Hetimi i zgjedhjeve, PD premton votën pro më 23 dhjetor

Shansi i fundit që mazhoranca dhe opozita të gjejnë gjuhën e përbashkët për të ngritur komisionin hetimor për zgjedhjet e qershorit 2099 do të jetë data 23 dhjetor, vetëm një ditë para Krishtlindjeve. Mazhoranca ka deklaruar se vota e saj do të jetë pro ngritjes së komisionit, por deputetët socialistë shfaqën skepticizëm në mbajtjen e fjalës nga ana e mazhorancës. Të dy palët kanë rënë dakord me modalitetet ligjore megjithëse do të jetë komisioni i Ligjeve ai që do të shqyrtojë kërkesën e PS-së për ngritjen e komisionit. Votimi për të caktuar datën 23 si datë për ngritjen e komisionit hetimor nxori dhe pakënaqësi brenda grupit të PS-së. Dashamir Peza, Saimir Tahiri dhe Bashkim Fino votuan kundër datës 23, ndryshe nga pjesa tjetër e partisë së tyre. Ata këmbëngulën që komisioni të ngrihej dje, të mos shtyhej për seancën e fundit të këtij sesioni.  Por Gramoz Ruçi, kryetar i grupit parlamentar socialist, tha se “nëqoftëse do të kishte vullnet politik gjë që ne si opozitë e shikojmë me skepticizëm, megjithatë le të presim deri në atë datë që keni vendosur ju, ne përsëri jemi për këtë datë që s’ka asnjë arsye, kemi humbur shumë kohë për këtë çështje. Në datën 23 mesa duket keni menduar ti mblidhni të gjitha bashkë. Unë jam po kaq i vjetër sa disa nga kolegët tuaj dhe të mitë në këtë sallë. Unë e di që 10 ditëshet e fundit të korrikut dhe 10 ditshin e fundit të dhjetorit maxhoranca juaj në pushtet nuk ka bërë punë të mira në historinë e këtyre 20 vjetëve, ka bërë vetëm punë të këqija. Le të presim edhe datën 23, këtu do jemi, por kjo zvarritje flet qartë për një mungesë të vullnetit politik për të zgjidhur këtë krizë”. Duke e konsideruar si një betejë politike ngritjen e komisionit, nga ana tjetër homologu demokrat i Ruçit, Astrit Patozi tha se “ne dhe vetëm ne duam që kjo kërkesë të miratohet dhe që komisioni të ngrihet. Jo sepse kemi ndërruar mendje për zgjedhjet e 28 qershorit, por duam që ai të ngrihet sepse duam t’ju ç’armatosim, t’ju ç’aktivizojmë, që të mos endeni si një rrezik publik në rrugët e Shqipërisë dhe botës. T’ju heqim alibinë për zgjedhjet që humbët dhe ato që do të humbni gjithashtu”. Por Patozi ka nënvizuar se aktiviteti i komisionit duhet të jetë brenda kornizave kushtetuese. Nga ana tjetër deputetët e Partisë Socialiste kanë reaguar duke e vlerësuar si të pavend shtyrjen e ngritjes së komisionit, duke theksuar se ai mund të miratohej që sot.  “S’ka arsye që ngritja e komisionit të shtyhet për një javë, mund të ngrihet që sot. Por ne do presim pasi zvarritjet tuaja kanë trembur këdo, shqiptarët dhe evropianët. Ju jo vetëm nuk dëgjoni opozitën, por nuk keni pranuar as rezolutën e BE”, është shprehur pas tij deputeti Namik Dokle.

Pavarësisht vullnetit të deklaruar nga ana e mazhorancës Ruçi ka këmbëngulur në skepticizmin e tij duke i kujtuar palës tjetër se ka rrëzuar dy herë të tjera kërkesat e socialistëve për komision hetimor. “Duke u nisur nga precedentët parlamentarë për kërkesat e shtruara në parlament për ngritjen e komisioneve hetimore, nuk ka asnjë pengesë as procedurale, por pengesa është mungesa e vullnetit politik për ta zvarritur dhe këtu do të jemi për ta parë dhe për të lexuar qartë se cili është vullneti politik i munguar një vit e gjysmë. Unë thashë që e shikoj me skepticizëm, le të jetë një ëndërr e keqe, por përsëri nuk shpresoj që ju do të keni vullnet edhe në datën 23”, tha Ruçi.

Gjykata e Tiranës shpall të pafajshëm Rezart Taçin

14:15 Politika

“The Times”: Kosova, shtet i tmerrit

13:45 Politika

Miratohet raporti i Dik Martit, hetim ndërkombëtar për akuzat ndaj Thaçit

11:16 Politika

Raporti: Nuk kishte transplant, por heqje organesh

21:50 Politika

Meta: Vizat, arsyeja e koalicionit me PD-në

21:47 Politika

Berisha: Qytetarja e parë pa vizë, Sheqerja, si nëna ime

21:43 Politika

Shumë qytetarë kthehen në kufi, qeveria festë tjetër me paratë e taksapaguesve

21:41 Politika

Komisioni, PS tjetër kërkesë Kuvendit

21:39 Politika

Berisha: Raporti për Thaçin, totalisht i pabazuar në fakte

17:23 Politika

Albana Vokshi: Policët kosovarë më quajtën ‘idiote të lindur’. Më kërcënuan me jetën e fëmijëve

14:12 Politika