Berisha: Shpërblim për informatorët e puçit

Kryeministri Sali Berisha është shfaqur disi më i qetë gjatë ditës së djeshme dhe në një mbledhje të qeverisë ka thënë se mbështet hetimin e gjithanshëm për ngjarjen e 21 janarit. Ai duket se u ka premtuar ndërkombëtarëve me të cilët ka pasur takime intensive këto ditë se nuk do të ndërhyjë në punën  e prokurorisë, kreun e së cilës e cilësoi pjesë të grushtit të shtetit, por sërish ka hedhur akuza mbi Ina Ramën. Nga ana tjetër kryeministri ka ofruar shpërblim për ata që sipas tij sjellin informacion për përgatitjen e grushtit të shtetit. “Kam pasur kënaqësinë t’ju faktoj të gjithë bashkëbiseduesve ndërkombëtarë të mi vullnetin tim të plotë për hetim të plotë e të gjithanshëm, t’i garantoj se asnjë anëtar i Gardës së Republikës, polic e zyrtar nuk ka asnjë lloj mbrojtjeje ndaj hetimit jo politik”, tha Berisha duke bërë një tërheqje të vogël nga qëndrimi i mëparshëm.  Më tej ai tha se “do të përcaktohet një fond shpërblimi për çdo dëshmitar e dëshmi të vyer që do të paraqiten e do të jenë të shumtë, për puçin, organizimin, financimin, komandën dhe çdo gjë rreth saj”.  Pasi tregoi për bisedat dhe takimet që kishte pasur këto ditë me përfaqësues të SHBA-së dhe të BE-së Berisha tha më tej se “në këto rrethana, unë e konsiderova të domosdoshme të kërkojmë hetim ndërkombëtar. Qeveria e Shteteve të Bashkuara ishte e para që u përgjigj dhe jam shumë mirënjohës. Garantoj institucionin e hetimit se do të ketë bashkëpunim të plotë të të gjitha agjencive, për të kompletuar transparencën e të gjitha këtyre zhvillimeve”. Por Ina Rama megjithëse nuk u cilësua më si bashkëpunëtore e Edi Ramës mori sërish akuza nga kreu i qeverisë. Ai tha dje se “dua t’i them dy fjalë zyrtares në krye të prokurorisë. E ftoj të vazhdojë hetimin, por se çfarë u thotë shqiptarëve, kur i gënjen publikisht se nuk ka padi për ata që organizuan vënien e zjarrit, ajo qoftë. Dje, dokumenti është bërë publik. Ky dokument duhet t’u jepet të gjitha mediave. Është një akt i hollësishëm padijeje, që përfshin të gjithë organizatorët. Zonja kryeprokurore, për të nderuar veten, u tha shqiptarëve se nuk ekziston një padi e tillë. Askush të mos e marrë si një atak ndaj institucionit, por si një transparencë e domosdoshme ndaj atyre që me dy-treqind kriminelë të droguar i lejuan vetes të lozin me zjarr, t’i vënë zjarrin këtij vendi”. Berisha bëri me dije dhe një herë se ka anuluar mitingun e së shtunës pas kërkesës së ndërkombëtarëve por paralajmëroi opozitën të mos tentojë dhe një herë të përsërisë 21 janarin. “Tjetra do të jetë fatale për ty. Qytetarët duhet ta dinë. Ata që mendojnë se duke organizuar akte të tilla do të mund t’i zënë rrugën këtij populli, gabojnë shumë rëndë. Rruga e shqiptarëve është e hapur një herë e përgjithmonë”, theksoi Berisha.

BBC mbyll shërbimin në shqip

10:07 Politika

SHBA, Kauntrimen: Vendimi për të protestuar të premten, i gabuar

10:05 Politika

Human Rights Watch: Berisha të mos ndërhyjë tek hetimi për vrasjen e 3 protestuesve

09:07 Politika

Mediat greke: Berisha na dha pjesën ku ka naftë, opozita shqiptare na i mori

23:49 Politika

“The Economist”: Një ditë e tmerrshme për shqiptarët

22:08 Politika

Nikollë Lesi: Dhuna po na çon drejt zgjedhjeve

19:27 Politika

Vetëm hasmi dërgon “lajmës” për t’u pranuar në “kafen e mortit”

19:21 Politika

Kajro si Tirana; deri në një farë vendi

18:37 Politika

Rama: U bëj thirrje qytetarëve të demonstrojmë të premten

17:18 Politika

Delegjitimimi i arbitrit përbën Putsch!

15:25 Politika