Taqi i shpjegon Gorbaçovit Tiranën

Taqi kishte dalë në aeroport për të pritur Gorbaçovin. Ish- udhëheqësi sovjetik u shfaq tek dera e avionit i qeshur. Taqit i kishin thënë se duhet ta njohësh nga ajo vula që ka në lëkurën e kokës, por ai kishte vënë kapele dhe po të mos kishte bërë atë gjestin e udhëheqësit, nuk do ta kishte njohur. Gorbi hipi në makinë dhe një përkthyes e prezantoi me Taqin.

-Ky është bosi më i madh i naftës në Shqipëri, tha, d.m.th ai që të paguar udhëtimin.

-Gëzohem, i tha Gorbi. Kompaninë shtetërore ke marrë?

-Po, i tha Taqi.

-E kuptova nga honorari, tha Gorbi. Tani të më falësh po do të bëj ca pyetje për këta politikanët që do të takoj. Këta janë të rinj dhe unë nuk i njoh. Me sa mbaj mend nga zyra ime kur kam ikur nga pushteti, në Shqipëri ka pas dy njerëz të rëndësishëm, Ramiz Alia dhe Sali Berisha. Po tani kush është?

-Ramiz Alia ka një muaj që ka vdekur i tha Taqi, kurse Sali Berisha të pret në zyrë.

-Ou, shumë mirë, u keni dhënë zyrë ish- presidentëve, tha Gorbi. Atëherë në fillim dua të takoj këta politikanët në pension si puna ime.

-Po, nga këta ke Fatos Nanon, Rexhep Mejdanin dhe Alfred Moisiun, i tha Taqi. Ky i fundit ka mbaruar dhe në Bashkimin Sovjetik.

-Shumë mirë, tha Gorbaçovi. Kjo është gjë e mirë. E kemi pasur në rregullore që ata që studionin në Bashkimin Sovjetik në shkollat ushtarake ishin automatikisht pjesëtarë të KGB dhe kam hequr shumë derisa e hoqa atë ligj më 1990. Më bënë namin ata të KGB.

-Më vjen keq, i tha Taqi, Moisiun e kemi pasë kryetar të NATO para se të bëhej president.

Gorbi qeshi.

-E di, e di, dhe ne kemi pasur plot njerëz në NATO.

-Po Ramiz Alia kur vdiq? Më pat marrë inat që po ndryshoja kursin, por kur e zunë hallet vetë, më kërkoi ndihmë.

-Ka nja një muaj që ka vdekur, i tha Taqi. Thonë që ishte burrë i mirë, por s’kishte lek. Pinte kafe të lirë dhe ecte në këmbë. Një herë desh e shtypën këta bodigardët e mi, aty tek stadiumi Dinamo.

-Ah, mos harro, i tha Gorbi. Para se të shkojmë të takojmë Presidentin, kryeministrin dhe kryetaren e parlamentit, dua të takoj dhe Sali Berishën, se mbaj mend që kur unë ika nga politika, ai u bë president.

-Jo, jo, ai është kryeministër tani, por Nr.1, si i thonë rusisht, i tha Taqi.

-Si ka mundësi, tha Gorbi. Ai ka 20 vjet dhe akoma s’ka ikur?

-E do populli, tha Taqi. Ka bërë shumë për këtë vend. Ka pare. Është bos. Me një minutë mbaron punë. Të thotë ik tek studioja ligjore, rregullo letrat dhe vazhdo punë. Është njësh.

-D.m.th nga kjo histori unë dhe Jelcini paskemi dalë budallenj që e lamë vetë dhe ikëm, tha Gorbi. Ku juaji nuk ikërka.

-Është Njësh, dëgjo mua. Ka lek, e di sa lek ka apo jo? Ka lezet. Dhe kur del ka roje, ka bodigardë, mban antiplumb. Është shumë serioz. Jo si këta që ikin si lapangjoza rrugës me duar në xhepa.

-Ju me se merreni, pyeti dhe një herë Gorbi që e kishte humbur fillin nga fakti i ri…

-Me naftë, naftë, petrol, Azerbajxhani, Kazakistani, Lukoil. Naftë, naftë… dhe i tregoi një fotografi me një grua.

-Interesante, tha Gorbi, kjo gruaja më ngjason me gratë e këtyre sulltanëve të ish republikave sovjetike. Azere është…

-Jo, jo, zonjë e parë këtu, gruaja e Njëshit. E kam mike. Naftë, naftë, kjo ka fondacion për fëmijë, bëjmë lek, unë naftë…

-Qartë, qartë, tha Gorbi. Ngjaka si ato kukullat kineze, mu duk si nga ish- republikat tona lindore. Shumë mirë, shumë mirë. Një familje jemi. Akoma qenka Berisha d.m.th? Sa budallenj qenkemi treguar ne që ikëm.

Murat Toptani pagëzohet “Rruga e Kunatit”

20:34 Antena

Luli sqarohet nga Kunati për bizneset e Bashkisë

23:08 Antena

Sandri, urdhër policisë për të bllokuar tunelin

18:32 Antena

Fahro kërkon shkurtim buxheti për blerje librash nga bashkitë

22:34 Antena

Fevzo zbardh 3 lutjet e kryeministrit

21:12 Antena

Zeni, i çoroditur nga fjalimi i Doktorit në Izrael

21:03 Antena

Fevzo shkëmben foto dhe lajme nga Deti i Vdekur për KLSH

23:07 Antena

Sandri ngatërron Lulin me Doktorin tek Kënga Magjike

22:38 Antena

Sandri në kërkim të pareve për Gymyshin

20:18 Antena

Flamuri, i pakënaqur me Leskajn se thellon shkeljen e kritereve

21:56 Antena