Pushteti i Berishës na e ktheu 8 Marsin në protestë buke e pune

Nga Drita Haxhiu (Qosja)

Dje, një shoqja ime e ardhur për pak ditë nga Kanadaja, më ftoi të kalonim bashkë festën e 8 Marsit. Dëshirës së saj, jo pa keqardhje, iu përgjigja me trishtimin e krijuar prej kushteve në të cilat jetoj unë dhe gjithë gratë shqiptare e familjet e tyre. Tashmë kemi përballë ketë panoramë të zymtë social-ekonomike: Papunësi, çmime të larta monopoliste qeveritare dhe varfëri ekstreme, të krijuar prej pushtetit të dështuar e të korruptuar, të grabitur e të instaluar me votë të vjedhur e të trafikuar prej Sali Berishës dhe Ilir Metës. Kam dëshirë të bëj edhe unë ftesa për 8 Marsin, ose të krijojmë grupime festimi mes shoqesh, por është e pamundur. Sepse nuk “shijohet” kjo ditë e vetme feste, kur kemi gjithë ditët të zymta, të mbushura me krizën ekonomike, me papunësinë, me varfërinë, me mungesën e shpresës për të ardhmen, me denigrimin që na bën ne grave, nënave e motrave kryeministri horr e rrugaç Sali Berisha. Mund të më bëhen edhe ftesa të tjera. Por unë nuk mund të përgjigjem dot pozitivisht, mbasi kam zgjedhur me vetëdije të plotë që në 8 Mars të jem në protestën e grave shqiptare, si revoltë e drejtë kundër varfërisë dhe korrupsionit, të krijuar prej pushtetit banditesk të burrecëve Berisha-Meta dhe të “buburrecëve” politikë, qeveritarë e ligjvënës, të “krushqisë” shkatërruese PD-LSI.

Pse kam zgjedhur të shkoj në protestë e jo në “festë”? Sepse këtë ma “këshillon” dhe ma kërkon largimi i të keqes që ka pllakosur këtë vend e këtë popull. Prezencën time në protestën e 8 Marsit ma dikton varfëria që kam në familjen time. Ma dikton varfëria e të gjithë familjeve shqiptare. Zgjedhjen për të “festuar” 8 marsin me protestë e jo me festë, siç na takon, ma “këshillon” e ardhmja e munguar dhe e bllokuar e fëmijëve, e të gjithë të rinjve që nuk e dinë fatin e jetës së tyre me këtë qeveri, e cila nuk u jep asnjë sinjal alternative e perspektive. Që 8 Marsin ta “festoj” në protestë si gjithë gratë shqiptare, më “këshillon” morali dhe detyrimi im për t’u ngritur kundër korrupsionit të kësaj qeverie hajdute. Kjo festë duhet kthyer në protestë anti-qeveritare edhe për një motiv tjetër: Të denoncojmë dhunën dhe denigrimin që Sali Berisha, pushteti i tij i “buburrecëve” dhe për fat të keq dhe i femrave deputete “ndrikulla” të PD, të cilat dalin e përdhosin dinjitetin e grave shqiptare nga foltorja e kuvendit dhe kolltuqet e ndotura të qeverisë. Në 8 Mars nuk do të shkoj restoranteve, por në protestën e grave shqiptare, sepse këtë ma kërkon gjaku i 26 viktimave të krim-korrupsion-trafikut shtetëror, të organizuar e të realizuar prej “Familjes mafioze qeveritare” që po komandon dhunshëm e me gjak popullor këtë vend. Në 8 Mars do të jem në protestë, sepse këtë thirrje, mua dhe gjithë grave shqiptare na i bëjnë 4 të vrarët e 21 janarit, gratë, motrat, nënat, fëmijët e tyre, të cilët mbeten pa ata baballarë, që dolën e u vranë në demonstratë sepse kërkonin punë e bukë për familjet e tyre të varfëruara prej pushtetit.

Më mirë një festë më pak se sa të gjitha ditët me trishtim, me dhunim, me denigrim prej pushtetit, me vuajtje deri edhe për bukën e gojës që po na mungon në tavolinë. Kjo protestë do të bëhet në shenjë zemërimi e indinjate për fyerjen e madhe, për dhunën dhe linçimin prej “Ku-Klus-Klan”-it, që u bëhet femrave sot: kudo, në çdo orë, në çdo podium, në parlament, në mbledhje qeverie, nga selia e Partisë-Shtet Dhune. Është festë, më tha shoqja ime. Një ditë në vit është! Të drejtë ka shoqja ime që prej vitesh bënë “jetën e Kanadasë”, por jo “jetën e Kandaharit-Shqipëri” që ka krijuar Sali Berisha nëpërmjet pushtetit të tij. Ndaj do të dal në protestë, që në jetën e grave shqiptare të mos ketë më 8 Mars me varfëri. Që të mos ketë më gra, nëna, motra vajza që u vriten bijtë, burrat dhe prindërit prej pushtetit kur protestojnë për punë, bukë e siguri për jetën. Do të shkoj në protestë, që të mos kemi më këtë jetë që kemi.

Greqia: Pikëpyetje mbi shkaqet reale të shtyrjes së regjistrimit të popullsisë

18:51 Politika

Departamenti i Shtetit: Kontrabanda e drogës mbetet një ndër aktivitetet më fitim-prurëse në Shqipëri

18:01 Politika

Bisedimet Prishtinë-Beograd nisin më 8 mars

16:04 Politika

Ermir Gjinishi: Mes Tripolit dhe Tiranës

14:52 Politika

Arid Uka duket se ka vepruar i vetëm në vrasjen e Frankfurtit

13:27 Politika

Akuzoi ministrat si hajdutë, Topalli përjashton Taulant Ballën

13:14 Politika

Doris Pack: Nëse dështojnë zgjedhjet do jetë faji i opozitës

12:22 Politika

Universiteti serb: Nuk do ia heqim titullin “doktor” Gadafit. HAGA NIS HETIMIN PER KRIME NDAJ NJEREZIMIT

12:10 Politika

42 ditë nga 21 Janari, ngjarja ka mbetur vetëm tek retorika politike. Prokuroria do dërgojë në Gjykatë të Lartë lirimin e gardistëve

11:50 Politika

Topi nis vizitën në Hungari, vendin që mban presidencën e BE-së

11:37 Politika