Rama: U bëj thirrje qytetarëve të demonstrojmë të premten

“Si protestë homazh shpresoj të jetë e fundit, si protestë do jetë vetëm e dyta” Edi Rama

Kryetari i PS deklaroi pak më parë në një intervistë në Neës 24 se nuk ka ndërmend të tërhiqet nga demonstrata homazh e 28 janarit. “Këtu nuk bëhet fjalë për asnjë lloj simetrie e për t’i vënë kapak asnjëlloj shqetësimi. Nuk është opozita që duhet të garantojë qeverinë, por qeveria që duhet të garantojë opozitën në shprehjen e lirë të mos-dakortësisë me qeverinë.

Bëhet fjalë për një demonstratë homazh në kujtim të viktimave të dhunës shtetërore e për të dënuar terrorizmin shtetëror.

Nga ana tjetër bëhet fjalë për një manifestim të dhunës shtetërore kundër opozitës, që qeveria e quan miting kundër dhunës, por që është manifestim nga ata që shpërdoruan pushtetin dhe vranë.

U bëj thirrje gjithë qytetarëve të marrin pjesë në demonstratë pasi ne nuk kultivojmë frikën. Ne do i thërrasim njerëzit të protestojnë paqësisht,” tha Rama.

Kryetari i PS deklaroi se vendi tashmë nuk ështëh nën kontrollin e ligjit dhe Kushtetutës. “Ne kemi një vend që ka dalë jashtë kontrollit të Kushtetutës e ligjit,” tha Rama.

Protesta e 21 janarit

Duke folur për protestën e 21 janarit dhe atë që pritet më 28 janar, Rama tha: “Ne nuk promovojmë dhunën e nuk besojmë tek dhuna. Ne kemi forcën e së drejtës me vete”.

“Do i japim gjithë botës mesazhin se ne jemi një fuqi që e duam atdheun tonë,” vijoi më tej kryetari i PS.

Rama deklaroi se kryeministri po e tensionon më shumë situatën.

“Çfarë pret nga ky kryeministër që thotë se mund të vriten edhe 3 mijë njerëz nëse ka puç shteti,” tha Rama.

Duke folur për përplasjet më 21 janar, Rama tha se protestuesit u provokuan. “Ajo demonstratë nuk degradoi për shkak se demonstruesit ushtruan dhunë,” tha Rama.

Më pas ai ka rrëfyer detaje nga nisja e protestës. “Unë kam qenë me Pandeli Majkon, me Vangjel Dulen duke ecur në bulevard. Dhe në momentin që kemi kaluar urën e bulevardit, kam parë një tension kur isha 300 metra larg kryeministrisë. Ka qenë momenti kur kemi folur për të sistemuar në bulevard masën e madhe të njerëzve që nuk kishin mbërritur në bulevard,” tha Rama.

“Por menëherë nisën të kërcasin bombat lotsjellëse me një lëndë shumë të dëmshme gazi. Nuk ka polici në botë që i hedh vetes bomba me gaz,” vijoi kryetari i PS.

Rama bëri fajtor për vrasjet Ministrin e Brendshëm. “Ministri i Brendshëm ka përgjegjësi direkt për vrasjet e masakrën e ndodhur. Gjendja ka dalë nga normaliteti, por nuk ka shkuar kurrë përtej një proteste spontane. Kemi parë protesta më të dhunshme në vendet demokratike, po ku nuk imagjinohet të shfaqet garda republikane, e cila as nuk ekziston më si forcë, dhe të qëllojë mbi turmën duke gjuajtur kuturu,” tha Rama.

“Kemi biseduar për të qetësuar protestuesit e për t’i tërhequr ata për shkak të reagimit kafshëror. Në momentin që njerëzit tërhiqeshin janë turrur si kafshë njerëz me xhinse e me xhaketa lëkure që nuk ishin parë kurrë të turreshin pas opozitës që nga viti 1996. Njerëz që nga protesta na dolin se ishin në shërbim të Saliut. Këta njerëz u turrën deri tek lokalet përballë,” u shpreh Rama.

Kryetari i PS hodhi akuza dhe mbi një mjek të Spitalit Ushtarak. Ai tha se po të mos ishte video e publikuar në media, që tregonte se vrasja ishte kryer nga shteti, tani gjërat do ishin shumë më ndryshe.

“Një sharlatan në spitalin ushtarak thoshte se janë vrarë nga afër. Sikur të mos kishte dalë dëshmia e Artan Hoxhës, sot do kishim një bisedë tjetër. Do ishim futur në një hulli të tmerrshme. Ajo video ka dëshmuar qartë se çka ndodhur, sa të nesërmen ranë të gjitha alibitë e përdorura. U tha se u vranë se donin të bënin puç. U përdor një rregullore që thoshka se garda paska të drejtë të qëllojë kur preket territori i institucionit,” tha Rama.

Ai deklaroi se nuk e kishte “imagjinuar kurrë se do arrihej në vrasje të tilla”.

“Ata burra e gra kërkonin atë që kërkon sot i gjithë kombi shqiptar”.

Krahasimi me 14 shtatorin

“Si mund të flitet për 113 pjesëtarë të një puci, të arrestuar, të rrahur, të nëpërkëmbur nga policia e shtetit. Vetëm njëri kishte një precedent penal, kishte vjedhur një celular kur ishte i vogël.

Asnjë fishek nuk është shkrehur jashtë gardhit të atij institucioni, të cilin Berisha e ka rrënuar me antitank, me bomba, brenda të cilit ka futur njerëz që kanë shpartalluar gjithçka, e kanë mbushur murin me vrima armësh të qëlluara me urrejtje satanike. E pas gjithë kësaj nuk u vra asnjë njeri,” deklaroi Rama.

“Askush nuk i është ofruar mureve të asaj godine që e përdhos çdo ditë kjo qeveri, të asaj godine që po i merr frymën këtij vendi. Asnjë pushtet që ka ardhur këtu për të ikur nuk e ka bërë këtë. Ky ishte grushti i shtetit që ndodh çdo ditë në atë godinë”.

Rama shprehu solidaritet edhe me policët. “E them me dhimbje e solidaritet të plotë me të gjithë ata policë që me një rrogë që është si lëmoshë se më dhëmbin plagët e atyre policëve njësoj si të demonstruesve,” tha Rama.

“Zëdhënësi i Saliut arrin deri aty sa t’i quajë kokëpalarë protestuesit, pasi gjithë Shqipëria e ka parë sa i larë është para popullit duke grabitur me bllok në dorë.

Ne nuk demonstrojmë me mercenarë. Ne kemi thirrur në demonstratë të gjithë ata që duan ta largojnë këtë qeveri për një të ardhme më të mirë”.

Protesta e ardhshme

“Më ndihmon të përcjell te të gjithë mesazhin e paqes e qetësisë së atij që shkon në këtë demonstratë për të nderuar të vrarët,” tha Rama.

“Thonë që hajduti dhe të vret. Berisha ka frikë si djalli nga temjani nga dita kur do të lërë atë karrige.”

Rama komentoi edhe deklaratat e ambasadorit amerikan dhe Prokurores së Përgjithshme.

“E vlerësoj shprehjen e solidaritetit të ambasadorit amerikan ndaj prokurores së Përgjithshme. Por përtej kësaj unë dua tu shpjegoj se ajo që Saliu kërkon nuk është që të ruajë 6 komandantët, që akuzohen në këtë rast nga Ina Rama. Saliu kërkon të izolojë dhe paralizojë plotësisht prokurorinë e Përgjithshme të Shqipërisë. Berisha i trembet si djalli temjanit verifikimit të videos së zëvendësit të tij,” tha Rama.

“Si protestë homazh shpresoj të jetë e fundit, si protestë do jetë vetëm e dyta.

Do jemi në çdo hapësirë për të dëshmuar rezistencën e për të afirmuar kauzën tonë. Deputetët socialistë do jenë përballë Berishës në Parlament.”

Delegjitimimi i arbitrit përbën Putsch!

15:25 Politika

Ina Rama: Kërkojmë ndihmën e SHBA për hetimet. Ambasadori amerikan: Berisha e Rama të shtyjnë tubimet

15:19 Politika

Berisha: Të përgatitet ushtria!

14:58 Politika

Berisha: Demonstruesit e hodhën flamurin si leckë. Ne do e mbrojmë atë. Protestuesit i ra flamuri kur u godit barbarisht

10:47 Politika

Dhuna nis të japë efekte edhe në ekonomi

09:12 Politika

Kur të mbetet vetëm policia e garda

20:23 Politika

Gazetari: Gardisti më qëlloi me plumb

20:20 Politika

Apeli i bashkëfshatares së Berishës nga Viçidoli: Thirri mendjes sa nuk është vonë

19:19 Politika

Të hetohet si vepër penale me vete, hapja e zjarrit dhe dhuna mbi gazetarët për shkak të detyrës

17:51 Politika

Kryekulla e Ngujimit

17:24 Politika