Kunati i Lulit në siklet për festën e Ditës së Verës

Kjo ishte hera e parë që Kunati i Lulit festonte Ditën e Verës. Agjencia e tij kishte porositur Lulet e Kallçukut në Kinë dhe kishte bërë shumë pare. Fatura u shtua 50 herë mbi çmimin e luleve plastike dhe shpenzimet e tjera i kishte mbuluar me punonjës të Bashkisë. Kioskat që i ngelën nga Viti i Ri pa lek i nxori sërish tek vendi ku quhet Rruga e Kunatit.

Më në fund erdhi ora që do të vinte Luli.

Kioska e parë po bënte piskavica. Ishte një qebapxhi nga Gjakova. Ai i qofteve Korça nuk pranoi më të vinte se doli me humbje në Krishtlindje.

Luli u afrua i gëzuar tek kioska e piskavicave.

I qeshur dhe krahëhapur iu drejtua atij që bënte qofte.

-Ja çfarë ofron Tirana jonë sot për qytetarët e saj, një ushqim të shëndetshëm dhe hare për çdo qytetar të saj.

-Falemnders zotni Basha, i tha qoftexhiu. Krejt Gjakova të don dhe i ka sytë ktu sot. Më kanë thënë kur të ketë herë tjetër votime kena me ardhë krejt me i hedhë për Lulin.

Kunati i doli para qoftexhiut mos të vazhdonte më se u afruan kamerat. I shkeli syrin he i tha të mos vazhdonte më.

Rreth Lulit u mblodhën shumë njerëz.

-Or taj, Lule e ke emnin e Lule e ke ba Tironen. Or ty të lumtë ajo dore..

-Faleminderit, i tha Luli duke qeshur dhe ktheu kokën nga Kunati.

-Na gjej ndonjë qytetar nga Tirana, tha, se më duket na i ka futë Ed Rama këta të Paskuqanit.

-Or ty ta lumsha or Lul, krejt Paskuçani asht me ty. Kena ardhë veq me të përshëndet.

-Faleminderit, i tha Luli duke qeshur dhe ktheu kokën prapë nga Kunati.

-Po më gjej pra dikë nga Tirana se qenkan nga periferia këta.

-Ca të bëj, i tha Kunati. U thashë këtyre të shtabit elektoral na sillni votuesit tanë dhe na kanë sjellë këta. U thashë janë të gjithë nga Paskuqani dhe Bathorja. Epo a na the na sill votuesit më thanë. Ku di unë këtë punë…

-Or Lul, krejt Tirona është me ty or taj, i tha një djalë i ri që ish ulë në bordurë me qoftë në letër dhe një birrë.

-Faleminderit, i tha Luli duke qeshur dhe ktheu kokën prapa nga Kunati.

-Po më gjej pra një nga Tirana që të na kapë kamera se po rrinë gazetarët pa filmuar. Biles ata të Fiksit po marrin dhe intervista, po tallen.

-Ça të bëj unë i shkreti. Ja të vë këta të agjencisë sime, po këta kanë frikë të dalin se i njohin gazetarët. Ja të pyes babin mos kemi ndonjë shofer në firmën tonë nga Jugu.

-Po dua nga Tirana, nga Tirana, i tha Luli, jo nga Jugu.

-Nga Tirana s’del njeri sot, janë mbyll të gjithë brenda se kanë vërshu këta përtej Lumit dhe kanë frikë se u vjedhin gjë.

-Po shiko një herë, shiko, i tha Luli në panik se s’di as çfarë të them. Ja fola për qoftet dhe piskavicat, por dua diçka që të prekë qytetarët e Tiranës.

-Ja se kam një gocë nga Tirana në agjenci, po pyes atë, tha Kunati.

Pas pak iu afrua tek veshi. Ajo thotë të thuash që është ditë e mirësisë që Tirana shpreh për fshatarët përreth duke i hapur dyert dhe duke u lënë qytetin e tyre të festojnë.

-Ashtu ë, tha Luli i trembur. Po mos mërziten, se pastaj kam frikë nga votat.

-Ore ata s’të japin gjë vota ty, votat nga këta i ke, ndaj bëju qejfin këtyre, tha Kunati. Se po të ishte për tironsit ishe pa punë sot.

SMS e shkëmbyera gjatë mbledhjes për përzgjedhjen e projektit të parlamentit

22:29 Antena

Jozi, xheloze për Lul Bashën që e kopjon për maketet

23:06 Antena

Çimi i Çamëve diskuton çështjen çame me Flamurin

19:32 Antena

Jozi analizon gratë që folën për 8 Marsin

20:49 Antena

Aldo në ngatërresë për zyrë për zëvendësministrin çam

20:46 Antena

Mona dekonspiron menynë e Baba Mondit në darkë me Baba Liken

19:51 Antena

Flamuri sqarohet me Grigjën për 12 prioritetet e BE

21:33 Antena

Flamuri informohet se Pollo është ministri që mund të rrihet të enjten

19:54 Antena

Doktori bën lëmsh ambasadën japoneze në përvjetorin e tsunami-t

21:17 Antena

Flamuri udhëzon Aldon për interpelancën e klubit Partizani

22:42 Antena