Xhaferri fund turizmit, gati për Bashkinë e Durrësit

Kjo është hera e dytë që Xhaferri konkurron për kryetar bashkie në Durrës. Herën e parë ai konkurroi në vitin 2003, si kandidat i partisë së Pollos dhe mori 1500 vota

Nga Blerina Gjoka

Ferdinand Xhaferri do të jetë kandidati i PD-së për bashkinë e Durrësit. Deputeti i Durrësit, ish/kryetar i degës së qytetit, aktualisht mban postin e ministrit të Kulturës dhe Turizmit. Ai ka dy vjet që e mban këtë detyrë, nga e cila do të duhet të japë dorëheqjen ashtu si dhe nga mandati i deputetit për hir të garës së 8 majit. Gjatë qëndrimit në krye të ministrisë së Kulturës, Xhaferri me profesion inxhinier mekanik do të mbahet mend për një gafë që shkaktoi shumë reagim, pasi duke promovuar një projektligj të qeverisë për kthimin e eshtrave të figurave të njohura të shqiptarëve që kanë vdekur jashtë vendit, ai tha se ndër ta do të kthehen dhe eshtrat e Ismail Qemalit, i cili në fakt prehet prej kohësh në Shqipëri. Xhaferri do të tentojë të marrë bashkinë e qytetit bregdetar, e cila drejtohet prej disa mandatesh nga socialistët. Përzgjedhja e tij vjen pas një sërë hezitimesh të Berishës rreth kandidaturës së Lefter Kokës, si kandidat i përbashkët i PD- LSI. Për shkak të luftës së tij kundër Kokës vite më parë dhe reaksionit që mund të ngjallte në PD, Berisha e shmangu Kokën duke shkaktuar ndoshta një divorc përfundimtar të tij me shumicën. Brenda PD-së në Durrës duhet të vendosej mes Igli Carës, kryetarit aktual të PD-së, dhe Xhaferit. Cara njihet si një drejtues pa autoritet, ish doganier, me profil të ulët politik, i cili konsiderohet gjerësisht si një  manekin në duart e një grupi drejtorësh të fortë politikisht dhe ekonomikisht në Durrës, që mbështeten prej linjës Olldashi. I shqetësuar se kjo gjë mund të acaronte situatën dhe të rikthente ndarjet e vërejtura në vitin 2007, Berisha ka zgjedhur Xhaferrin me shpresë se mund të rrisë profilin e kandidatit. Kjo është hera e dytë që Xhaferri konkurron për kryetar bashkie në Durrës. Herën e parë ai konkurroi në vitin 2003 si kandidat i partisë së Pollos dhe mori 1500 vota, por që në të vërtetë ishte aleat i Lefter Kokës kundër kandidatit të PD-së Avni Hoxha. Rivali i tij tashmë pritet të jetë Vangjush Dako, kryetari aktual i baskisë.

Partia Demokratike dhe Lëvizja Socialiste për Integrim prej disa ditësh po ndajnë “hartën” e zonave elektorale në zgjedhjet e 8 majit. Nga këto bisedime lufta bëhet për bashkitë e mëdha, pasi LSI njihet si një parti që ka kërkesa të forta karshi aleatëve. Ndërkohë LSI po tenton të marrë një përqindje të madhe zonash të lira nga PD-ja, ashtu siç bëri me PS-në në zgjedhjet e shkuara. Në zgjedhjet lokale të vitit 2007  Partia Socialiste i la të lira plot 58 njësi vendore, mes të cilave 10 bashki dhe 48 komuna.

Pushteti i Berishës na e ktheu 8 Marsin në protestë buke e pune

19:09 Politika

Greqia: Pikëpyetje mbi shkaqet reale të shtyrjes së regjistrimit të popullsisë

18:51 Politika

Departamenti i Shtetit: Kontrabanda e drogës mbetet një ndër aktivitetet më fitim-prurëse në Shqipëri

18:01 Politika

Bisedimet Prishtinë-Beograd nisin më 8 mars

16:04 Politika

Ermir Gjinishi: Mes Tripolit dhe Tiranës

14:52 Politika

Arid Uka duket se ka vepruar i vetëm në vrasjen e Frankfurtit

13:27 Politika

Akuzoi ministrat si hajdutë, Topalli përjashton Taulant Ballën

13:14 Politika

Doris Pack: Nëse dështojnë zgjedhjet do jetë faji i opozitës

12:22 Politika

Universiteti serb: Nuk do ia heqim titullin “doktor” Gadafit. HAGA NIS HETIMIN PER KRIME NDAJ NJEREZIMIT

12:10 Politika

42 ditë nga 21 Janari, ngjarja ka mbetur vetëm tek retorika politike. Prokuroria do dërgojë në Gjykatë të Lartë lirimin e gardistëve

11:50 Politika