Te fundit
Paramarrëveshje mes Milanit dhe Realit për Kaka
9 Mars 2011, 11:11Sport
TEMA
Reali tashmë e ka nxjerrë në shitje brazilianin Kaka dhe siç bëjnë të ditur mediat spanjolle, klubi i kryeqytetit spanjoll ka arritur një paramarrëveshje me Milanin për rikthimin e tij tek kuqezinjtë. Sipas “El Mundo Deportivo”, tashmë është caktuar edhe shuma që do të duhet të paguajë Milani për rikthimin e brazilianit, e cila lëviz nga 20 deri në 30 milionë euro. Por, duke parë këtë shumë goxha të lartë, nuk dihet se sa të sakta janë të dhënat e mediave spanjolle. Kjo, duke qenë se Milani nuk është duke kaluar një moment të mirë financiar dhe një shifër e tillë do të thotë që kuqezinjtë në merkaton e verës të mos shpenëzojnë për asnjë lojtar tjetër. Për më tepër, një shifër e tillë do të ishte më mirë që të shpenzohej tek një lojtar më i ri dhe që ka më shumë garanci, duke qenë se mosha për Kakanë kalon dhe ai ka pothuajse një vit që nuk luan. Pra, nuk garanci fizike, duke parë edhe dëmtimet e fundit të pësuara. Megjithatë, dëshira e drejtuesve të Milanit për ta rikthyer brazilian është e madhe, sidomos duke parë që për të interesohet edhe Interi i Leonardos. Ndoshta dëshira dhe pasioni këtë radhë mund të ndikojnë mbi logjikën, e cila të çon drejt mendimit që do të ishte më mirë për Milanin të vazhdonte një rrugë tjetër, larg asaj të brazilianit Kaka.
Lini një Përgjigje
Më të lexuarat
24 oret e fundit
Javen e fundit
Blog Tema
