Te fundit
Sulmuesi shqiptar: Mungesa në Europian më ndikoi mendërisht, shpresoj të shohin çfarë po bëj tani
11 Nëntor 2024, 17:48Sport
TEMA
Anis Mehmeti po spikat me Bristol Siti në “Championship” këtë sezon. 23-vjeçari ka shënuar 4 gola në 14 ndeshje duke kontribuar drejtpërdrejt në pikët e fituara për skuadrën e tij.
Ftesa për të mungon prej më shumë se një vit te Kombëtarja e Shqipërisë. Mehmeti ka folur për mediat në Bristol të Anglisë duke treguar ndikimin që ka pasur mungesa e ftesës në Europianin e Gjermanisë.
“Nuk shkova në Europian dhe më ndikoi mendërisht sepse mendova që do shkoja dhe ndërkohë nuk jam thërritur as këto kohë. Por nuk mund të ndikoj te kjo. Gjithçka që mund të bëj është të mundohem që të shënoj dhe të luaj siç di”, u shpreh fillimisht Mehmeti.
“Sigurisht. Është ëndrra ime dhe e familjes sime që të përfaqësoj vendin tim, por ato nuk e kanë gjykuar këtë gjë për momentin. Thjesht më motivon për të punuar më shumë dhe t’u tregoj çfarë po humbin. Shpresoj që po e shohin”, tha më pas Mehmeti i pyetur nëse pret ftesën në të ardhmen.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
PAC shëndet, or djalosh arbnor. Durim dhe djersë. Dita e shkëlqimit në kombëtaren kuq e zi do na gëzojë edhe neve. Gjitha të mirat dhe mirë se NA vjen në zdritjen KUQ e ZI!
Super talent je dhe une se kuptoj perse nuk je pjese e kombetares une jam nje pike uji por te adhuroj Anis Mehmeti!