Te fundit
Flamuri zbulon një akuzë të re për Edi Ramën
7 Nëntor 2011, 21:58Antena
TEMA
Flamuri ka të hënën pritjen e popullit. Nga çdo anë e Shqipërisë në selinë e PD shkojnë demokratë të pakënaqur, që presin tu zgjidhet halli. Sapo zbriti nga makina para PD, rregulloi kravatën, kontrolloi a i kish mbërthyer pantallonat dhe eci me kokën lart drejt derës kryesore. Nuk donte të shikonte askënd majtas dhe djathtas që të dukej i drejtë. Kur hyri në korridor, mori postën tek roja dhe ktheu kokën nga hallexhinjtë. Pa një grua veshur me të zeza me dy fëmijë dhe i bëri shenjë të ngjitej lart.
Hyri në zyrë, u rehatua, i tha gruas të ulej dhe e pyeti ç’hall kishte.
-Jemi pa punë, i tha gruaja, kam dy jetimë. Burri më ka vdekur ka dy vjet në aksident automobilistik në Milot.
-A, shumë mirë, i tha Flamuri. Prit pak se ti do takohesh me një zonjë këtu tek PD dhe do të tregoj ajo çfarë të bësh.
-Si shumë mirë, i tha gruaja me të zeza që s’kuptoi asgjë. Mua më ka vdekur burri, ti thu shumë mirë?
-Jo, shumë mirë që e the hallin që ke se na duhet në parti.
-Or ti shoq, unë kam ardhë me zgjidh hallin tem këtu, jo me zgjidhë hallin tuej.
-Mos u mërzit, i tha Flauri, se do ta zgjidhim dhe hallin tënd. Thirri dikë në telefon dhe në zyrë hyri një grua me syze që ngjante si teta Ollga tek ‘Zonja nga Qyteti’.
-Bana, merre pak këtë zonjën, i tha Flamuri, dhe dil në konferencë për shtyp.
-Pse, ça ka ndodhur, i tha guraja që ngjante si teta Ollga.
-I ka shtypur makina burrin në Milot për faj të Edi Ramës që nuk miraton ndryshimet në Kodin Rrugor…
Gruaja me të zeza po shikonte e habitur.
-Jo or ti çun, s’e ka pasë bë Edi Rama atë rrugën, e ka pas bë një Bashkim, Bashkim, njani që ka një pallat të gjatë këtu në Tiranë ene që i ka dhënë shtëpi kryeministrit. Ai kish lënë një gropë hapur ene vdiq burri.
-Merre, merre, i tha Flamuri gruas që ngjante me teta Ollgën. Zonja është e tronditur dhe nuk e kupton tamam shkakun. Dil e thuaj që Edi Rama po shton viktimat në rrugë se po refuzon të miratojë Kodin Rrugor, ku katërfishohen gjobat për shoferët që thyejnë rregullat.
Bana e thirri gruan me të zeza ta ndiqte për tek zyra e saj. E uli sërish në tavolinë.
-Prit dy minuta zonjë, i tha, sa të konsultohem për tekstin.
-Oj ti gru se s’kam ardhë për me dal në televizor ktu se jam gru pa burrë, i tha gruaja me të zeza, du noj punë e bukë për kalamajt se e kam pasë burrin demokrat.
-Një minutë, i tha gruaja me syze që i ngjante si teta Ollga. I kish rënë telefoni dhe po dëgjohej zëri i Sali Berishës nga ana tjetër.
-E mbarova deklaratën, i thoshte gruaja me syze…
-Shumë mirë e paske bë, shkruaj, i thoshte zëri nga ana tjetër… Kongresi i Kurbanit, që nuk ja mbajti të bënte kurban kundërshtarët e tij, por bëri bëri… prit, dëgjo, shiko, mirë dakord, prit një herë, jo, jo, ta bëjmë, dëgjo, shkruaj, shiko, ai nuk ka bë Kongres, ai ka bë teatër, e di ç’më thoshte një miku im sot apo jo, kishte ndenjur me Kaç Islamin e Ben Malajn 8 orë aty brenda dhe nuk i kishte fyer askush, të gjithë kishin frikë të flisnin një fjalë se i kishte porositë të mos bënin sherr, një parti e mbaruar, frikacakë, ku askush nuk guxon të veprojë me iniciativë dhe të shprehë mendimin e vet, një parti mizore, si mund ai të detyrojë njerëzit të mos qëllojnë kundërshtarët, të mos i fyejnë, të mos u thonë një fjalë së paku. I kishim dhënë Kastriotit stilolaps-kamera, komça- kamera, çadër- mikrofon, gjithçka, dhe asnjë fjalë, asnjë shenjë…një parti e mbaruar si parti e etërve të tyre që s’guxonin të dilnin nga rreshti, jo, duhet t’ia themi këtë, jo, ta them unë ty, shkruaj, dakord, ti e ke bërë shumë mirë, por shkruaj: Kongresi i Kurban Bajramit, që bëri kurban lirinë brenda partisë, dhe që e hapi partinë në një autobus drejt etërve të tyre që e ka timonin…
-Sikur s’ka shumë kuptim Doktor, i tha gruaja.
-Ashtu, mirë, dëgjo, shiko, dakord, mirë, çfarë po bën ti?
-Kam një grua këtu që i ka vdekur burri në aksident në Milot dhe fola me Flamurin të bëjmë një deklaratë që Edi Rama po shkakton aksidente automobilistike….
-Shumë mirë, shkruj, Edi Rama po bën kurban qytetarët shqiptarë për të kënaqur epshet e tij antinjerëzore kundër jetës së qytetarëve shqiptarë që po masakrohen se ai nuk do të miratojë ligjet në Kuvendin e Shqipërisë…
-Kam dhe një zonjë këtu Doktor, ta nxjerr dhe atë të flasë dy fjalë…
-Ma jep atë zonjën ta përshëndes…
Bana i zgjati telefonin zonjës që kishte dy fëmijë jetimë.
-Sali Berisha jam, i tha, të përshëndes, të përgëzoj, keni tregu një guxim dhe kurajo të madhe…
Gruaja u hutua kur e kuptoi me kë po fliste.
-Faleminders, tha. Vallai me ma gjetë një punë e ma ma dhënë një rrogë për fëmijët se jena keq se na ka vdekë burri në aksident…
-Më thanë, më thanë, por mos u mërzit se Edi Rama nuk e ka të gjatë…
-Jo vallai ma ka marrë një gropë që e ka pasë lënë hapë njani që e njihni ju e me m’i dhanë do pare e një pension për burrin ua di për nder.
-Dakord, mirë, ashtu, dakord, të përshëndes, faleminderit, keni tregu guxim…
Telefoni u mbyll dhe dy gratë shikonin nga njëra- tjetra.
-Ça do bëhet me hallin tim dhe jetimët e mi se ai Burri veç më përgëzoi, tha gruaja me të zeza.
-Ku di unë moj nënë ça do bëhet. i tha teta Ollga, unë s’di ç’deklaratë të lexoj për vete sot.
13 komente në “Flamuri zbulon një akuzë të re për Edi Ramën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
– Ti e ke te kollajte,i tha gruaja me te zeza,po une si t`ja bej pa pune, me dy femije jetime…
– E si e paskam kollaj une ?,pyeti “teto” Albana.
– Po ja,shkruaj ate qe tha Sala…
– Cfare tha,se nuk e degjova mire…
– Tha qe Edi Rama nuk e ka te gjate…
“Zot i Madh”,tha me vete “tetua”, “deri ne kete fare feje te kete “rrjedhur” Kryetari yne???…Po per trashesine …kishte ndonje verejtje???”…
ha ha ha sa e forte…….
te gjitha femrat e PD aty e kane mendjen ……….
po dhe ai edi gjynah qe nuk ja u shuan kuriozitatin…..
HAHA. sa bukur e ke thene, keshtu i bejne ata te pa berat te bera. shume per te qeshur. urime per shkrimin.
Flamuri eshte prototipi i sekretarit te PPSh i viteve 50 i nje kooperative malore te zones se Shistavecit, i konservuar per 20 vjet ne spermen qe e ka prodhuar, per te na ardhur sot ne keto dite te neokomunizmit si nje specie e rralle qe demonstron te kaluaren tragjike te ketij populli, madje edhe kur sillet si nje model humori. Flamuri eshte humori me i hidhur qe mund ti shfaqet ketij populli ne periudhen e SaliDumbabes, pasusesit te bindur te Dulles-Enver.
Mero të lumtë dora,por na i ke rralluar shkrimet për antenën.
Sot, kur e pashe Bana Faraj ne televizor, thashe me vete: me e pase grue kete surrat mistrece, me mire e lyej litarin me sapun dhe var veten! Por tani, kur lexova kete kryeveper, u hodha perpjete nga gezimi se na u rikthye e madhja artiste “Zonja nga Qyteti”. Faleminderit Mero! Rrofsh!
Ky komenti yt eshte i pavend o Sala, se kjo qe ti pretendon si surrat mistrece nuk eshte ashtu, e njohin shume gazetare dhe kane respekt shume per te. mos perdor litar fare varu me ndonje gje tjeter?
O njerze,mos shani,mos perbuzni pushtetin dhe shtetin,se tek e fundit cdo popull ka at pushtet qe e meriton.Dua te konstatoj nje te vertet qe per ju dhe per shume kend eshte shume e trishtushme.Ne fakt shume media ne Shqiperi me vetdije apo pa te po e bejne punen e djallit dhe ne emer te sulmit te sali berishes apo te “malokve’po bejne punen e serbit dhe te grekut.Besoj se pajtoheni me mua se jugu i shqiperise po greqizohet apo eshte greqizuar tani me,me ndihmen tuaj o te mjer, ju qe po u pengon sali berisha e jo greku.Serbi po e kontrollon sherbimin sektet ne Shqiperi,po nxit perqarje,po e ndihmon grekun,po krijon oaza sllavo-serb edhe ne mes te Shqiperise,ne rreth te Fierit,e tani komplet rrethi i Shkodres do jet serbo-malazez.Mos te flasim per Golloborden e pjese te tjeraku na qenkan serbo-maqedone apo serbo-bullgare deri edhe serbo-rumune e vllehe.Mos gabohem vet edit rama i dha “qelsin e Tiranes”nje kengetai serb nje nacionalisti te terbuar qe edhe ne keng ka fut urrejtje ndaj te tjereve e ne rend te par kunder shqiptareve.sa te pa dinitet qe jeni.Sali berisha mund te ket veshtersi si edhe vendet e bala nga diktatura,por se paku eshte shqiptar e ju s’dini c’jeni as mish as peshk.
ore bardhi po nen qeverisjen e kujt po behen gjithe keto greqizim,sllavizi e ku di une e te tjera qe shkruan ti kete spo e mar vesh. Ti o je qor e s,shikon ,o je shurdh e sdigjono je idjot e skupton oje servil e prapa sales shkon e do tani te na tregosh se fajin e kemi ne populli per keto dhe jo babai jot shpirteror berisha qe i jep detin grekve tokat dhe tenderat fazllici e serbeve te te shoqes,apo sishte hajduti ilir qe deklaronte per pakica serbe tek ne, apo token per vare qe i dha grekve ne jug sala jot .PRA MENDOHU NJE HERE PASAJ SHKRUAJ SE KETU NUK ESHTE 55e fariut syleshit te mokres.qe te na besh moral.
Bardhi nje pergjigje e ke marre nga Ivani i madh. Ti je thjesht nje recitues i Klanit qe ne diten kur Lul Basha akuzohej per tradheti ndaj kombit shqiptar si inicues i marreveshjes se dhurimit te ujerave territoriale Greqise, ata zhurmonin me cermonine e dhenies se “Celesit te Tiranes” kengetarit serbo-kroat Goran Bregovic nga ish kryetari i bashkise Edi Rama.
Dhe kush TV Klan qe ne faqen e vet zyrtare e paraqet si arritje te madhe televizive transmetinin e “koncertit te kantautorit me fame boterore “GORAN BREGOVIC” direkt nga Pallati i Kongeseve”.
http://www.tvklan.al/rreth_nesh.php
Per mos folur me tej per Berishen qe fuste Damir Fazllic ne mbledhjet e Keshillit te Sigurise, nje skandal i vertete qe ne vendet e tjera nje kryeminister i tille do perfundonte ne burg.
Pronari i kesaj gazete ka qene dikur Flamuri i PD-se dhe tashme ka nderruar rolet duke u kthyer ne Flamur te PS-se.
O kapak, shko bej njeçike muhabet me ate te Kozmait, se jeni si tenxhereja me kapakun.
O te shkrete mos u merrni me njerezit e paraqitjen, por me thelbin