Te fundit
Britania u kërkon pesë vendeve të BE-së ta njohin Kosovën
3 Maj 2011, 12:57Rajoni
TEMA
Britania e Madhe ka bllokuar emërimin e përfaqësuesit të Bashkimit Evropian në Kosovë, post ky që ka mbetur i lirë që nga 30 prilli, pasi drejtuesit të këtij mandati i ka skaduar afati.
Që nga 1 maji, holandezi Pieter Feith drejton vetëm Zyrën e Përfaqësuesit Ndërkombëtar Civil në Kosovë dhe në këtë detyrë do të mbetet deri në fillim të vitit të ardhshëm. Sipas një artikulli të gazetës vjeneze “Wiener Zeitung”, bllokimi është bërë nga Përfaqësuesja për politikë të jashtme Catherine Ashton për shkak se Britania e Madhe po kërkon nga pesë vendet e mbetura njohjen e pavarësisë së Kosovës, raporton RTK.
Gazeta shkruan se Qeveria britanike është duke bërë trysni enorme tek pesë vendet e BE-së, Spanja, Greqia, Rumania, Qipro dhe Sllovakia që ta ndryshojnë qëndrimin e tyre dhe ta njohin në pako Kosovën.
Bashkimi Evropian ka hapur konkurs për vendin e udhëheqësit të delegacionit të Bashkimit Evropian për Kosovën, që më vonë do të fuzionohet me të dërguarin e veçantë të BE-s për Kosovë.
Gazeta “Wiener Zeitung” njofton se përveç deputetes së gjelbër austriake Ulrike Lunacek, e cila është raportuese e Parlamentin Evropian për Kosovën, për këtë detyrë ka konkurruar edhe diplomatja çeke, Janina Hrebickova.
1 komente në “Britania u kërkon pesë vendeve të BE-së ta njohin Kosovën”
Comments are closed.
Lini një Përgjigje
Më të lexuarat
24 oret e fundit
Javen e fundit
Blog Tema
Britania vetem sa po na kthen borxhin qe na ka nga Konferenca e Ambasadoreve ne Londer. Me mire vone se kurre