Flamuri, i pakënaqur me Leskajn se thellon shkeljen e kritereve

Flamuri dje thirri i pezmatuar në zyrë Leskajn, që presidenti ka dekretuar për kryetar të Kontrollit të Shtetit. I shqetësuar se po i ikte grupi nga duart, Flamuri foli me atë Burrin dhe ia mori përsipër se do ta zgjidhte vetë këtë punë.

-Tani dëgjo Flamur, shiko, ti duhet të thërrasësh atë dhe duhet t’i thuash dy fjalë atij zotërisë, jo, do t’ia thuash, se i ka kaluar të gjithë kufijtë… të harrojë ai dhe cilido tjetër që i bën presion Sali Berishës me njerëzit e vet, jo këtë vetëm një bandit mund ta bëjë, një trafikant droge, një njeri i përzier me krimin, jo, ta them unë ty, më dëgjo me kujdes, se ca gjëra nuk i di ti zotëri, ca gjëra i di unë, dhe po të them t’ia thuash dy fjalë, dakord… mirë, mirupafshim.

Kjo ishte gjithë biseda që kishte bërë me atë Burrin. Ai as nuk e kishte lënë ta pyeste, as të merrte përgjigje. Thjesht i kishte lënë të kuptojë se duhej thirrur Bokja, siç e përkëdhelin vlonjatët Leskajn.

-Tani Boke të kam thirrur për të të thënë dy fjalë, i tha Flamuri.

-Po, fol o figurë, ç’është ajo fjalë që thua, ne ty të kemi të parë dhe të fundit në këtë parti, llaf është ai…

-Shiko, tani se unë fola dhe me atë Burrin dhe d.m.th ca gjëra nuk bëhen shoqërisht se ne jemi parti, kemi parimet tona, dhe ca kritere nuk i shkelim…

-Po ça thua ore, ça kritere do shkelim, unë i plotësoj të tëra, kam tre diploma, 2 specializime, doktoraturë, pse o, kush ka më shumë se mua…?

-Jo, dakord, po ne vendosëm disa kritere me Sali Shehun dhe ti na prish punë se ti i përkeqëson ato kritere…

-Çfarë thua o, je në vete, pse o ç’kritere kam më keq se Saliu unë…?

-Shiko, të jem i ndershëm me ty, unë u çova në komision dhe thashë që Sali Shehu është burrë i mirë, por nuk e votoj dot se është anëtar i PD-së. Çfarë mund të them unë për ty që je jo vetëm anëtar i PD-së, por dhe anëtar i Këshillit Kombëtar dhe në listën aktuale të kandidatëve për deputet. Pra, kriterin që rrëzoi Saliun, ti e përkeqëson, d.m.th e bën më të rëndë. Çfarë do thotë Igli Cara, që i tha Saliut ti na duhesh në PD se je anëtar aktiv i saj. Për ty duhet të thotë nuk të lëmë kurrë të ikësh nga PD-ja.

-Ue, ue çfarë thotë ky o, pse o, me vërtet ja thatë ju Saliut ato o?

-Nuk është se ja thamë vërtet, po nuk e dinim që do vije ti nga pas dhe e vumë kriter që kandidati të mos jetë i PD-së. Tani ne e vumë këtë kriter, mirë, keq, e vumë. Ti je tre herë më shumë ngelës se Saliu. Dhe ai Burri kështu më tha.

-Ça thua ti o, po unë isha me Gonin sot gjithë din nga Blloku, ai më tha fola me Doktorin, mos ça kokë.

-Ou, Goni ashtu u thotë të gjithëve kur ua merr lekët pa mbaruar puna, kur nuk mbaron, ua kthen.

-Jo re, ça thua ti, unë jam vlonjate, e kam për turp të paguaj. Po s’është aty puna, pse ore njësoj me Saliun më bëni mua ju o? Ç’bëni ju o, jeni në vete?

-Ça të të them unë, fola dhe me atë Burrin.

-Po ça thua ti ore, unë isha mbrëmë me Fahriun, tha e mbylla dhe me Metën, e kam mbyllur dhe me ca socialistë, si o do ma bëjë partia ime këtë?

-Ça të them unë, fola me atë Burrin, s’kam ç’të bëj.

-Po mirë o, vetëm një kriter kam më keq se Saliu, po tre diplomat që kam?

-I kemi verifikuar tre diplomat dhe i ke formale, tha Flamuri, d.m.th nuk ke punuar kurrë në ato zanate. Ke marrë diplomë për inxhinier shpimi, nuk ke punuar asnjë ditë, ke punu sekretar rinie, ke marrë diplomë në ekonomik, nuk ke punuar asnjë ditë ekonomist, ke marrë diplomë në juridik, nuk ke punu asnjë ditë jurist. Saliu kishte punu nja dhjetë vjet si konsulent në një firmë private.

-Ue, ue, ue ça thua ti o, as diplomat s’më quani? Ue, po qekeni fare! Po mirë, po kontributi im në PD, ka vite…

-Më vjen keq, po ai Burri është xhindosur shumë që ja ke bërë fakt të kryer dhe po i përçan grupin. Më tha i thuaj mos të vazhdojë më se do ketë punë me mua personalisht. Nuk ka lindur njeri të më përçajë mua grupin dhe partinë me paratë e drogës dhe krimit, tha. Nuk komandohet partia ime me celular nga burgu, i thuaj.

-Ua, ua, ça thua ti ore? Po mirë o, mirë, si të doni, po mirë o, Goni s’ka folur fare me atë thua ti, nga koka e vet doli xhiro me mua?

-Unë të thashë si e ka stilin Goni. Ua merr të dy palëve para se të bëhet puna dhe ja kthen atij që humbet dhe i ka lekët qyl në xhep. Në këtë rast nuk di ç’bën.

-Mirë o mirë, si të doni. Të paktën nuk dua sulme personale, se dhe po më dogji, partia më djeg. Ua, ua, po mirë o, Goni nuk ka lidhje me Doktorin thua ti?

-Ka o zotëri, ka, po jam dhe unë dhe këto punë i bëj unë, nuk i bën Goni. Goni është njësh për lidhjet me krimin, me partinë i mbaj unë.

Flamuri sqarohet se kush e prishi Parkun Rinia

21:30 Antena

Revoltë nga Bathorja në zyrën e Flamurit për Sheshin Skënderbej

20:33 Antena

Beci i shpjegon Kozit hallet e Festivalit dhe vizitës në Norvegji

22:14 Antena

Flamuri bën një plan dhuratash për gjyqtarët

22:45 Antena

Flamuri analizon me Full-hanin ndikimin e krizës greke dhe italiane në Shqipëri

12:12 Antena

Sandri, i hutuar nga llogaritë e Fevzos

22:10 Antena

Sandri zbulon vjedhjen e librit të Ramës nga India

23:35 Antena

Flamuri sqarohet për takimin e Jozefinës me Ramën

23:29 Antena

Kunati i Lulit sqarohet me sahatçiun e Kullës së Sahatit

20:59 Antena

Flamuri zbulon një akuzë të re për Edi Ramën

21:58 Antena