Flamuri analizon me Full-hanin ndikimin e krizës greke dhe italiane në Shqipëri

Flamuri po shqetësohet shumë nga kriza e papritur e Greqisë dhe Italisë, ku të dy kryeministrat ikën pa u kuptuar fare. Për këtë të Greqisë nuk i erdhi shumë keq se ishte aleat i socialistëve, por për Berluskonin u mërzit shumë se i fillon dhe emri me B dhe dikur në vitin 2001, kur  Flamuri ngjiste psotera, Doktori e porosiste të shkruante nëpër mure “Tre B..-të do fitojnë”. Ishte fjala për Bushin, Berishën Berluskonin. Tani dy nga B kanë ikur dhe ka mbetur vetëm Doktori. I druhej shumë kësaj pune.

U ul dhe filloi ta analizojë me qetësi cilat ishin rreziqet tek ne. Shifrat ekonomike nuk i kuptonte mirë. Atëherë vendosi të pyes Full-hanin si ekspert.

E thirri dhe ja shpjegoi hallin.

-Më ke aty për një orë, i tha Full-hani.

-Po nuk vjen dot më shpejt, i tha Flamuri?

-Vij, i tha Full-hani, por ti tani më njoftove dhe tava e peshkut e do 45 minuta sa të bëhet.

-Po eja mo pa peshk, ça më duhet peshku mua, tha Flamuri, dua të bëjmë një bisedë profesionale.

-Më vjen keq i tha Full-hani. Unë nuk bëj dot bisedë pa tavën para, më ka mbetur zakon. Unë bëj tavë dhe për Ridvanin kur  takohem, jo për ty që je Dyshi.

Flamurit ju përkëdhel sedra dhe e pranoi.

Pas një ore Full-hani mbërriti me tavën e peshkut, dy shishe verë dhe gjirhë takëmet e shërbimit. Nxori mbulesën prej letre, e shtroi mbi tavolinë të Flamurit, nxori servisin e lugëve dhe pirunëve, vuri pecetën mbi kravatë, hapi verën dhe u rehatua.

-Hajt flasim, i tha. Çfarë deshe të më pyesje?

-Për këtë krizën greke dhe italiane, i tha Flamuri. Nuk e kuptoj s’i dhanë dorëheqje kot këta kryeministrat. Ky i Greqisë kot fare, dhe i mori lekët, dhe iku. Ky i Italisë akoma më kot, dhe i ka votat, dhe iku.

-Ta dija që do më pyesje për këto, i kisha thënë këshilltarëve të më jepnin një përgjigje, i tha Full-hani, se i bëjnë shpejt ata, dhe unë pa letër nuk flas dot.

-Po s’ka gjë, thuaje me fjalët e tua, i tha Flamuri, unë dua ta kuptoj se më pyesin të gjithë se i kanë sytë nga unë dhe s’di ça tu them.

-Po në Greqi, i tha Full-hani, qeveria harxhon më shumë se sa fiton, d.m.th si ta them unë, çdo muaj duhet të paguajë 100 mijë lek borxh dhe prodhon 70 mijë lek, ndërkohë që s’ngelen lek për pagat dhe shpenzimet.

-Po pse nuk merr borxh tjetër, pyeti Flamuri. Unë kam folur me këtë Burrin për borxhe dhe thotë duhen marrë sa më shumë borxhe dhe qesh se thotë “kush të rrojë, t’i pagojë”.

-Ashtu është, tha Full-hani, po ne jemi jashtë Evropës, kurse Greqia e ka problem se nuk e lënë ata të Brukselit.

-Po Italia, tha Flamuri.

-Afërsisht njësoj, i tha Fullani duke i rënë shkurt.

-E kuptova, tha Flamuri. Po pse shkojnë gjejnë kryeministra bankierë, pyeti Flamuri gjithë dyshim.

-Gabim e kanë, tha Full-hani. Unë për vete më ka pyetur dhe shefi, i kam thënë është gabim. Më mirë të jetë politikan, bile të ketë si shefi ynë.

-Po këtu tek ne kanë rrezik të bien bankat, pyeti Flamuri gjithë kuriozitet, si mund të fillojë?

-Jo, s’ka rrezik i tha Full-hani. Bankat janë të sigurta, por kemi ca biznesmenë që kanë rreziqe se kanë marrë shumë kredi. Se fillon si me shaka ajo p.sh, i mbarojnë lekët për këste Zamirit, ai nuk i jep dot lek atyre që kanë ndërtuar qendrën e biznesit, ata nuk paguajnë dot punëtorët, punëtorët bëjnë grevë, Sandri mërzitet se Zamiri nuk paguan, e sulmon tek Klani dhe ngjallet panik. Ose fjala vjen Gimes nuk i ec kafja, si rrjedhim nuk shitet as sheqeri, fabrika ngec, nuk paguan dot kredinë, i lutet kunatit në tatime të vërë ca gjoba Lori Kafesë që të ecë ky, as nuk ja vë dot se nxehen ata të tv, kështu shpërthen paniku dhe krijohet problem. Se e ka thënë mirë shumë Lul Basha ‘nuk ka krizë ekonomike, por mentalitet krize’. Po the je mirë, mirë je, po the je keq, keq je. Ndaj e ka mirë shefi që thotë jemi shumë mirë.

-E kuptova, tha Flamuri. Paskan qenë koqe këta perëndimorët që ankohen dhe shkojnë e hanë u ikin kryeministrat.

-Gabim të madh kanë bërë, tha Full-hani. Gabim të madh, i kam thënë dhe Shefit. Më pyeti një ditë a kemi ndonjë bankier të zotin, dhe unë i thashë jo, asnjë. Me thënë të drejtën nuk e kisha për vete se mos e vendoste Guvernator, por kisha frikë mos i shkonte mendja ta linte si pasardhës në kryeministri. Nuk duhet ta bëjë gabimin e atyre… Ha pak ha se u ftoh peshku. Se siç e ka thënë dhe shefi, thuaj jam mirë të jesh mirë se ndryshe vdes.

-E kuptova, e kuptova, tha Flamuri. Kjo ka shumë rëndësi. Se ja kam ca frikën këtij Risvanit se dhëndri gjashtë muajt e parë nuk mbahet. Më kujtohet Nano atëherë, prishi qeverinë vetëm pse u martua. Ja kisha frikën.

-Po jo mo burrë ça thua ti, i tha Full-hani. Ja porosis unë një peshk tjetër e i shkoj pastaj në zyrë. Jo mo burrë ça thua, s’e bë Ridvani atë.

Sandri, i hutuar nga llogaritë e Fevzos

22:10 Antena

Sandri zbulon vjedhjen e librit të Ramës nga India

23:35 Antena

Flamuri sqarohet për takimin e Jozefinës me Ramën

23:29 Antena

Kunati i Lulit sqarohet me sahatçiun e Kullës së Sahatit

20:59 Antena

Flamuri zbulon një akuzë të re për Edi Ramën

21:58 Antena

Flamuri merr në analizë librat e fundit

20:12 Antena

Flamuri përzgjedh kandidaturat për Akademinë e Shkencave

22:08 Antena

Çekët e CEZ-it paditen për pasoja seksuale tek komuniteti rom

21:22 Antena

Sandri në telashe me këngën e Kozma Dushit për festivalin e RTVSH

22:52 Antena

Flamuri debaton me Sali Shehun se kush i ka ngjitur posterat në fushatë

20:40 Antena