Te fundit
Himni i SALIUT në këtë 28 Nëntor: “Ti Shqipëri, me jep (te)nder”!
28 Nëntor 2011, 20:05Blog
TEMA
Nga Kledian Lula
Ndër gjithë krijimtarinë e poetit dhe rilindësit të madh Naim Frashëri, vargu “Ti Shqipëri më jep nder….” vazhdon e recitohet me kënaqësi të madhe shpirtërore prej shqiptarëve, si një HYMN krenarie atdhetarie. Ky HYMN mbi 100 vjeçar, do të jetë pjesë e “këngës” shpirtërore dhe krenarisë së shqiptarëve brez pas brezi. Këtë dëgjova të bënin shumë njerëz të çdo moshe edhe dje në 28 Nëntor, që të përfshirë në emocionet e Ditës së Pavarësisë, “këndonin” krejt natyrshëm me vete, vargun: “Ti Shqipëri më jep nder…”. Këtë HYMN e dëgjova të dilte dje, edhe nga “gryka” e një altoparlanti të vendosur në sheshin qendror prej qeverisë “SALI”. Këtë varg, në këtë ditë historike të kombit tonë, jam i bindur që e ka kaluar nëpër mendje dhe e ka mërmëritur nëpër buzë edhe kryeministri SALI, edhe fëmijët e tij, edhe mbesat e nipërit e tij, edhe ministrat e deputetët e pushtetit të tij. Nuk ka shqiptar, që të “shpëtoj” nga ky varg-himn kombëtar, veçanërisht në përkujtime ngjarjesh historike kombëtare e në ditë të vështira për kombin.
Mirëpo, më duket se ky HYMN i madh shpirtëror e jo zyrtar për shqiptarët, që “këndohet pa urdhër, pa protokoll qeveritar, pa rreshtime administrate në sheshe, pa ceremoni paradash e topash garde, pa daulle fanfarash, mendoj se për kryeministrin SALI nuk ka e nuk duhet të ketë asnjë asnjë kuptim, asnjë vlerë, asnjë ndjesi, asnjë emocion atdhetarie. Ky himn ka humbur kuptim e vlerë dhe për familjen e tij, për ministrat dhe deputetët që ka në oborrin e qeverisjes. Sipas konstatimit tonë, për kryeministrin SALI, ka vite që vargu-himn “Ti Shqipëri, me jep nder…”, ka marrë tjetër kuptim, larg lidhjes me atdhetarinë, duke u zëvendësuar me pushtetin, me qeverinë, me ekonominë e tij familjare. Për SALIUN, himni “Ti Shqipëri më jep nder…”, ka marrë këtë trajtë gjuhësore e kuptimore: “Ti Shqipëri më jep (te)nder”! Pse? Sepse SALIU po dëshmon, se nuk e konsideron veten kryeministër për të zhvilluar e integruar Shqipërinë, por për ta shfrytëzuar atë si “burim” për të shtuar pasuritë e familjes. Saliu nuk e ka konsideruar dhe nuk po e trajton Shqipërinë si vendi që të jep “NDER” e që duhet t’i jap kontribute, por si pushteti që të jep tender, që të pasuron duke vjedhur pasuritë kombëtare. SALIU nuk “këndon” më vargun: “Ti Shqipëri më jep nder…”, por belbëzon e jeton ditë e natë me psikozën e vargut: “Ti Shqipëri me jep (te)nder”!
Sepse për SALIUN, Shqipëria nuk është ATDHEU, por është “fabrika” e “prodhimit” të pasurive familjare, fisnore, klanore. Me tender po pasurohet në mënyrë të përbindshme e kriminale familja e tij, duke u kthyer në bankiere, pronare trojesh, vilash, fshatrash turistikë, tokash në bregdet, plazhesh, zonash malore turistike, hidrocentralesh, rrjete dyqanesh, tregjesh monopol, universitetesh, pusesh nafte, kompanish energjie, prodhuese e tregtare… Kështu si SALIU, si familja dhe fisi i tij, jo për krenari kombëtare, jo për NDER, por për tendera, për pasuri e llogari bankare e “duan” Shqipërinë edhe ministrat, edhe deputetët, edhe shërbëtorët e pushtetit të tij.
Nëse SALIU guxon e këndon himnin e madh: “Ti Shqipëri më jep nder…”, mendojmë që vetë SALIU, duhet të jap këtë përgjigje: ““Ti Shqipëri më jep nder…”. Ndërsa unë, po të marrë nderin, dinjitetin, historinë, pasuritë, deri dhe trojet…”.
5 komente në “Himni i SALIUT në këtë 28 Nëntor: “Ti Shqipëri, me jep (te)nder”!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk ka gur mali,qe t’i jape nder ketij TRADHETARI ME TE ZI ,qe ka patur,toka shqiptare nder shekuj!!!Ky i ZI ja nxorri bojen ketij vendi,por AKOMA NUK KA DALE NJE TRIM I VETEM,qe t’i TREGOJE VENDIN KETIJ BANDITI!!!Ate qe po i ben Shqiperise ky MALOK KOKE GDHE,NUK JA KANE BERE AS PUSHTUESIT OTOMANE PER 500 VJET RRESHT!!!
TE LUMTE O TRIMI KLEDIAN LULA DHE TA GEZOJM FESTEN E PAVARSIS
Tradhtori dinak, hipokrit, kusar
U ngrit gjer në kulm, u bë kryetar
Nën zgjedhën e tij, të urtët lëngojnë
Disa blihen shiten, disa nuk guxojnë
Çdo i shenjtë parim, shtëpi perëndie
Ishte bërë dyqan dhe pazar tregtie
Kush vidhte më tepër ay ish usta
Dhe kush nuk plaçkiste, ish krejt budalla.F.S.Noli
Z.Kledian, jeni nje skulptor i vetete. Nuk mund te themi se Sala eshte bere doktor pa shkolle, edhe ai i ka mesuar keto vjersha, biles dikur kendonte me te madhe e mbante fjalime Enver Hoxha e mprehi shpaten…! Mirpo ato i ka harruar edhe te Naimit, Fishtes, por i duhet te luaje buzet, si ato servilat qe shkojne ne kishe per te “qetsur” shpirterat dhe bejne sikur thone urate. Per priftin, ska rendesi, i fale “Zoti”, mjaft qe te tringellojne florinjet ne shporte dhe shpirti do te shkoje ne qiellin, ku ndodhet e amshueshmja e perhershme! Faleminderit Klejdi!
P.S
Kemi hedhe nje ide per nje mundesi qe e kane te tere emigrantat, nga pak dollare, por te gjithe se bashku, te ndihmojme repartin tone, ku bejme jeten kulturore te vertete shume ushtare, nga emigracioni dhe Shqiperia; do t’ju lutem kush ka ma mundesi te krijoje nje numer llogarie dhe te kontribojme per kete media te vertete, qe e kemi ushqim te perditshem. Kontributin tim, mund dhe t’ja dergoj ne dore kur te vije ne atdhe,por eshte pak i vetem, se bashku mund ta ndihmojme pa demtuar sejcili te tijen. Na shkruani dhe na bindeni per mundesine e nje nisme qe ka mbetur vetem si deshire deritani. Ma merr mendja se do te keme shume perkrahes, na tregoni rrugen e postimit…! Po nuk e perjetove vjershen e Naimit, kengen dhe premtimin, luaje buzet sa te duash, se vetem do te beshe te shkruaje perseri Klediani. Diten e mire e befshi!
sa te lodhur qe jeni te gjithe o admirues te diktatures enveriane.zgjohune se u ka zen syte injoranca e komunizmit