Berisha nis deformimin e zgjedhjeve lokale

Agjencitë e huaja: Berisha po u bën presion kompanive telefonike që të ulin tarifat, që të dalë si mbrojtës i konsumatorit në këtë fushatë. Pesë vite nuk bëri asgjë në këtë drejtim. Berisha premton t’i japë 8 përqind të shtetit çamëve. Terrori i fundit i policisë, në funksion të fushatës

Një faqe në internet që grumbullon analiza ekonomike për mbarë botën, publikon një shkrim të agjencisë kineze Xinhua, që thotë se kryeministri Sali Berisha ka kërcënuar kompanitë telefonike dhe bankat që të ulin tarifat ose do përballen me taksa. Agjencia shkruan se edhe pse ka pesë vite në pushtet, Berisha ka bërë shumë pak në këtë drejtim. Sipas agjencisë, vendi do mbajë zgjedhjet lokale në pak muaj, ndaj Berisha do ta shpallë veten si një mbrojtës i konsumatorëve. Shqipëria, thuhet në analizë, ka 17 përqind më shumë përdorues të telefonisë së lëvizshme se mesatarja evropiane, por tarifat janë dy deri në tre herë më të larta se në vendet e tjera të Ballkanit.

E vërteta është se kryeministri kështu ka nisur fushatën elektorale. Mjeshtër i manipulimeve e deformimeve zgjedhore, ai po mendon për maksimizimin e votave që tani. Tarifat e telefonisë celulare janë një dëshmi për këtë. Edhe pse një kompani e njerëzve pranë Familjes së tij ka marrë licencën për të hyrë në tregun celular në mënyrë të paligjshme, ajo sërish nuk i sjell gjë të re tregut. Qëllimi është që të zhvaten shqiptarët në një treg fitimprurës.

Gjithashtu edhe bankat janë në qendër të sulmit të Berishës.

Por deformimi i zgjedhjeve ka nisur edhe me terrorin që po ushtron policia në shumë qytete të vendit. Në mënyrë të jashtëligjshme policia po kontrollon, po skedon e po terrorizon qytetarët.

Gjithashtu, një provë se këto zgjedhje do të jenë po ashtu problematike është se në media po përflitet për një marrëveshje mes kryeministrit dhe partive çame, që synon tu japë atyre 8 përqind të administratës publike. Çamët e pretendojnë prej kohësh këtë marrëveshje, pasi duan të punësojnë njerëzit e tyre. Shqipëria bëhet kështu një vend ku administrata ndahet me copa e me përqindje. Më përpara Berisha i dha 25 përqind të shtetit Ilir Metës. Këto janë shkelje të hapura të ligjit për nëpunësit civilë e një sërë ligjesh të tjera. Por për kryeministrin kjo ka pak rëndësi. Qëllimi është që vota.

Topalli sulmon progres- raportin e Komisionit Europian: Viti 2010 ka qenë më i bukuri për shqiptarët

16:56 Politika

Rama: Nuk do lejojmë qeverinë të grabisë sërish zgjedhjet

12:29 Politika

Berisha: Kemi parakaluar shumë vende të BE për komunikimin në Facebook

15:02 Politika

Ndërtuesit: Qeveria po na çon drejt falimentimit, s’po na paguan borxhin

17:36 Politika

600 mijë persona rrezikojnë që të mos votojnë

10:36 Politika

Shkëlzen Berisha duhet të sqarojë nëse ka takuar Vojin Lazareviçin!

11:00 Politika

INTERVISTA/ Besnik Mustafaj: Përse e shpërfill Perëndimi Berishën

21:08 Politika

BE: Presidenti i ardhshëm duhet të jetë i gjithë shqiptarëve

15:22 Politika

Regjimi ambasadoro-kratik na është bërë shumë familjar

13:13 Politika

Apeli rrëzon gjobën 400 mijë euro ndaj Top Channel për skandalin "Pango"

12:32 Politika