseli, Jon Mersinaj, Mario Mitaj dhe Naser Aliji.
Ashtu si në portë edhe në mesfushë janë të njëjtët lojtarë Ylber Ramadani, Kristjan Asllani, Qazim Laçi, Keidi Bare dhe Nedim Bajrami. Ndërsa në repartin e sulmit ka risi por edhe rikthime. Trajneri Silvinjo ka vendosur të thërrasë për herë të parë në Kombëtare sulmuesin Arbër Hoxha, i cili aktivizohet me Dinamo Zagreb në Kroaci.
Në Kombëtare rikthehet edhe Rey Manaj, i cili po zhvillon një sezon shumë të mirë me klubin e tij në Turqi. Pjesa tjetër e lojtarëve që përbëjnë repartin e avancuar janë Taulant Seferi, Myrto Uzuni, Ernest Muçi, Jasir Asani, Arbnor Muçolli, Sokol Cikalleshi dhe Armando Broja.
Trajneri Silvinjo do të dalë në një konferencë për mediat nesër (16 mars, ora 11:00 në Shtëpinë e Futbollit) për të folur në lidhje me listën dhe dy ndeshjet miqësore të Shqipërisë ndaj Kilit dhe Suedisë.
Grumbullimi i lojtarëve do të nisë që të dielën në Tiranë me futbollistët që do të përfundojnë më herët impenjimet me skuadrat e tyre, ndërsa grupi i lojtarëve do të jetë i plotë të hënën më datë 18 mars. Seancat stërvitore do të zhvillohen në “Shtëpinë e Futbollit”, ndërsa të enjten kuqezinjtë do të udhëtojnë drejt Parmës, aty ky më 22 mars do të luhet edhe ndeshja e parë miqësore ndaj Kilit në stadiumin “Ennio Tardini”, duke nisur nga ora 20:45.
Pas sfidës me Kilit, Kombëtarja do të luajë një tjetër përballje miqësore me Suedinë. Kjo ndeshje do të zhvillohet më 25 mars në stadiumin “Friends Arena“ të Stokholmit në Suedi, në ora 19:00.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Sylvinjo kujton se eshte trajner i Brazilit. Ka marre me shume sulmues sesa mesfushore apo mbrojtes. Lere sulmin po forco mbrojtjen dhe porten se keto 2 reparte so kene pune me ate grup qe na ka rene ne Europian. Sulmuesit shume pak topa do prekin. Bej ndonje skeme 6-3-1 qe te mos turperohemi me goleada.
1-10-0 si n kohe te De Biazit
Eshte tamam Trajneri qe i duhej Shqipnise.Gjazulen e kam pa ne Kampionatin Gjerman,luan Qender Mbrojtes,por Mosha 34 vjec ben te veten,eshte i Mbarum. Daku me pelqen,por Trajneri e di,kurse Muja nuk eshte per Kombetare,shume i lehte si lojtar,leviz gabim ne fushe.Per Ajetin me vjen keq,mendoj se eshte shume here me i mire se Kumbulla.Megjithat nuk kuptoj pse duhet akoma Cikalleshi(ka bere gla ne Turqi,por 75 perqind e golave jane nga Penalltia,me duket si Kale Plak.Derisa ka marre Brojen,Manay,Seferin dhe Uzunin,te cilet jane Qendra pse duhet akoma Cika.Megjithate Urime Shqiperise nga Canadaja.