Prokuroria duhet të ndalë barbarinë ndaj ligjit në Qarkun e Fierit

Nga Genc Llakaj

Si qytetar, si gazetar apo qoftë edhe si jurist, irritohem kur shoh dhe prek ngjarje, fati të cilave varet nga njerëz të pushtetit juridik apo atij të rrugës, nga kriminel apo gjysëm të tillë që përmes dorës së zezë të antiligjit “vrasin” drejtësinë. Irritohem kur krimi politik paravendos  fatin e votës së lirë,  kur krimi rrugës ushqen dhe mbështet korrupsionin e babëzisë kafshërore mbi shpinën e qytetarve apo kur krimi ordiner vret drejtësinë e bashkë me të edhe ata pak gjyqëtar të ndershëm siç ndodhi 2 muaj më parë mu në qendër të qytetit të Vlorës.

Kur përfaqësues të ligjit ligjin e injorojnë, shkelin apo deformojnë për interesa lekiste-maniakale. Irritohem kur gjyqëtarët  krimit i frigohen, e ushqejnë dhe shpesh herë e mbajnë në gji sikur  të ishte vet kushtetuta. Sinqerisht, është tmerr !  Logjikisht, edhe  çmenduri ! Por, për ironi të fatit tonë, parë nga këndvështrimi aktualitetit shqiptar, shkelja flagrante e ligjit duket si  hiçmosgjë dhe,  nga ana tjetër, unë që shkruaj si më i stonuari radhës. Fatkeqësi!  Për cilindo, ngushëllimi, në këtë rast, është solucion mbijetese! Në  këto kushte, pothuaj  dramatike, në këto rrethana, të frikshme, ku gjithçka ndodh sepse  interesat politike  detyrojnë kushtetutën dhe ligjin të mos bajnza, më lind e drejta, qoftë edhe vetëm si qytetar, të flas, të revoltohem madje të shpërthej.

Një rast i freskët, flagrant,  i paprecedent madje vulgar dhe vagabondesk saqë na vë në dilemë se mund të ekzistojë ndonjëherë një shtet ligjorë në Shqipëri,  është rasti i zgjedhjes së Kryetarit të Këshillit të Qarkut Fier. Për ata që nuk kanë dijeni, sqaroj. Aktualisht, në Qarkun e Fierit ka dy Kryetar të Këshillit, njëri i zgjedhur nga votat e të gjithëve, në vendin e duhur , kohën ligjore dhe sytë e opinionit mediatik  dhe tjetri veç nga vota e kandidatëve të Partisë Demokratike, në një lokal privat, jashtë çdo afati ligjor dhe në sytë e sebebçinjëve të kësaj katrahure.  I pari i zgjedhur sipas ligjit të shkruar dhe i dyti sipas ligjit të xhunglës ku peshku pushtet ha peshkun e vogël, opozitë. Shumëkush ka të gjithë të drejtën, e ligjit dhe të zotit, të di se kush është Kryetari i Këshillit të Qarkut Fier. A e gjen kush ? Askush nuk merr  guximin ta thotë fundin e kësaj barsalete. Nuk e ka guximin askush sepse të parin Kryetar (z. Vangjel Ndreka) e njeh ligji, por që ky ligj  bëhet nga të dytët e krimit që ligjin e fusin në xhep dhe i bëjnë gjëmën, e ndërsa të  dytin (z. Artur Shehu) e njeh një tjetër ligj,  ai i  krimit politik dhe nuk ka shans të mos e njohin të parët sepse mund të shkojnë , jo pak, por në ferr.

Ajo që ndodhet në mes, të ligjit ligj dhe të ligjit maliq, është ndërgjegjja qytetare e cila  ka rënë në gjumë, madje  ka marrë arratinë deri në kufirin e menefregizimit. Megjithatë, duke  e injoruar ndërgjegjen qytetare si të paralizuar  tashmë,  organi prokurorisë, do të pyeste dikush,  ku është?! A ka prokurori në këtë vend i cili  suponohet si demokratik e për rrjedhojë duhet të këtë ndarje pushtetesh apo garanci për ligjin ? Kam dyshim! Kam dyshim sepse edhe Prokuroria po hesht! Dhe  kjo lloj heshtje më kall  frikë ! Por, në mos ditëtë gjë, ja ku po ja them publikisht edhe prokurorisë, personalisht znj Ina Rama. Znj Prokurore, në qarkun e Fierit ka lindur, po rritet dhe madje me shëndet goxha të mirë  krimi politik !  Ju, duke qenë në pozita pushteti juridik dhe me aksesin ligjor të nevojshëm, mund  ta frenoni këtë krim të sipërcekur.  Cilin krim, do të thoshit ju? Krimin e  një politike mafioze, e një politike shterpë e aftë, kjo e fundit,  të gëlltis jo vetëm njerëz siç bëri me 26+1 të Gërdecit a me këshilltarët e Këshillit të Qarkut Fier, por e dhunshme deri në sekuestrimin e institucioneve të pavarura të pushtetit vendor. Duke respektuar profesionin fisnik të juristit, profesion që na bashkonë, dhe atë të gazetarit ju informoj mbi faktet  që ka prodhuar krimi kësaj politike të shëmtur në këtë Qark.  Në Qarkun e Fierit, lidhur me procedurën e zgjedhjes së  Kryetarit të Këshillit të këtij Qarku, Prefekti ka kryer një mori veprash  penale. Së pari,  ka shkelur Kushtetutën e Republikës së Shqipërisë (pikërisht nenin 142, pika 3, organet e shtetit janë të detyruara të ekzekutojnë vendimet gjyqësore).  I njëjti zotëri, fatkeqësisht me titullin që posedon, duke marrë guxim apo kurajo ndoshta nga  Lideri Partisë Socialiste për Integrim (sipas informacioneve të bazuara në fakte e të  dokumentuara edhe nga gazetarë si unë), ka arritur deri aty sa të pushtojë  një institucion si Këshilli i Qarkut Fier që sipas ligjit përkthehet; “Përvetësim i titullit apo Detyrës Shtetërore” (në rastin konkret atë të Kryetarit të Këshillit të Qarkut Fier) dhe që në bazë të ligjit 246 të Kodit Penal duhet të dënohet me gjobë ose burgim deri në pëse vjet. Madje, me vulën e Institucionit të Qarkut, ky prefekt anadollak  ka firmosur dokumentacione  financiare që juridikisht i përkasin një tjetër personi-juridik dhe një tjetër institucioni-juridik.  Shpërdorim i Detyrës si Prefekt, në bazë të nenit  nr  248 të Kodit  Penal,  duhet të ndëshkohet, tashmë, me masën e burgimit  nga gjashtë muaj deri në pesë vjet, sepse ky individ ka përdorur pozicionin e tij për afera të mirëfillta politiko-korruptive deri në interesa mafioze ordinere. Ky djalë “guximtar” , në sy të një opinion të tërë,  ka konsumuar,  ditën me diell,  edhe veprën penale të Kryerjes së Veprimeve Arbitrare (neni nr 250, Kodi Penal) për të cilën sipas legjislacionit shqiptar duhet të dënohet me gjobë ose burgim gjeri më shtatë vjet. Prefekti Qarkut Fier, me dashje ose nga zori politik, ka Penguar Ekzekutimin e Vendimit  nr 203, dt 17/ 11 /2011 të Gjykatës së Apelit Vlorë, vepër për të cilën duhet të jetë  nën hetim, nga organi Prokurorisë, tash e shumë ditë, sepse kjo vepër  përbën kundravajtje penale që, siç e dini dhe ju, dënohet me gjobë ose burgim gjeri në dy vjet (sipas nenit 320 të Kodit Penal). Të gjitha këto fakte klithëse, veprat penale dhe veprimet arkaike të këtij Prefekti të papërgjegjshëm  nuk janë thjesht pjesë e interesit  apo shqetësimit tim si qytetarë, por janë asortimente të një kuzhine të helmuar nga krimi që duhet të dekompozohet shumë metra nën tokë  për të mirën e  demokracisë dhe shtetit ligjor. Aq më keq kur ky gatim kriminal, me zarzavate të shijeve shtetare-politike, është gjenerator i situatave  dramatike deri aty saqë ekzistenca e shtetit ligjor, qoftë  në nivelet e pushtetit vendor apo në gjithë republikën,  mua dhe atyre që mendojnë na duket si thjesht dhe vetëm një gallat tavolinash.  Le të shpresojmë te një mrekulli! Le të shpresojmë se dikush ka veshdëgjuar !

Autorë dhe recensentë

11:42 Blog

Anderseni, Musolini, dhe Berisha Lakuriq

11:28 Blog

Himni i SALIUT në këtë 28 Nëntor: “Ti Shqipëri, me jep (te)nder”!

20:05 Blog

Kushedi ç’erë do të fryjë në të ardhmen

19:59 Blog

Mos na prekni krenarinë

18:04 Blog

Plagët e përgjakura që ushqejnë urrejtjen dhe hakmarrjen e Sali Berishës

19:18 Blog

Buxheti dhe kontradiktat e ministrit Bode

19:15 Blog

Shqipnia: Zvicër apo Abisini?

19:12 Blog

HELENË

22:21 Blog

28 nëntori i kujtesës kombëtare

21:33 Blog